تامىرى تەرەڭ تۋعان جەر
جاقىندا «رۋحاني جاڭعىرۋ» ستراتەگيالىق باعدارلاما اياسىندا ت.ق.جۇرگەنوۆ اتىنداعى قازاق ۇلتتىق اكادەمياسى «كەسكىندەمە، ءمۇسىن جانە ديزاين» فاكۋلتەتى "ساندىك قولدانبالى ونەر" كافەدراسىنىڭ پروفەسسورى، ق.ر. سۋرەتشىلەر وداعىنىڭ مۇشەسى، «ق ر مادەنيەت قايراتكەرى» ءابىلقاسىم سارسەنبايەۆتىڭ "تامىرى تەرەڭ تۋعان جەر" اتتى جەكە شىعارماشىلىق كورمەسى بولىپ ءوتتى.
كورمەدە سىر ەلىندە تۋىپ-وسكەن اقىندار،جازۋشىلار، قوعام قايراتكەرلەرى، اتى اڭىزعا اينالعان باتىر بابالاردىڭ بەينەلەرى جانە م.شوقايدىڭ سان سىرلى بەينەلەرىنىڭ توپتاماسى قويىلعان. كورمەمەن جالعاسىپ جاتقان دوقتىرحان تۇرلىبەكتىڭ «ارداعى ەدىڭ تۇركىنىڭ» اتتى دەرەكتى ءفيلمى كورسەتىلدى. فيلمدەگى كورىنىستەردە ءا.سارسەنبايەۆتىڭ م.شوقاي تاقىرىبىنا سالىنعان ءتۇرلى كورىنىستەگى سۋرەتتەرى ءفيلمنىڭ نەگىزگى ارقاۋى بولادى. جاسالعان ەڭبەكتەرى گرافيكا، كەستىندەمە جانە ءتۇرلى تەحنيكادا شەبەر ورىندالعان. بۇل كورمەدە جىلدار بويى ىزدەنىسپەن اتقارىلعان شىعارماشىلىق جۇمىستار كوپشىلىك نازارىنا ۇسىنىلدى.
كورمەنىڭ اشىلۋ سالتاناتىنا الماتى قالاسى اكىمىنىڭ كومەكشىسى ماماي احەتوۆ، الماتى اقشامى گازەتىنىڭ رەداكتورى قالي سارسەنبايەۆ، «ايقىن» گازەتىنىڭ رەدوكتورى نۇرتورە ءجۇسىپ، «ۇركەر» جۋرنالىنىڭ رەداكتورى قۋاندىق تۇلەنبايەۆ، اكادەميك اسقار جۋمادىللايەۆ سىندى زيالى قاۋىم وكىلدەرى قاتىسىپ، ەلىمىزدىڭ الاش قايراتكەرى م.شوقايدىڭ ءومىرى جايلى وزدەرىنىڭ ىستىق لەبىزدەرىن جەتكىزدى.
You Might Also Like
-
جاقىندا ت. جۇرگەنوۆ اتىنداعى ونەر اكادەمياسىندا «كەسكىندەمە جانە ءمۇسىن»، «بەينەلەۋ ونەرىنىڭ تاريحى مەن تەورياسى» كافەدراسىنىڭ ۇيىمداستىرۋىمەن جازۋشى، عالىم جۇماباي قايرامباي...
-
شىعىس قازاقستان وبلىسى ءۇرجار اۋدانى ەلتاي اۋىلى "ق.يگەنباي ۇلى اتىنداعى ورتا مەكتەپ-باقشاسى" كمم تاربيەلەنۋشى كاتتابايەۆ نۇرالي تاربيەشىسى: اقتايەۆا جاڭىلحان تاۋفيح قىزى
