InfoHub Logo

ءوزى تۇرعان ءوڭىردىڭ ءبىرسىپىرا ۇلكەن-كىشىسىنە بەلگىلى ءبىر اقساقال، الىستان ات سابىلتىپ كەلە جاتقان جولدا تۇستەنىپ شىعايىن دەپ، انادايدان كورىنگەن قويلى اۋىلعا ات باسىن بۇرادى. ءۇي يەلەرى كەلگەن ادامعا ۇلكەن قوشامەت كورسەتىپ، اتتان ءتۇسىرىپ، تورگە شىعارىپ، استىنا كورپە جايىپ، جاستىق سالىپ، سىي-قۇرمەت كورسەتەدى.

ازدى-كوپتى اڭگىمەلەسىپ، ءبىراز دەمالعاننان كەيىن داستارحان جايىلىپ، سارى ساماۋىرىن دا ساقىلداپ كەلىپ قالادى. داستارحانعا ىرىمشىك، قۇرت، باۋىرساق، شاقپاق قانت، بۇدان باسقا شايدىڭ جەمى تولىق جايىلادى، بىر-ەكى جەردەن سارى ماي دا قويىلادى.

ءبىر ءسات ءقادىرلى قوناق ىدىستاعى مايدان ءبىر ءىلىپ الىپ، اۋزىنا قاراي اپارا بەرگەندە قارايعان ءبىر نارسەنى كوزى شالىپ قالادى. اۋزىنا سالا سالۋعا ءداتى شىدامايدى، ءۇي يەسىنە كورسەتپەي لاقتىرىپ جىبەرۋدىڭ تاعى ىڭعايى كەلمەيدى. باسقا امال بول- ماعاندىقتان، ول ىڭعايسىزدانعاندىعىن ءبىلدىرىپ، «مى... مىناۋ» دەي بەرەدى.

مايمەن بىرگە ىلىنگەن قويدىڭ قۇمالاعى بولىپ شىقتى. «ۇتىلعان تەك تۇرماس» دەگەن، سوندا شاي قۇيىپ وتىرعان كەلىنشەك جۇلىپ العانداي:

— ە، قۇداي، ءوزىمىزدىڭ قويدىڭ قۇمالاعى قوي، — دەپتى-اۋ.

---