مەدياساۋاتتىلىقتىڭ قىر-سىرىن ايتۋدا
وسكەمەندەگى س.امانجولوۆ اتىنداعى شقمۋ-دا ءال-فارابي اتىنداعى قازاق ۇلتتىق ۋنيۆەرسيتەتى جۋرناليستيكا فاكۋلتەتىنىڭ پروفەسسورلارى «مەدياساۋاتتىلىق جانە Fact-cheking ماسەلەلەرى» اتتى سەمينار-ترەننينگ وتكىزۋدە.
بيىل ەكىنشى مارتە ۇيىمداستىرىلدى. جاڭا فورماتتا جالعاسىن تاۋىپ وتىر. جۋرناليستيكا ماماندىعىنىڭ قازاق جانە ورىس توپتارىندا ءبىلىم الىپ جاتقان ستۋدەنتتەر وسى شارادان مول تاجىريبە الۋدى كوزدەپ، تۇگەلىمەن دەرلىك كەلگەن-دى. پروفەسسورلار الدىمەن مۇحيتتىڭ ار جاعىنا بايلانىسقا شىقتى. اتاپ ايتساق، اقش-تاعى ميچيگان مەملەكەتتىك ۋنيۆەرسيتەتىنىڭ پروفەسسورى ەريك فريدمانمەن «سكايپقا» شىعىپ، مەدياساۋاتتىلىق جونىندە پىكىر الماستى. وسى ورايدا ستۋدەنتتەر دە قىزىقتىرعان سۇراقتارىن قويىپ جاتتى. ايتا كەتەيىك، وسىناۋ سەمينارعا وڭىرلىك باسىلىمداردا قىزمەت اتقاراتىن پراكتيك ماماندار دا قاتىستى. ءبىر جاعىنان، ايتىلعان ءار دەرەكتىڭ قۇندىلىعى وراسان ەدى. ودان ارى كەلگەن مەيماندار Fact-cheking پەن مەدياساۋاتتىلىقتى تەرەڭىرەك ءتۇسىندىرىپ، جاس جۋرناليستەرمەن سەرگىتۋ ءساتى رەتىندە ويىندار جۇرگىزدى. ماڭىزدىسى سول، تاقىرىپقا تەرەڭىرەك ءۇڭىلۋ ءۇشىن ءار ستۋدەنت بەلسەنە ات سالىسىپ، تىڭ ويلارىن ورتاعا سالدى. ءتۇرلى جاعداياتتاردان شىعا ءبىلدى. ءال-فارابي اتىنداعى قازاق ۇلتتىق ۋنيۆەرسيتەتى جۋرناليستيكا فاكۋلتەتىنىڭ پروفەسسورى گاليا يبرايەۆا كۇن سايىن كەمەرىنەن توگىلىپ تۇسەتىن كوپ دەرەكتەن قاجەتتىسىن قالاي ىرىكتەپ الۋ كەرەكتىگىن قاراپايىم مىسالدارمەن جەتە ۇعىندىردى.
ءبىرىنشى كۇندى قاتىسۋشىلار وسىلاي قورتىندىلادى. ەرتەڭگى بولىمىندە اتالمىش ءبىلىم ورداسىنىڭ دوسەنتى قارلىعا مىسايەۆا اقپاراتتىق قاۋىپسىزدىك بويىنشا دارىستەر وقىماق.
ءادىلحان ەسىمحانوۆ س.امانجولوۆ اتىنداعى شقمۋ
«جۋرناليستيكا» ماماندىعىنىڭ 3-كۋرس ستۋدەنتى
You Might Also Like
-
ءومىر سالتىڭىزداعى ازداعان وزگەرىس تەرىڭىزدى ساۋ قىلىپ ءارى جايناتىپ جىبەرەدى.
-
ۇلكەن ومىرگە قادام باسىپ، ءومىردىڭ ىستىق-سۋىعىن شىنايى سەزىنىپ، مانساپ باسپالداقتارى مەن تىرشىلىك اتتى اعىندا ىلگەرىلەپ كەلە جاتقان ءبىر توپ تۇلەك وزدەرى ءبىتىرىپ شىققان ۋنيۆەرسيتەتتىڭ وقىتۋشىسى، ءارى ...
