InfoHub Logo

ۇلكەن ومىرگە قادام باسىپ، ءومىردىڭ ىستىق-سۋىعىن شىنايى سەزىنىپ، مانساپ باسپالداقتارى مەن تىرشىلىك اتتى اعىندا ىلگەرىلەپ كەلە جاتقان ءبىر توپ تۇلەك وزدەرى ءبىتىرىپ شىققان ۋنيۆەرسيتەتتىڭ وقىتۋشىسى، ءارى پروفەسسور اعايلارىنا قوناققا كەلەدى. جاعداي سۇراسۋ بارىسىندا تۇلەكتەردىڭ بىرنەشەۋى ءومىردىڭ قىربالاڭى مەن سترەستى ساتتەرىن ايتىپ ۇستازىنا مۇڭىن شاعا باستايدى. كەلگەن قوناقتارعا كوفە ۇسىنباق بولعان پروفەسسور اسبولمەگە كىرىپ، ۇلكەن تەرموسقا كوفە دەمدەپ، شىنى، قىش، فارفور سەكىلدى ارزانىنان باستاپ قىمباتىنا دەيىنگى ءارتۇرلى ىدىستاردى قوناقتاردىڭ الدىنا الىپ كەلەدى. شاكىرتتەر ءبىر-بىر ىدىستان العان سوڭ، بارىنە تەرموستاعى كوفەنى قۇيىپ شىعادى. ءوزى دە وتىرىپ جايعاسقاننان كەيىن شاكىرتتەرىنە قاراپ بىلاي دەيدى:

— بايقاعان بولساڭدار بۇكىل باعالى ىدىستار الىنىپ، ارزان كورىنىستەگى ستاكاندار ورنىندا قالىپ قويدى. ءوزىڭ ءۇشىن ەڭ جاقسىسىن قالاۋلارىڭ قالىپتى نارسە، دەگەنمەن سەندەردىڭ «سترەس» دەپ ايتىپ وتىرعان كەلەڭسىزدىكتەرىڭنىڭ نەگىزگى سەبەبى دە وسى. ستاكاننىڭ قۇر ءوزى كوفەنىڭ ساپاسىنا ەشنارسە قوسپايدى. بار بولعانى اسا باعالى جانە قىزمەتى ىشكەنىڭدى ساقتاۋمەن عانا شەكتەلەدى. نەگىزىندە ءبارىڭنىڭ تالابىڭ كوفە بولاتىن، ستاكان ەمەس ەدى. ءبىراق سانالى تۇردە ەڭ جاقسى ستاكاندارعا قاراي ۇمتىلدىڭدار جانە كىم قانداي ستاكان العانىن كورۋ ءۇشىن ءبىر-بىرىڭنىڭ قولىڭداعى ستاكاندارعا كوز جۇگىرتە باستادىڭدار... ويلانىپ قاراساڭدار، ءومىرىمىز وسى كوفە ىسپەتتى. ال جۇمىس، اقشا، قوعامداعى جاي-كۇيىمىز — ستاكان. بۇلار ءومىردى ۇستاپ تۇرۋ ءۇشىن قاجەتتى قۇرال جانە تاڭدايتىن ستاكانىمىز ءومىردىڭ ساپاسىن بەلگىمەيتىنىندەي، ونى وزگەرتپەيدى دە. كەيدە تەك ستاكانعا شوعىرلانىپ، جاراتقاننىڭ سىي قىلىپ بەرگەن كوفەسىن، ياعني ءومىردىڭ ءدامىن سەزىنۋدى ۇمىتىپ قويامىز. سەندەرگە ايتار اقىلىم — كوفەنىڭ ءدامىن سەزىنىڭدەر! باسقالاردىڭ قولىنداعى ستاكانعا قاراۋدى دوعارىڭدار!..

وقۋعا كەڭەس بەرەمىز:

سترەسس ساباعى

جۇمىستىڭ استىندا ەزىلىپ قالماۋ كەرەك

ادام قاشان باقىتتى بولادى؟

---