مينيستر: «التىن بەلگىگە» ۇمىتكەر تۇلەكتەرگە قويىلاتىن تالاپتى كۇشەيتەمىز
ق ر ءبىلىم جانە عىلىم ءمينيسترى اسحات ايماعامبەتوۆ ۇكىمەت وتىرىسىندا وقۋشىلاردىڭ فۋنكسيونالدىق ساۋاتتىلىعىن ارتتىرۋ ءۇشىن «جاھاندىق قۇزىرەتتىلىكتەر» تاڭداۋ كۋرسى ەنگىزىلەتىنىن ايتتى.
«اكادەميالىق بىلىممەن بىرگە وقۋشىلارعا ومىرلىك ماڭىزى زور داعدىلاردى يگەرتۋگە باعىتتالعان «جاھاندىق قۇزىرەتتىلىكتەر» تاڭداۋ كۋرسى ۇسىنىلاتىن بولادى.
پرەزيدەنتىمىز تەحنيكالىق باعىتتاعى ماماندىقتاردى دامىتۋ بويىنشا تاپسىرما بەردى. ونى ورىنداۋ ءۇشىن ماتەماتيكالىق ءبىلىمنىڭ ساپاسىن ارتتىرۋ قاجەت. ول ءۇشىن وقۋ باعدارلامالارىن، ادىستەمەلىك قۇرالداردى، وقۋلىقتاردى جاڭارتامىز، ماتەماتيكانى توپتارعا ءبولىپ وقىتۋدى قولعا الامىز.
بالالاردى ەڭبەككە دايىنداۋ ءۇشىن ەرتە كاسىپتىك باعدارلاۋعا باسا نازار اۋدارىلادى، ءتيىستى باعدارلامانى وزگەرتىپ، وقۋ-وندىرىستىك كومبيناتتاردىڭ قىزمەتىن جاڭعىرتامىز»، - دەدى اسحات ايماعامبەتوۆ.
سونىمەن بىرگە، ول ورتا ءبىلىم بەرۋدىڭ ساپاسىن باعالاۋ ءۇشىن قورىتىندى اتتەستاتتاۋ جانە باقىلاۋ قاعيدالارى جەتىلدىرىلەتىنىن ايتتى.
«التىن بەلگىگە» ۇمىتكەرلەرگە قويىلاتىن تالاپتار دا كۇشەيتىلەدى. بيىلدان باستاپ ءبىلىم بەرۋ ساپاسىنا سىرتتاي باعالاۋ تولىعىمەن ەڭگىزىلەدى. مەملەكەتتىك اتتەستاتتاۋ ءراسىمى قايتارىلىپ، پروفيلاكتيكالىق باقىلاۋ تۇرىندە بالاباقشا، مەكتەپ، كوللەدج دەڭگەيلەرى ءۇشىن وتكىزىلەدى. زاڭعا قاجەتتى وزگەرىستەر ەڭگىزىلدى»، - دەدى مينيستر.
You Might Also Like
-
شىعارمامنىڭ باستاماسىن ءدال قازىرگى تۇيىتكىلدى سۇراقتاردىڭ بىرىمەن باستاعىم كەلىپ تۇر.قازىرگى قوعامداعى قازاعىمىزدىڭ قارا دومالاق جىگىتتەرىمەن قاراكوزدى قىزدارىمىز قانشالىقتى وزگەرگەن؟ ارينە،ز...
-
ءبىر جىلى ابايدىڭ ۇيىندە كوپ كىسى تۇستەنىپ وتىرسا، كوتباق قارا قازىبەك دەيتىن ءبىر وسەكشى، قىدىرماشى كىسى ەسىكتەن كىرە سالەم بەرىپ:
