پەداگوگتەر بىلىكتىلىگىن ءار 3 جىل سايىن ارتتىرۋعا مىندەتتەلەدى - مينيستر
بىلىكتىلىكتى ارتتىرۋ كۋرستارى ەندى پەداگوگتەر ءۇشىن 5 جىلدا ءبىر رەت ەمەس، 3 جىلدا ءبىر رەت وتكىزىلەتىن بولادى.
بۇل جونىندە ق ر ءبىلىم جانە عىلىم ءمينيسترى اسحات ايماعامبەتوۆ ۇكىمەت وتىرىسىندا ءمالىم ەتتى.
«بولاشاق پەداگوگتەردى دايىنداۋ ساپاسىن ارتتىرۋ ءۇشىن، سالالىق بىلىكتىلىك شەڭبەرىن جانە «پەداگوگ» كاسىبي ستاندارتىن بۇگىنگى زامان تالاپتارىنا ساي وزگەرتەمىز.
ءپان مۇعالىمدەرىنىڭ تاپشىلىعى پروبلەمالارىن شەشۋ ءۇشىن قايتا دايارلاۋ تەتىگىن قولدانامىز. مىسالى، ماماندىعى ءمۇعالىم ەمەس، ءبىراق كاسىبي ءبىلىمى مەن تاجىريبەسى جەتكىلىكتى ماماندار مۇعالىمدىككە قايتا دايارلاۋ ارقىلى تارتىلاتىن بولادى»، - دەدى ۆەدومستۆو باسشىسى.
مينيستر بۇدان بىلاي پەداگوگتەر بىلىكتىلىگىن ءار 3 جىل سايىن ارتتىرۋعا مىندەتتى بولاتىنىن اتادى.
«مەملەكەت باسشىسىنىڭ تاپسىرماسىمەن بىلىكتىلىكتى ارتتىرۋ كۋرستارى ەندى پەداگوگتەر ءۇشىن 5 جىلدا ءبىر رەت ەمەس، 3 جىلدا ءبىر رەت وتكىزىلەتىن بولادى. ءتيىستى زاڭ جوباسى پارلامەنتتە قاراستىرىلۋدا.
پەداگوگتەردىڭ كۋرستارىنىڭ مازمۇنى دا ايتارلىقتاي وزگەرەدى.
پەداگوگتەردى جۇمىسقا قابىلداۋ، اتتەستاتتاۋ پروسەستەرىن اۆتوماتتاندىرۋ جوسپارلانۋدا، EduKyzmet ءبىرىڭعاي اقپاراتتىق جۇيەسىندە ءمۇعالىمنىڭ جەكە كابينەتى، پورتفوليوسى اشىق تۇردە جينالادى. بۇل جۇيە سىبايلاس جەمقورلىق تاۋەكەلدەرىن جويۋ ءۇشىن وتە ماڭىزدى»، - دەدى مينيستر.
اسحات ايماعامبەتوۆ مەكتەپ ديرەكتورلارىن روتاسيالاۋ ءراسىمى بيىلدان باستاپ تولىعىمەن جۇزەگە اسىرىلاتىن ەسكە سالدى.
You Might Also Like
-
اسىق ويىنى — سان عاسىرلىق تاريحى بار، قازاق حالقىنىڭ ۇلتتىق ويىنى. اسىق ويىنى مەرگەندىك پەن جىلدامدىقتى قاجەت ەتەدى. باستىسى اسىق ويىنىندا بەلگىلى ءبىر جاس مولشەرى جوق. ەڭبەكتەگەن بالادان، ەڭك...
