پەتروپاۆلدا اتا-انالار وقۋلىقتىڭ جەتىسپەيتىنىنە نارازىلىق بىلدىرۋدە
پەتروپاۆلدىق الەۋمەتتىك جەلى قولدانۋشىلارى العاشقى وقۋ كۇنىندە بالالارىنىڭ ساتىپ الاتىن وقۋلىقتار ءتىزىمىن اكەلگەنىن جازىپ، نارازىلىق بىلدىرۋدە. كەيبىر قالالىقتار ءبىرىنشى سىنىپ وقۋلىقتارىنىڭ 2700 تەڭگەدەن ساتىلىپ جاتقانىن جازۋدا.
پايدالانۋشىلاردىڭ ايتۋىنشا، مەكتەپتە گەوگرافيا، اعىلشىن ءتىلى، ماتەماتيكا وقۋلىقتارى جەتىسپەي جاتىر. ەگەر مەملەكەت وقۋشىلاردى وقۋ قۇرالدارىمەن قامتاماسىز ەتە الماسا، نەگە جاز بويى ايتىپ ەسكەرتپەگەنىن اتا-انالار تۇسىنە الماي وتىر. ەندى بالالار ساباققا ەش دايىندىقسىز بارىپ ءجۇر.
الايدا، وبلىستىق ءبىلىم بەرۋ باسقارماسى بارلىق وقۋلىقتاردىڭ الىنعانىن جانە مەكتەپتەردە تەگىن تاراتىلاتىنىن، وعان اقشا ءبولىپ، ساتىپ الۋدىڭ قاجەتى جوقتىعىن ايتىپ باعۋدا.
«وقۋلىقتار جەتكىلىكتى تۇردە ساتىپ الىنعان. جىل باسىندا قايتا سۇرىپتاۋ ماسەلەسى تۋىندايدى. ءقازىر مەكتەپتەردە مۇلىكتى تۇگەندەۋ ناۋقانى ءجۇرىپ جاتىر. وسىدان كەيىن، ءبىر مەكتەپتەگى ارتىق كىتاپتار تاپشىلىق ورىن العان ەكىنشى مەكتەپكە جىبەرىلەدى. ءبىرىنشى سىنىپ وقۋلىقتارىنا كەلەر بولساق، ولاردىڭ وقۋلىقتارى تولىق كولەمدە ساتىپ الىنعان. 191 ميلليون تەڭگەگە 241 مىڭ دانا كىتاپقا 76 كەلىسىمشارت جاسالعان»، - دەپ پىكىر ءبىلدىردى سقو ءبىلىم بەرۋ باسقارماسى ماتەريالدى-تەحنيكالىق قامتاماسىز ەتۋ،قۇرىلىس جانە جوندەۋ جۇمىستارى ءبولىمىنىڭ جەتەكشىسى راۋزا ەلۋبايەۆا.
تامىز ايىندا اكىمدىك وتىرىسىندا سقو ءبىلىم بەرۋ باسقارماسىنىڭ جەتەكشىسى شولپان كارينوۆا سولتۇستىكقازاقستاندىق وقۋشىلارعا وقۋلىقتار مەن وقۋ-ادىستەمەلىك كەشەندەر الۋ ءۇشىن جەرگىلىكتى بيۋدجەتتەن 520 ميلليون تەڭگە بولىنگەنىن حابارلاعان ەدى.
You Might Also Like
-
ناۋرىز – كوكتەمنىڭ العاشقى ايى. پارسىشا «جاڭا كۇن» دەگەن ماعىنا بەرەدى. شىندىعىندا، ناۋرىز ايدىڭ اتى ەمەس، جىل باسى مەيرامىنىڭ اتاۋى. قازاقتار ناۋرىز مەرەكەسىن (ۇلىستىڭ ۇلى كۇنى &...
