پرەمەر-مينيستر پەدياتريالىق فاكۋلتەتتەردى كەلەسى جىلدان قالدىرماي قايتا قۇرۋدى تاپسىردى
ق ر پرەمەر-مينيسترى باقىتجان ساعىنتايەۆ ۇكىمەت وتىرىسىندا پەدياتريالىق فاكۋلتەتتەردىڭ كەلەسى جىلى قىركۇيەكتەن باستاپ قايتا قۇرۋدى تاپسىردى.
«بالالار دارىگەرى، پەدياترلاردى دايارلاۋ تۋرالى سۇراقتار وتە ورىندى كوتەرىلۋدە. دارىگەرلەر قاتەلىگىنىڭ قۇنى وتە جوعارى. ول بالالارعا قاتىستى بولسا ءتىپتى اۋىر. سوندىقتان بارلىق ۇسىنىستاردى قولداي وتىرىپ، ت.دۇيسەنوۆا (ق ر دەنساۋلىق ساقتاۋ جانە الەۋمەتتىك دامۋ مينيستر - رەد.) مەن ە.ساعادييەۆكە (ق ر ءبىلىم جانە عىلىم ءمينيسترى - رەد.) بارلىق مەديسينالىق وقۋ ورىندارىندا پەدياتريالىق فاكۋلتەتتەردى قايتا قۇرۋدى تاپسىرامىن. كەلەسى جىلدىڭ قىركۇيەگىنەن باستاپ، پەدياترلاردى دايارلاۋعا كىرىسۋىمىز قاجەت. بۇنداي ماسەلەلەردە بىزگە ەكسپەريمەنت جاساۋعا بولمايدى. ادامدار كۇتىپ وتىر. سوندىقتان وسى باعىتتا ناقتى جىلجۋىمىز كەرەك»، - دەپ اتاپ ءوتتى ب. ساعىنتايەۆ.
ەسكە سالا كەتەيىك، ۇكىمەتتىڭ بۇگىنگى وتىرىسىندا پرەمەر-مينيستردىڭ ورىنباسارى يمانعالي تاسماعامبەتوۆ پەدياترلاردى دايارلاۋ ماسەلەسىن كوتەرگەن بولاتىن.
رەسمي مالىمەتكە سايكەس، 2012 جىلى بەس مەديسينالىق جوعارى وقۋ ورنىندا 742 پەدياتر دايارلانسا، 2013 - 423 پەدياتر، ال 2014 تەك 4 ادام عانا پەدياتر ءبىتىرىپ شىققان شىققان.
You Might Also Like
-
ەجەلگى مىسىر ونەرىنىڭ تاريحى 4 مىڭ جىلدان استام ۋاقىتتى قامتيدى. سول سەبەپتى مىسىر ونەرى ۇلكەن قىزىعۋشىلىق تۋعىزادى. ويتكەنى ادامزات تاريحىنداعى ءبىرىنشى تاپتىق قوعام ونەردىڭ دامۋىن انىقتاۋمەن قاتار...
-
تەلەديدار كورۋ: تۇراقتى تۇردە دەنە جاتتىعۋلارى جاسالعاننىڭ وزىندە ساعاتتاپ تەلەديدار الدىندا وتىرۋ جۇرەك اۋرۋى جانە سال اۋرۋىنا شالدىعۋ ىقتيمالدىعىن ارتتىرادى.
