پاتريوت بولۋ - پارىزىڭ
پاتريوت-وتاننىڭ مەرەيىن ۇستەم ەتۋ جولىندا ، ءوز حالقىنا دەگەن سۇيىسپەنشىلىگى جولىندا قولدا بارىن،ءومىرىن ايامايتىن ادام.
م.ف.احۋندوۆ
قازاقستان – كوپ ۇلتتى مەملەكەت. قازاقستاندا ءار ءتۇرلى ۇلت وكىلدەرى تۇرادى:ولار ءبىر-بىرىن جاتسىنبايدى، ءبىر-بىرىن قۇرمەتتەيدى، قيىن كەزدە كومەكتەسەدى، قول ۇشىن بەرەدى جانە قۋانىشىنا ورتاقتاسادى. ءبىز قازاقستاندا ەركىن ءومىر ءسۇرىپ جاتىرمىز. ول بىرىنشىدەن،نايزانىڭ ۇشىمەن قورعاعان،ءتۇن ۇيقىسىن ءتورت بولگەن اتا-بابا ارقاسى بولسا، ەكىنشىدەن، ەلباسىمىزدىڭ كورەگەندىگىنىڭ جەمىسى. «وتان ءۇشىن وتقا تۇس-كۇيمەيسىڭ» دەگەن ماقال بار. راسىندا دا، وتان ءۇشىن جانىڭدى قيساڭ- ول ۇلكەن ابىروي، ناعىز ەرلىك. تاريحتا ماڭگى وشپەيتىن ەرلىك! ال سول وتاندى قورعاۋ ءۇشىن پاتريوت بولۋ كەرەك.
پاتريوت دەگەنىمىز كىم؟ پاتريوت دەگەنىمىز- ەلىڭدى، جەرىڭدى، حالقىڭدى ءسۇيۋ، ولارمەن ماقتانۋ، ولاردى ۇلگى تۇتۋ جانە كەز كەلگەن ورتادا قۇرمەتتەۋ. ال بۇل وتانسۇيگىشتىككە ءبىزدى تاربيەلەيتىن اتا-انامىز جانە ارينە ارداقتى ۇستازدارىمىز. مەكتەپ تابالدىرىعىن اتتاعاندا العاش رەت ءانۇراندى ورىنداعاندا، مەن قولىمدى جۇرەگىمە قويىپ، جاۋاپكەرشىلىكتى سەزىندىم جانە دە قازاق مەكتەبىنە بارىپ، قازاق تىلىندە سويلەپ، ءوز تىلىمىزدە ءبىلىم العانىم ءۇشىن ماقتانامىن. پاتريوت بولۋدىڭ ەڭ باستىسى كوزى دە وسىندا. ال كىتاپ وقۋ ارقىلى بۇل قاسيەتتەردىڭ بارلىعىن بويىمىزعا دارىتامىز.
بيىل تاۋەلسىزدىككە 28 جىل... وسى 28 جىلدا اتا-بابالارىمىز قانداي قيىنشىلىق كوردى دەسەڭشى! ءبىراق قانشا ازاپتى جىلدار وتسە دە، وعان مويىعان جوق، تەك العا ۇمتىلدى. تەلەديداردان تاۋەلسىزدىك جىلدارىنداعى قازاقتاردىڭ جاعدايىن كورگەندە جانىم اشىدى، كىشكەنتاي بولسام دا، جۇدىرىقتاي جۇرەگىم شىمىرلاپ قويا بەردى. سۋ، وتىن، جارىق جوق:قانشاما بالالار اتا-اناسىز قالدى، قانشاما انالارىمىز كوز جاسىن توكتى. ءبىر ايتا كەتەرلىگى،كەيدە ءبىز ءوزىمىزدىڭ اسىل قۇندىلىقتارىمىزدى باعالاي المايتىن سياقتىمىز. تورىمىزدە جەلبىرەگەن كوك تۋىمىز بار، قازاقتىڭ قارا دومبىراسىمەن قوسا قىمىزى،شۇباتى بار، كيىز ءۇي، ۇلتتىق ويۋ-ورنەكتەرمەن بەزەندىرىلگەن كورپەلەرىمىز...ايتا بەرسە تولىپ جاتىر، ءبىز وسىلاردى باعالاپ، كوزىمىزدىڭ قاراشىعىنداي ساقتاۋىمىز كەرەك. قازاقتىڭ وسى بايلىقتارىنا وزگە ۇلت وكىلدەرى قىزىعا دا، تاڭدانا دا قارايدى.
ءار قازاقستاندىقتىڭ جۇرەگىندە مىناداي سوزدەر جاڭعىرىپ تۇرۋى كەرەك: «مەن - پاتريوتپىن! مەن ەلىمدى، جەرىمدى، وتانىمدى سۇيەمىن! مەن ءتىلىمدى، ءدىنىمدى سۇيەمىن! مەن قازاقستان رەسپۋبليكاسىنىڭ تۋىن، ەلتاڭباسىن، ءانۇرانىن قۇرمەتتەيمىن.»
م.ماقاتايەۆ ايتقانداي: ەڭ ءبىرىنشى باقىتىم-حالقىم مەنىڭ،
سوعان بەرەم ويىمنىڭ التىن كەنىن...
ال ەكىنشى ءباقىتىم-تىلىم مەنىڭ،
تاس جۇرەكتى تىلىممەن تىلىمدەدىم...
باقىتىم بار ءۇشىنشى-وتان دەگەن،
قۇداي دەگەن كىم دەسە-وتان دەر ەم...
قازاقستان – ماڭگىلىك ەل. كورەگەن كوشباسشىمىزدىڭ ارقاسىندا ەلىمىز ودان سايىن وركەندەپ دامي بەرمەك، جاساي بەرمەك، ورلەي بەرمەك. انا ءتىلىمىز دە ماڭگىلىك، الدىنا قويعان ۇلى ماقساتتارى بار، ەرتەڭىنە سەنىممەن قارايتىن، جاستارى العىر، جاڭالىققا جانى قۇشتار، رۋحى بيىك ەلىمىز دە ماڭگىلىك، ەلباسى سالعان سارا جولىمىزدا ماڭگىلىك بولىپ جاساي بەرسىن! بۇل شىعارمانى جازا وتىرىپ مەن مىناداي قورىتىندىعا كەلدىم: جاڭا ۇرپاق،كەلەر ۇرپاق سىزدەر باقىتتىسىزدار! بىزگە بەيبىت ءومىر، باقىتتى بالالىق شاق سىيلاعان باتىرلارىمىزعا باس ءيىپ العىس ايتساق تا، ارتىق ەمەس. ال بۇل ەلدە ءارى قاراي ءتاتۋ-تاتتى ءومىر سۇرگىمىز كەلسە، ءبارىمىز بىرىگىپ ءبىر جاعادان باس، ءبىر جەڭنەن قول شىعارۋ كەرەكپىز. ەلىمىز ءۇشىن كوپ جاقسىلىق جاساۋ ءبىزدىڭ مىندەتىمىز، ءارقاشاندا پاتريوت بولىپ، ءوز ەلىمىزدىڭ كوركەيۋىنە ۇلەس قوسايىق!
You Might Also Like
-
ۆەنگريانىڭ ءدور قالاسىندا وتكەن دۇنيەجۇزىلىك روبوتتار وليمپياداسىنان قازاقستاندىق زياتكەرلەر قۇراماسى ءۇشىنشى ورىن الدى. قولا مەدال يەگەرىنىڭ ءبىرى الماتى قالاسى فيزيكا-ماتەماتيكا باعىتىنداعى نازارب...
-
تۋعان ەل.... تۋعان جەر... وسى ەكى سوزدە عانا قانشاما وي،ماعىنا جاتىر دەسەڭىزشى؟ تۋعان جەردىڭ ءقادىرىن اركىم ءارقالاي تۇسىنەتىن شىعار. تۋعان جەرگە دەگەن سۇيىسپەنشىلىك ءوز ءۇيىڭدى،ءوز شاڭىراعىڭدى قادىرلەۋ...
