پاراقورلىق ءجيى ورىن الاتىن جوو-لار رەيتينگى جاسالدى
سىبايلاس جەمقورلىق فاكتىلەرى ءجيى ورىن الاتىن قازاقستاندىق جوو-لاردىڭ رەيتينگى جاسالدى.
«Nur Otan» پارتياسىنىڭ ورتالىق اپپاراتىندا سىبايلاس جەمقورلىققا قارسى ءىس-قيمىل جونىندەگى رەسپۋبليكالىق قوعامدىق كەڭەستىڭ وتىرىسى ءوتىپ، «تازا سەسسيا» جالپىحالىقتىق اكسياسىنىڭ ارالىق ناتيجەلەرى تالقىلاندى. «Jas Otan» جاستار قاناتىنىڭ ءتوراعاسى داۋلەت كارىبەك اكسيانىڭ قورىتىندىلارى تۋرالى حابارلادى.
سونىمەن، «Jas Otan» بەلسەندىلەرى قازاقستاننىڭ بارلىق ايماقتارىنداعى 15 مىڭعا جۋىق ستۋدەنت اراسىندا ءانونيمدى ساۋالناما وتكىزدى. ستۋدەنتتەردىڭ 12،8% جوعارى وقۋ ورىندارىندا سىبايلاس جەمقورلىق بار ەكەندىگىن كورسەتكەن. دەمەك، ساۋالناماعا قاتىسقان ءاربىر 8ء-ىنشى ستۋدەنت ءبىلىم وردالارىندا جەمقورلىقتىڭ بارىن راستايدى جانە ءاربىر 12 ستۋدەنتتىڭ پارا بەرگەنى ايقىندالدى. سونداي-اق ۋنيۆەرسيتەتتەردە ەمتيحان تاپسىرىپ، ديسسەرتاسيا قورعاعاننان كەيىن داستارحان جايۋ، سىيلىقتار بەرۋ جانە تاعى دا باسقا «داستۇرگە» اينالعان ءىلتيپاتتار جاسالادى.
ستۋدەنتتەر اراسىنداعى ساۋالناما ناتيجەسى بويىنشا جاسالعان جەمقورلىق فاكتىلەرى ەڭ ءجيى ورىن الاتىن جوو-لار رەيتينگى:
1. ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتى؛
2. اتىراۋ مۇناي گاز ۋنيۆەرسيتەتى؛
3. قاراعاندى مەملەكەتتىك مەديسينالىق ۋنيۆەرسيتەتى؛
4. م.وسپانوۆ اتىنداعى باتىس قازاقستان مەملەكەتتىك مەديسينالىق ۋنيۆەرسيتەتى؛
5. ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتى.
bilim-all.kz
You Might Also Like
-
باۋىرجان مومىش ۇلى ءبىر سوزىندە: "بىرىنشىدەن، بەسىك جىرىن ايتاتىن كەلىندەردىڭ ازايىپ بارا جاتقانىنان قورقامىن، ەكىنشىدەن نەمەرەسىنە ەرتەگى ايتىپ بەرە المايتىن اجەلەردىڭ كوبەيىپ بارا جاتقانىنان ق...
-
ق ر ءبىلىم جانە عىلىم ۆيسە-مينيسترى شولپان كارينوۆا بۇگىندە وقۋشىلاردىڭ ءبىلىمىن باعالاۋ ءۇشىن قولدانىلىپ وتىرعان ءبولىم بويىنشا جانە توقسان بويىنشا جيىنتىق باعالاۋلار (بجب/سور جانە تجب/سوچ) ءتارتىبىن ءتۇ...
