InfoHub Logo

ءبىر كۇنى قوجا كوك ەسەگىنە ءمىنىپ، ۇزاق جول ءجۇرىپ، شارشاپ-شالدىعىپ كەلە جاتسا، ءبىر بايدىڭ ءۇيىنىڭ سىرتىندا كەرمەدە سايگۇلىك اتى بايلاۋلى تۇرادى. قوجا قىزىعىپ كەتىپ، بولدىرىپ كەلە جاتقان ەسەگىن كەرمەگە بايلاپ، اتقا ءمىنىپ ءجۇرىپ كەتەدى.

اۋلىنا كەلگەن سوڭ اعايىندارى:

— قوجەكە، مىنانداي ارعىماق اتتى قايدان الدىڭ؟ — دەپ سۇراعاندا، جوندەپ جاۋاپ قايىرماي، مۇرنىنىڭ استىنان مىڭگىرلەپ:

— قايدان الۋشى ەدىم، ساتىپ الدىم، — دەيدى.

ارادا بىرنەشە كۇن وتكەن سوڭ قوجانىڭ اتى كوزدەن عايىپ بولادى، تۇندە بىرەۋ ۇرلاپ كەتەدى. ەرتەڭىندە اۋىلداستارى

قوجادان:

— اتىڭ قايدا؟ — دەپ سۇرايدى.

سوندا قوجا ەش نارسە بىلمەگەن كىسى قۇساپ:

— ءوز قۇنىنا ساتىپ جىبەردىم، — دەپتى.

 

---