InfoHub Logo

قالامى قارىمدى جاستارعا ارنالعان ەسسە جانە ولەڭ-جىر بايقاۋى ءوز جالعاسىن تابۋدا. سان قيلى تاقىرىپتاعى شىعارمالار تولاسسىز تولىقتىرىلىپ، ونەرپاز جاستاردىڭ تالپىنىسى كوڭىل قۋانتپاي قويماسى انىق. اپتادان اپتاعا سايىمىزعا قاتىسىپ جاتقان بارلىق شىعارماشىل جاستار اراسىنان وق بويى وزا شاپقانىن انىقتاۋ قيىنعا تۇسۋدە. دەگەنمەن، قاراشانىڭ العاشقى جەڭىمپازى انىقتالعانىن قۋانا حابارلايمىز!

توعىزىنشى اپتا قورىتىندىسى بويىنشا ۇزدىك دەپ تانىلعان تۋىندىنى نازارلارىڭىزعا ۇسىنامىز:

مەن - قازاقپىن!

مەن - قىرانمىن، ۇرپاعىمىن ءبورىنىڭ،
مەن - قازاقپىن، تورتكۇل دۇنيە كوگىمىن.
قازىنالى تۇما تاريح قويماسى،
دانالاردىڭ دومبىراسى - سەرىگىم.

مەن - قازاقپىن، الاتاۋمىن، اسقارمىن،
تاۋەلسىزبىن، ءوزىمدى- ءوزىم باسقاردىم.
قورىقپادىم ەسكەندىردەن، كيردەن دە،
تەك اتا-اكە مىنەزىنەن جاسقاندىم.

مەن - داستانمىن، ەرلىك جىرى بىتپەيتىن،
ءىسى ءۇشىن اتاق - داڭقتى كۇتپەيتىن.
مەن - جاس قىران، جالىنىم بار جالماعان،
ءوز- وزىنە ۇلى ارمان جۇكتەيتىن.

ءان-انامىن بالا-الەمدى تەربەتكەن،
دينا، مۇحيت كۇيىن تىڭداپ ەر جەتكەم.
ۇيا سالعان قارلىعاش كۇي جۇرەكتە،
امىرەمىن ءپاريجدى انمەن تەربەتكەم.

ابايمىن مەن، كەمەل ويلى دانامىن،
ءفارابيمىن، ازيادا دارامىن.
نيزاميدەي دانا كىسى ايتقانداي:
"سەن جانباساڭ، مەن وت بولىپ جانامىن".

ديماشپىن مەن، كەڭ الەمگە تانىلعام،
ونەرىمەن شامشىراق بوپ جاعىلعان.
جانارمىن مەن، ىزىمەنەن بابانىڭ
تۇرىكۆيجىندە داۋىسىمەن تانىلعان.

مەن - قازاقپىن، بۇركىت كوزدى بالامىن،
جەتىمگە انا، جەسىرگە ءۇي، پانامىن.
مەن سەكىلدى ىزدە، شارلا تاپپايسىڭ،
ەۋرازيانىڭ كىندىگىندە عانامىن.

(اۆتوردىڭ ورفوگرافياسى مەن پۋنكتۋاسياسى ساقتالعان)

سونىمەن، قاراشانىڭ العاشقى اپتاسىنىڭ جەڭىمپازى «مەن – قازاقپىن» اتتى شىعارمانىڭ اۆتورى دينارا ادىلبەك bilimland.kz سايتىنان powerbank ۇتىپ الدى.

جەڭىمپازدى قۇتتىقتايمىز!

سىيلىقتى الۋ ءۇشىن bilimland.kz سايتىمەن بايلانىسۋىڭىزدى سۇرايمىز!

ەسكە سالايىق، bilim-all.kz جانە bilimland.kz سايتتارى جاس قالامگەرلەر اراسىندا سايىس جاريالاعان بولاتىن. بارلىق تالاپتارمەن قالامگەرلەر سايىسى سىلتەمەسى ارقىلى تانىسا الاسىز.

---