InfoHub Logo

ۇلى ءبىر كۇندىك توڭكەرىس... توڭكەرىس دەۋىندە دە ءمان جاتىر-اۋ. سەبەبى، ءبىز دە سول سۇراپىل كەزەڭنىڭ باتىرلارى بولىپ ەسەپتەلمەيمىز بە؟! شىنىمەن دە سوعىس جايلى ايتايىن دەپ تۇر دەيسىزدەرمە؟! جو-جوق، بار بولعانى، اتىن ەستىسە توبەلەرىنەن مۇزداي سۋ شاشىپ جىبەرگەندەي سەزىنەتىن وقۋشىلاردىڭ  ۇلتتىق ءبىرىڭعاي تەستىلەۋدى ايتپاقشىمىن. ءوزىم مەكتەپ قابىرعاسىنان ۇشقالى وتىرعان تۇلەك بولعاندىقتان با، ۇبت  جايلى ءسوز قوزعاعىم كەلدى. 

مەنى تولعاندىراتىن سۇراقتاردىڭ ءبىرى: "نەگە سونشالىقتى بىزدەر ۇبت-دان قورقامىز ؟! " ونى قويشى، ءبىز تۇرماق، اتا-انا، ۇستازدارعا شەيىن تىلەۋىمىزدى تىلەپ، بىزبەن بىرگە ۋايىمدايدى.       تۇسىنەمىن، جاڭا فورماتقا بىردەن اۋىسۋ ەشكىمگە وڭاي بولعان جوق، بۇل جايت بارلىعىمىزدى ەسەڭگىرەتتى. دەگەنمەن، ءومىر وسى ۇبت-مەن عانا شەكتەلمەيدى عوي. بۇل ءبىزدىڭ 11 جىل بويى العان ءبىلىمىمىزدى ساراپتاۋ ءۇشىن ارنالعان سىناق. دەنەمىزدى جانسىزداندىرىپ، دۇرىس شەشىم قابىلداۋعا مۇمكىندىك بەرمەيتىن "قوبالجۋدى" دەرەۋ دوعارۋىمىز كەرەك. 

ەڭ باستىسى سانامىزدى ءپوزيتيۆتى ويلارمەن تولتىرىپ،وزىمىزگە  سەنىپ، جاقسى دايىندالار بولساق، قورقاتىن دانەڭە جوق. بىر-ەكى جىل قينالساق تا ، ارتىنشا ارداقتى اتا-انامىز بەن اياۋلى ۇستازداردىڭ ءۇمىتىپ اقتاپ، جوعارى كورسەتكىش كورسەتىپ، قالاعان ماماندىعىمىزدىڭ گرانت يەگەرى بولۋ بارلىعىمىزعا ءناسىپ ەتسىن! مەكتەپتەرىنىڭ ابىرويىن اسقاقتاتار جاستار كوپ بولادى دەپ كامىل سەنەمىن. 

ارىستانداي ايباتتى، 

جولبارىستاي قايراتتى

قىرانداي كۇشتى قاناتتى.

مەن جاستارعا سەنەمىن-دەپ ماعجان اتامىز ايتپاقشى، الداعى ۋاقىتتا ۇبت الاڭىنان وتەتىن ءوزىم سەكىلدى تالاپكەرلەرگە تەك ساتتىلىك تىلەيمىن! قازاقستان بولاشاعى - مىنا ءسىز بەن ءبىزدىڭ قولىمىزدا! 

---