وزەنىنە اسىققان بۇلاقتايىن،
ەنەسىنە جۇگىرگەن لاقتايىن،
جايقالايىن جانىڭدا قۇراقتايىن،
ەندى مەن دە ساعان كەپ تۇراقتايىن.
اسقار تاۋعا سوعىلعان داۋىلدايىن،
اقتارىلعان اسپاننان جاۋىندايىن،
دامىلدايىن، ساعان كەپ دامىلدايىن،
اۋا بەرمەي اۋلاققا ساعىمدايىن.
وزىممەنەن ساپارعا ءبىر اتتانعان،
قۇربىلاردىڭ ءبارى دە تۇراقتانعان.
اق ءۇمىتتى ۇزدەيىن ءبىر كەزدەگى،
ۇمىت بولىپ جۇرتىمدا جىلاپ قالعان.
ءوز ورنىندا، وزگەرمەي تۇر اق قايىڭ،
تۇراقتايىن، مەن دە ەندى تۇراقتايىن.
ار ءۇمىتى - جوعالعان اق ءۇمىتىم،
تابايىن دا، سەنى ەندى جىلاتپايىن...

---