پاۆلودار وبلىسىنىڭ ۇستازدارى «نازاربايەۆ زياتكەرلىك مەكتەبىنىڭ» تاسىلىمەن جۇمىس ىستەيدى
پاۆلودار وبلىسىنىڭ ۇستازدارى «نازاربايەۆ زياتكەرلىك مەكتەبى» پەداگوگيكالىق قۇرامىنان تاجىريبە الاتىن بولادى. وبلىس اكىمى بولات باقاۋوۆ پەن «نزم» دببۇ كۇلاش شامشيدينوۆا وسىنداي مەموراندۋمعا قول قويدى، دەپ حابارلايدى pavlodar.gov.kz.
وڭىردەگى كەيبىر مەكتەپتەر ءقازىردىڭ وزىندە نزم تاجريبەسىمەن جۇمىس ىستەۋدە. ولار پاۆلودار قالالىق №8 مەكتەپ-ليسەيى، «جاس دارىن» مامانداندىرىلعان مەكتەبى، سونىمەن قاتار باياناۋىل، ماي اۋداندارىنىڭ مەكتەپتەرى.
«بۇل تاجىريبە ءار مەكتەپ پەن ءار ءمۇعالىمنىڭ ماقتانىشىنا اينالۋى كەرەك. ءبىزدىڭ ماقساتىمىز نزم تاجىريبەسىن وڭىردەگى بارلىق مەكتەپكە ەنگىزۋ. قالا مەن اۋىل مەكتەپتەرى اراسىنداعى ءبىلىم ساپاسىنىڭ الشاقتىعىن قىسقارتۋىمىز كەرەك»،-دەدى وبلىس اكىمى.
«نزم» دببۇ كۇلاش شامشيدينوۆا ءوزىنىڭ سويلەگەن سوزىندە بۇگىندە اقپاراتتىڭ تىم كوپتىگىن ايتتى. بۇرىن اقپارات وڭدەلىپ بەرىلسە، قازىر بالالار وعان وڭدەلمەگەن كۇيىندە قول جەتكىزە الادى. ونىڭ ايتۋىنشا، اقپاراتتى قابىلداعان بالا وعان ءوز بەتىنشە باعا بەرىپ، سىني كوزقاراسپەن ويعا سالىپ تارازىلاي ءبىلۋى كەرەك. جانە ونى جۇرتقا ۇسىنا الۋى كەرەك.
مەموراندۋمعا سايكەس تاراپتار، ۇستازداردىڭ كاسىبي بىلىكتىلىگىن ارتتىرىپ يننوۆاسيالىق ءبىلىم بەرۋ سالاسىندا بىرلەسە قىزمەت اتقارماق.
You Might Also Like
-
"وزەكتى ءجاڭالىق-وز ۋاقىتىندا" دەمەكشى، بۇگىنگى جاعا ۇستاتارلىق جاڭالىقتان سوڭ ءمان بەرمەي ءوتۋ مۇمكىن ەمەس بولدى. جاسىراتىنى جوق، وسى وقيعا ءوزىمنىڭ دە باسىمنان وتكەن. شاكير حاxازوۆ مىرزانىڭ...
-
شىعىس قازاقستان وبلىسى ءۇرجار اۋدانى ەلتاي اۋىلى "ق.يگەنباي ۇلى اتىنداعى ورتا مەكتەپ-باقشاسى" كمم تاربيەلەنۋشى ايتقۇرمانوۆا قارلىعاش قانات قىزى تاربيەشىسى: بايگازينوۆا اكمارال ابىل...
