قابىرعاداعى شەگە
ءبىر كۇنى قوجاناسىر ءۇيىن ساتپاق بولادى، ءبىراق يەلىك قاعازدا ءبىر شارت جازىلۋى قاجەت ەكەن. بۇل شارت بويىنشا، ۇلكەن بولمەدەگى شەگە قوجانىڭ يەلىگىندە قالادى. بۇل شەگەنى قوجا ءوز قالاۋىنشا پايدالانا الادى.
ءۇيدىڭ جاڭا يەسى قوجاناسىردى الاڭعاسار ەكەن دەيدى دە، بۇل شارتتى يەلىك ەتۋ قاعازىنا تۇسىرەدى.
بىرنەشە جىل وتەدى. قوجاناسىر شەگە تۋرالى دانەڭە دەمەيدى. ءبىر كۇنى ءۇي يەسى ۇلىن ۇيلەندىرىپ، توي جاسايدى. توي ابدەن قىزعان كەزدە قوجاناسىر ەسىك كاعىپتى. ەسىكتى اشسا، ەسەكتىڭ ءشىري باستاعان ولىگىن سۇيرەتكەن قوجاناسىر تۇر. قوناقتار اڭ- تاڭ. ءۇي يەسى ىزادان جارىلۋعا شاق تۇر. قوجاناسىرعا باقىرا باستايدى. قوجاناسىر:
— ەسەگىم ءولىپ قالدى. ونىڭ تەرىسىن سىپىرۋ ءۇشىن، انا شەگەگە ىلۋگە الىپ كەلدىم. ءسىزدىڭ قارسى بولۋعا حاقىڭىز جوق. ۇيگە يەلىك ەتۋ قاعازىنا قاراڭىز، — دەيدى.
مىنا جاعدايدان قۇتىلۋ ءۇشىن ءۇي يەسى قوجاناسىردى قايتكەندە شىعارىپ سالماق بولادى. ول بارلىق ءتاتتى دامدەرىن مۇنىڭ الدىنا توسىپ، ءۇيدىڭ جارتى باعاسىن تولەپ، ارەڭ دەگەندە قۇتىلعان ەكەن.
You Might Also Like
-
ورازا كەزىندە قوجاناسىر ءبىر اۋىلدان قايىر-ساداقا جيناپتى. حالىقتىڭ نيەتى ءتۇزۋ ەكەن، ورازا بىتكەندە، قوجا ۇيىنە ءاميانى تولى اقشامەن قايتادى. ءبىراق جول ۇستىندە سالت اتتى قاراقشى توقتاتادى.
-
— اپەندى، ساپارعا شىعىپ، باسقا ەلدەردى كورگىڭ كەلسە، بىزبەن بىرگە ءجۇر، — دەيدى بىردە ساۋداگەرلەر. قوجا قۋانىپ، كورشىسىنەن ات سۇراپ ءمىنىپ، جولعا شىعادى.
