InfoHub Logo

كوپ پاتەرلى ۇيلەردىڭ تۇرعىندارىنىڭ باسىم بولىگى پاتەر يەلەرى كووپەراتيۆتەرىنىڭ (پيك) مىندەتتەرىنىڭ تىزبەسىنە قاتىستى اقپاراتتان بەيحابار، ول پيك مىندەتتەرىن ورىنداۋ ساپاسىن باقىلاۋدىڭ جوقتىعىنا اكەلەدى.

ءبىرىنشى كەزەكتە تۇرعىنداردىڭ وزدەرى ءوز ءۇيىن ادامداردىڭ تۇرۋ سەنىمدىلىگى مەن قاۋىپسىزدىگىن، ورتاق مۇلىكتىڭ ساقتالۋىن جانە قورشاعان ورتانى قورعاۋدى قامتاماسىز ەتەتىن دۇرىس جاعدايدا ۇستاۋ ءۇشىن ۇيگە قىزمەت كورسەتۋگە بەلسەنە قاتىسۋى ءتيىس.

پيك دەگەن نە؟

پيك – كوندومينيۋم وبەكتىسىنىڭ ورتاق مۇلكىن بىرلەسىپ باسقارۋ ءۇشىن ءۇي-جايلاردىڭ (پاتەرلەردىڭ) مەنشىك يەلەرى قۇراتىن كوممەرسيالىق ەمەس ۇيىم. ياعني، كوپ پاتەرلى ۇيدە نەمەسە اۋلا جانە كوممۋنيكاسيالارى بار بىرنەشە ۇيلەردى بىرىكتىرۋمەن تۇرعىندار (پاتەر يەلەرى) قۇرعان ۇيىم.

ەگەر ريەۆيزيالىق كوميسسيا پيك قىزمەتىندەگى ورەسكەل بۇزۋشىلىقتاردى انىقتايدى – سوتقا جۇگىنىڭىز، سونداي-اق تۇرعىندار جالپى جينالىستا پيك باسقارما مۇشەلەرىن قايتا سايلاۋعا قۇقىلى. ەگەر ريەۆيزيالىق كوميسسيا تۇرعىندار سەنىمىن اقتاماسا، اۋديتورلىق تەكسەرىستى جۇرگىزۋ كەرەك.

باسقارما مۇشەلەرى (قۇرىلتايشىلار) – قۇرىلتايشىلار جينالىسىندا تۇرعىنداردىڭ مۇددەلەرىن قورعايتىن ەكى جانە ودان دا ارتىق تۇلعالار. باسقارما مۇشەلەرى ءوز كونديمينيۋمىنداعى بارلىق كەمشىلىكتەردى بىلەتىن اتالمىش ۇيدە ۇزاق ۋاقىت بويى تۇراتىن، تۇرعىنداردىڭ باسىم بولىگى سەنەتىن باستاماشىل ادامدار بولۋى ءتيىس.

ريەۆيزيالىق كوميسسيا – ءۇي تۇرعىندارىنىڭ باسىم بولىگى سەنەتىن، پاتەر يەلەرىنىڭ جالپى جينالىسىندا تاڭدالعان تۇلعالار. ءبىراق ولار: قۇرىلتايشىلار وتباسىنىڭ مۇشەلەرى، باسقارما مۇشەلەرىنىڭ وزدەرى (قۇرىلتايشىلار) نەمەسە پيك قۇرىلتايشىلارىمەن بىرگە تۇراتىن پاتەر يەلەرى بولماۋى كەرەك. ەگەر كووپەراتيۆ ون ادامنان از ادامدى بىرىكتىرسە، ريەۆيزيالىق كوميسسيانىڭ ورنىنا ريەۆيزور تاڭدالۋى مۇمكىن. 

پيك مىندەتتى تولەمدەردى كەشىكتىرۋدە ءار كەشىكتىرىلگەن كۇن ءۇشىن جىلدىق 5،5% مولشەرىندەگى ءوسىمپۇل ەسەپتەلەدى. ەگەر تۇرعىن تولەمنىڭ بەلگىلەنگەن كۇنىنەن كەيىن ءۇش ايدىڭ ىشىندە مەرزىمى ءوتۋىن نەگىزدى سەبەپتەرسىز تولەۋدەن باس تارتسا، كووپەراتيۆ قارىزدى ماجبۇرلەپ تولەتۋ تۋرالى سوتقا جۇگىنۋگە قۇقىلى.

پيك قانداي قاجەتتىلىكتەرگە قوسىمشا تولەم سۇراتا الادى؟

پيك ءوزىنىڭ نەگىزگى مىندەتتەرىنەن باسقا ءۇي، اۋلا نەمەسە اۋداندى كوگالداندىرۋمەن بايلانىستى قوسىمشا قىزمەتتەردى كورسەتە الادى. قوسىمشا قىزمەتتەردى كورسەتۋگە پيك اقشالاي قاراجاتتى جيناۋعا باستاما بولۋعا قۇقىلى، قوسىمشا الىمدار مولشەرىن جالپى جينالىستا ءۇي تۇرعىندارى تالقىلايدى. ق ر زاڭناماسى «ءتۇرعىن ءۇي قاتىناستارى تۋرالى» ق ر زاڭىنىڭ 31-بابىنىڭ 8-تارماعىنا سايكەس اعىمدىق، كۇردەلى جوندەۋگە ەكىنشى دەڭگەيدەگى بانكتەردەگى اقشا قاراجاتىن جيناۋ رەتىندە وسىنداي الىمداردى كوزدەيدى.

مەملەكەت كوندومينيۋمنىڭ ءار وبەكتىسىنە بانكتەردەگى اعىمدىق شوتتاردى اشۋدى مىندەتتەيدى، وعان تۇرعىنداردىڭ عيمارات (پاتەر) يەلەرىنىڭ جينالىسىندا انىقتالاتىن، ءبىراق 0،02-ەسە ايلىق ەسەپتىك كورسەتكىش مولشەرىنەن كەم ەمەس مولشەردە تۇرعىنداردىڭ اي سايىنعى تولەمدەرى اۋدارىلادى.

پيك ءتوراعاسى ورنىنا كىمدى تاڭداعان ءجون؟

شىن مانىندە پيك ءتوراعاسى – بۇل تەك اقشا جيناۋشى جانە جينالىستار ۇيىمداستىرۋشىسى ەمەس. نەگىزىنەن قىزمەت جۇمىسى تەحينكالىققا جاتادى، سول سەبەپتى ءتوراعا جۇمىستى تەحنيكالىق جاعىنان ءتۇسىنۋ، بەلگىلى ءبىر بىلىمدەرگە يە بولۋى ءتيىس.

«تۇرعىن ءۇي ينسپەكسياسى ۇسىناتىن ءۇي-جاي يەلەرى (پاتەرلەر) كووپەراتيۆى باسقارماسىنىڭ كانديداتۋراسىنا قويىلاتىن بىلىكتىلىك تالاپتارىن بەكىتۋ تۋرالى» ق ر تۇرعىن ۇي-كوممۋنالدىق شارۋاشىلىعى جانە قۇرىلىس ىستەرى جونىندەگى اگەنتتىك ءتوراعاسىنىڭ بۇيرىعىنا سايكەس كووپەراتيۆ باسقارماسىنىڭ ءتوراعاسىنا كانديدات:

– ءتيىستى ماماندىق بويىنشا جوعارى (نەمەسە جوعارىدان كەيىنگى) ءبىلىمى بولۋى؛

– كوندومينيۋم وبەكتىلەرىنە قىزمەت كورسەتۋ سالاسىندا ەكى جىلدان كەم ەمەس جۇمىس تاجىريبەسى جانە (نەمەسە)بەس جىلدان كەم ەمەس ۇيىمداعى باسقارۋشى لاۋازىمداردا بەس جىلدان كەم ەمەس جۇمىس ءوتىلى بولۋى؛

– وعان جۇمىستا كەرەك قازاقستان رەسپۋبليكاسىنىڭ قولدانىستاعى زاڭناماسىن ءبىلۋى؛

– كوپشىلىك ءسوز سويلەۋلەر، رەسمي كەلىسسوزدەر جۇرگىزۋ، باقىلاۋ جانە جۇمىستى جوسپارلاۋ، باسقارۋ شەشىمدەرىن ىسكە اسىرۋ جانە جەدەل قابىلداۋ داعدىلارىنا يە بولۋى ءتيىس.

پيك مىندەتتەرىنە نە كىرەدى؟

پيك شىعىندارى تۇرعىنداردىڭ جينالىسىندا بەكىتىلەدى (پاتەر يەلەرىنىڭ)، سول سەبەپتى ءۇي تۇرعىنى اي سايىنعى تولەم الىناتىنىن جانە پيك قانداي جۇمىستاردى ورىندايتىنىن ءبىلۋ ءۇشىن جينالىسقا قاتىسۋى ءتيىس.

ۇيلەر، قاباتتار، كىرەبەرىستەر سانى، قۇرىلىمدىق ەرەكشەلىكتەر، الاڭدار جانە ءۇي ماڭى اۋماعىن كوگالداندىرۋ جانە قۇرىلىستىڭ وزگە دە جەكە ەرەكشەلىكتەرىنە بايلانىستى ولاردىڭ تەحنيكالىق جاعدايدى جانە فيزيكالىق توزۋ دەڭگەيى كوندومينيۋمدەردىڭ ورتاق مۇلكىن ۇستاۋعا شىعىندار تىزبەسى ەرەكشەلەنۋى مۇمكىن.

جارنالار مولشەرى ءۇي يەلەرىنىڭ جالپى جينالىسىنداعى ازىرلەنگەن جوبالىق-سمەتالىق قۇجاتتاما نەگىزىندە انىقتالادى.

پيك مىندەتتەرىنە مىنالار كىرەدى:

 

1. اعىمدىق جوندەۋگە قىزمەت كورسەتۋ:

– جاپسارلاردى ۇيلەستىرۋ، شۇڭقىرلاردى جانە قابىرعالارداعى جارىقتى بىتەۋ (وتىنىمدەر بويىنشا)؛

– شاتىردان اعۋدى جويۋ بويىنشا جۇمىستاردىڭ بارلىق تۇرلەرى (تولىق اۋىستىرۋدان باسقا)؛

– بارلىق بولمەلەردەگى سىلاۋ-بوياۋ جۇمىستارىنىڭ بارلىق تۇرلەرى (جىلىنا بەس رەت)؛

– شارباقتاردى جوندەۋ، سىنعان شىنىلاردى الماستىرۋ جانە كىرەبەرىس ەسىكتەردى جوندەۋ.

2. جىلىتۋ جۇيەلەرىنە قىزمەت كورسەتۋ:

– جىلىتۋ جۇيەلەرىن جوندەۋ جانە پايدالانۋ جۇرگىزىلەدى؛

– جىلىتۋ جۇيەلەرىن قوسۋ جانە اعىتۋ (كۇز، كوكتەم، اپاتتى، رەجيمدىك)؛

– جىلىتۋ جۇيەلەرىن ماۋسىمدىق ءسوندىرۋ (كوكتەمدە)، ماۋسىمدىق اعىتۋ كەزىندە جىلىتۋ جۇيەلەرىنىڭ جاعدايىن تەكسەرۋ؛

– رەجيمدەردى ىسكە قوسۋدا جانە وزگەرتۋدە جىلىتۋ جۇيەلەرىن رەتتەۋ؛

– جىلىتۋ جۇيەلەرىندەگى كىشىگىرىم اقاۋلاردى جويۋ (جىلۋ يزولياسياسىنىڭ قالعان ۋچاسكەلەرىن بەكىتۋ، بەتتىك قابات، اعۋدى جويۋ، لاي تۇرعىشتاردى تازالاۋ، قاقتان جانە تۇز تۇنبالارىنان  بەكىتۋ جانە رەتتەۋ ارماتۋراسىن تازالاۋ، بوساعان تاراتۋ ماگيسترالدىق قۇبىر جولدارى استىنداعى تىرەكتەردى بەكىتۋ)؛

– قۇبىر جولدارىن جىلۋلىقپەن وقشاۋلاۋ؛

– جىلىتۋ جۇيەلەرىن گيدراۆليكالىق شايۋ.

3. سۋمەن قامتۋ تۇيىندەرىنە قىزمەت كورسەتۋ:

– قىسىم تەمپەراتۋراسىن ولشەۋمەن، ارالاسۋ كوەففيسيەنتىمەن ايىنا 2 رەت جەكە جىلۋ بولىمدەرىن تەكسەرۋ؛

– جىلۋ ماۋسىمىنىڭ باستالۋى جانە اياقتالۋى بويىنشا ىستىق سۋمەن قامتۋ رەجيمىنە اۋىسۋ؛

– بىتەۋ جانە رەتتەۋ ارماتۋراسىنىڭ توسەمەلەرىن الماستىرۋ؛

– 1 مەتردەن ارتىق ەمەس سۋىق، ىستىق سۋمەن قامتۋ قۇبىر جولدارىنىڭ جەكەلەگەن ۋچاسكەلەرىن الماستىرۋ؛

– لاي تۇنعىشتاردى، بىتەۋ جانە رەتتەۋ ارماتۋراسىن قاقتان جانە تۇز قالدىقتارىنان تازالاۋ؛

– كەدەرگىشتى ورگانداردى الماستىرۋ (پىسىلداۋىقتار، ستاقاندار، شايبالار) جانە قاجەتتىلىگى بولعاندا ولاردى تۇزەۋ؛

– اعۋدى جويۋ؛

– قوزعالعان تىرەكتەردى بەكىتۋ.

4. سانيتارلىق-تەحنيكالىق توراپتارعا قىزمەت كورسەتۋ:

– جەرتولەدەگى كاناليزاسيانى تازالاۋ؛

– بۇراندالى قوسىلىستارداعى اعۋدى جويۋ؛

– تەتىكتەگى شارپىلاردى تولتىرۋ؛

– ءار ءتۇرلى ساڭىلاۋلاردى ءپىسىرۋ؛

– جەر استى بولمەلەرىنەن سۋدى اعىزۋ؛

– بوگەتتەردەگى سۋىق، ىستىق سۋمەن قامتۋ تۇرىقتارىنىڭ ۋچاسكەلەرىن الماستىرۋ؛

– جەر استى بولمەلەرىن جانە باسقا جالپى پايدالانۋ ورىندارىن دەراتيزاسيالاۋ، دەزينفەكسيالاۋ، دارىلەۋ قىزمەتتەرىن شاقىرۋ جانە تولەۋ.

5. ەلەكتر-تەحنيكالىق قامتاماسىز ەتۋگە قىزمەت كورسەتۋ:

– باس تاراتۋ قالقانىنداعى جانعان ساقتاندىرعىشتاردى الماستىرۋ؛

– كىرەبەرىستەردى جارىقپەن قامتاماسىز ەتۋ، ءبىرىنشى قاباتتاعى جانە شاتىرداعى ەلەكتر شامدارىن اۋىستىرۋ؛

– اپاتتىق-ديسپەچەرلىك قىزمەتتى شاقىرۋ جانە قىزمەتتەرىن تولەۋ (شارتتار جانە وتىنىمدەر بويىنشا)؛

– باس تاراتۋ قالقانىنداعى جانە قاباتتىق قالقانداعى نول فازالى جانىپ كەتكەن سىمداردى قالپىنا كەلتىرۋ؛

– كەزەكشى جارىققا كەرنەۋدى بەرۋ؛

– كەزەكشى جارىقتان اجىراتقىشتاردى الماستىرۋ.

6. ءۇي ماڭىنداعى اۋماقتى تازالاۋ  

– تۇرعىن ۇيدەن جاڭبىر سۋلارىن بۇرۋدى، سۋ بۇرۋ قۇرىلعىلارىنان دۇرىس جاعدايدى قامتاماسىز ەتۋ؛

– قاردى شىعارۋ، جۇرگىنشى جولدارىنداعى قاقتاردى جويۋ، قىسقى ماۋسىمدا تروتۋارلارعا قۇمدى دايىنداۋ جانە قۇيۋ؛

– قوقىس شىعارۋدى شاقىرۋ جانە تولەۋ؛

– گۇلزارلاردى تازالاۋ، ولاردى شابۋ؛

– شاتىردى قوقىستان، لاستانۋدان جانە جاپىراقتاردان تازالاۋ.

7. اكىمشىلىك مىندەتتەر:

– بولمە (پاتەر) يەلەرىنىڭ جينالىستارى، جازباشا ساۋالنامالارىن وتكىزۋدى ۇيىمداستىرۋ، سونىڭ ىشىندە قىزمەت كورسەتۋ ساپاسى بويىنشا وتىنىشتەر مەن شاعىمداردى قاراۋ؛

– قازاقستان رەسپۋبليكاسىنىڭ تۇرعىن ءۇي زاڭناماسىنا سايكەس كوندومينيۋم وبەكتىسىنىڭ مازمۇنى جانە باسقارۋمەن بايلانىستى تەحنيكالىق قۇجاتتامالار، سونداي-اق بۋحگالتەرلىك، قارجىلىق، سالىقتىق جانە ستاتيتيستيكالىق ەسەپكە الۋ مەن ەسەپتىلىك قۇجاتتامالارىن جۇرگىزۋ؛

– ەگەر ول تۇرعىنداردىڭ  ءۇي كوممۋنيكاسيالارىنىڭ كەم دەگەندە ءبىرىن پايدالانۋعا كەدەرگى جاسايتىن تەحنيكالىق جۇمىستاردى وتكىزۋ تۋرالى  حاباردار ەتۋ؛

– كوندومينيۋم وبەكتىسىنە اعىمدىق جانە جيناقتاۋ شوتتارىن اشۋ؛

– جاسالعان شارتتارعا سايكەس سەرۆيستىك قىزمەتتىڭ سۋبەكتىلەرى، مەردىگەرلەردىڭ جۇمىستارى مەن قىزمەتتەرىن قارجىلاندىرۋ (جۇمىستاردىڭ، قىزمەتتەردىڭ پروسەسىنە قاتىسۋشىلار)؛

– پاتەر يەلەرى، سونداي-اق جالعا بەرۋشىلەردى تىركەۋ ەسەبىنە الۋ.

پيك قانداي ەسەپتەر ۇسىنۋى ءتيىس

پيك جۇمىسى پاتەر يەلەرى ءۇشىن نەعۇرلىم ايقىن بولسا، باسقارما ءتوراعاسى پاتەر يەلەرىنىڭ سۇرانىسى بويىنشا اقشا قاراجاتتارىن پايدالانۋ تۋرالى ەسەپتى توقسانىنا ءبىر رەتتەن كەم ەمەس ۇسىنۋى ءتيىس. ەسەپتىڭ قورىتىندىلارى ءۇي تۇرعىندارىنىڭ جالپى جينالىسىندا جاريالانادى.

سونداي-اق تۇرعىندار ريەۆيزيالىق كوميسسيادان كووپەراتيۆتىڭ قارجى-شارۋاشىلىق قىزمەتىن تەكسەرۋ اكتىسىن تالاپ ەتۋگە قۇقىلى. ريەۆيزيالىق كوميسسيا كووپەراتيۆ باسقارماسىنىڭ جىل سايىنعى ەسەبى بويىنشا جانە تابىستار جانە شىعىنداردىڭ باسقارما ۇسىنعان جىلدىق سمەتاسى بويىنشا قورىتىندى بەرەدى.

دەرەككوزى: egov.kz

---