InfoHub Logo

"وزەكتى ءجاڭالىق-وز ۋاقىتىندا" دەمەكشى، بۇگىنگى جاعا ۇستاتارلىق جاڭالىقتان سوڭ ءمان بەرمەي ءوتۋ مۇمكىن ەمەس بولدى. جاسىراتىنى جوق، وسى وقيعا ءوزىمنىڭ دە باسىمنان وتكەن. شاكير حاxازوۆ مىرزانىڭ "ەندى بەينەكامەرانى مەكتەپتىڭ ءىشى-سىرتىنا عانا ەمەس، ءاربىر كابينەتكە ورنالىستىرۋ كەرەك" دەگەنىن تولىقتاي قۇپتايمىن. سەبەبى، وسى جاعدايدا عانا ماسەلەنىڭ اق-قاراسىن انىقتاپ، كىمدىكى دۇرىس، كىمدىكى بۇرىس ەكەندىگىنە كوز جەتكىزەمىز. سونىمەن، قاتار ءمۇعالىم مەن وقۋشىنىڭ اراسىنداعى كيكىلجىڭدى شەشۋگە مۇمكىندىك الامىز. ولاي بولسا، اڭگىمەمىزدى بولعان پروبلەماعا ساي وربىتەيىك. 

بۇل وقيعا ءدال بۇگىن ورىن الىپ وتىر. الماتى وبلىسى، ىلە اۋدانىنداعى، #17 مەكتەپتە ءۇش جىلدان بەرى قازاق ءتىلى ءپانىنىڭ مۇعالىمىنەن قورلىق كورىپ، توزىمدەرى تاۋسىلعان ولار، بارلىق شىندىقتى جايىپ سالۋ ءۇشىن، ۇستازدارىنىڭ وقۋشىلاردىڭ ءبىرىن جۇلقىلاپ جاتقان تۇستا،  ۆيدەوعا ءتۇسىرىپ الىپ ، شاعىمدانعان. اتا-انالارىنا جەتكەن بۇل شۋدىڭ ارتى ۇلكەن داۋعا ۇلاسىپ، تەلەديدار بەتىنە شىعىپ، الەۋمەتتىك جەلىدە ءبىرى ۇستازدى قارعاپ، ءبىرى قولداپ ءوز پىكىرلەرىن جارىسا جازدى. ماسەلەنىڭ انىق-قانىعىن زەرتتەسەك، بالالاردىڭ بۇلاي شاعىمدانۋىنا سەبەپ بولعان، ولاردىڭ ۇستازدارىنىڭ بالاعاتتاۋى ەكەن. ءتىپتى، بوقاۋىز ءسوز دە ەمەس، وتباسى مۇشەسى تولىق ەمەستەردى "جەتىم" ، "سورلى" دەپ، وقىمايتىنداردى "توپاس" دەپ كەمسىتكەن. بۇنىمەن قوسا، ساباق ۋاقىتىندا كوبىنە ءوزىنىڭ ءومىرى جايلى ايتىپ، ساباقتى وتكىزەدى ەكەن. ال، باعالارىن ديكتانتتارىن تەكسەرىپ بەرگەن جاعدايدا عانا، قويادى ەكەن. وسىدان 1-2 جىل بۇرىن ارىزدانعان وقۋشىلاردى اتا-انالارى مەن مەكتەپ باسشىسى "بالا عوي"، "مۇعالىمدىكى دۇرىس" دەپ،  ايتقان نازدارىنا قۇلاق تا اسپاعان. بۇل ماسەلەگە بەيجاي قاراۋعا بولماس. وسىدان 1 جىل بۇرىن عالامتور جەلىسىندە ستۋدەنتتەر ۇستازدارىنا بەيادەپ ءسوز ايتىپ، ۆيدەو جۇكتەگەندەرى ءۇشىن جاۋاپقا تارتىلىپ، اباقتىعا قامالعان ەدى. بالا بولسا دا ول ادام! قانشاما جىلدان بەرى، وقۋشىلار ۆيدەو دا سالدى، شاعىمداندى، الايدا، "كورگەنسىز" ۇستازداردى مەكتەپتەن شىعارعاننان باسقا شارا قولدانىلماي، جىلى جاۋىپ قويا سالاتىن. ەندىگى ماسەلە- سوتتىڭ قۇزىرىندا. 

ءوزىم دە وقۋشى بولعاندىقتان، ولاردىڭ جانىن مەنەن ارتىق ەشكىم تۇسىنبەس. ءسوزىمدى قورىتىندىلاي كەلە، وقۋشىلارعا "وقىماساڭدار، وزدەرىڭنەن كورىڭدەر"، "كەزىندە ءبىزدى ۇرىپ-سوعىپ تاربيەلەگەن،ەشتەڭە جوق،ولگەن جوقپىز" سىندى ويلارىن بىلدىرۋشىلەرگە ايتارىم، بالا قۇقىعىنا قول سۇعۋدىڭ قاجەتى جوق، وزدەرىڭىزدىڭ بالالارىڭىزبەن وسىنداي جاعداي ورىن السا، تۇسىنەتىن ەدىڭىزدەر. ودان دا، بالا تاربيەسىنە ارنالعان كىتاپتاردى وقىڭىزدار، كومەگى تيەر. ال، اتا-انالارعا ايتارىم، "بالا" دەپ اۋزىن جابا بەرگەنشە، ونىڭ جەكە پىكىرىمەن ساناسىڭىز. مۇعالىمنەن دە، اتا-انادان دا زورلىق كورىپ وسكەن بالا ەشقاشان ءوز قاتەسىن تۇسىنبەيتىن بولادى. كەرىسىنشە، اينالاسىن جازعىرا باستايدى. كەلەشەكتە بالاڭىزدىڭ تۇك شەشىم قابىلداي المايتىن، جاسقانشاق، وزىنە سەنىمسىز، سوزگە شورقاق، ءوزى قورقاق، ىزاقور، كەكشىل بولىپ وسكەنىن قالاماساڭىز، وعان قامقور ءارى قورعاۋ بولىڭىز. تەك سول كەزدە عانا بالاڭىزدىڭ دا ماxابباتىنا بولەنەتىن بولاسىز.

---