پينچەن شايقاسى
ءبىزدىڭ زامانىمىزدان بۇرىنعى I مىڭجىلدىقتا قالىپتاسقان عۇندار (حۋننۋ) تايپاسى ءبىزدىڭ زامانىمىزدان بۇرىنعى ءىىى عاسىردىڭ سوڭىنا قاراي بىرىگىپ، قۋاتتى اسكەرى بار كوشپەلىلەر يمپەرياسىن قۇرعان. ءبىزدىڭ زامانىمىزدان بۇرىنعى 205 جىلدان قاعان تاعىنا مودە وتىرادى. مودە بيلىك ەتكەن تۇستا جاۋىنگەر عۇندار كورشىلەرىنە ءجيى شابۋىل جاساپ، كۇيرەتە سوققى بەرىپ تۇرادى. عۇنداردان سەسكەنگەن قىتايلىقتار شاپقىنشىلىققا تويتارىس بەرۋ ءۇشىن ۇلى جۇڭگو قورعانىن سالعىزادى.
عۇنداردى مودە ءتاڭىرقۇت، ال قىتايدى حان اۋلەتىنەن گاوسزۋ بيلەگەن كەزەڭدە پينچەن قالاسى تۇسىندا ءىرى شايقاس بولادى. جۇڭگو بيلەۋشىسى عۇندارعا قارسى 320 مىڭ اسكەرىن اتتاندىرادى.
ءبىراق دارىندى قولباسشى مودە قىتايلاردى الداپ قاقپانعا تۇسىرەدى. ۇرىس كەزىندە مودە اسكەرىنىڭ ءبىر بولىگى قاشا جونەلەدى. جەڭىسكە سەنىمدى بولعان قىتايلىقتار ولاردىڭ ىزدەرىنە تۇسەدى. ءبىراق مودەنىڭ ەسەپسىز اسكەرى بەي دين تاۋىنىڭ ەتەگىندە ولاردى قورشاپ الادى. قورشاۋدى بۇزا الماعان جۇڭگو اسكەرى سۋىق پەن اشتىقتان ولە باستايدى. ءوز اسكەرىن قۇتقارۋ ءۇشىن گاوسزۋ مودەمەن تاتۋلىق كەلىسىمىنە قول قويادى. ول مودەگە ءوز قىزىن قالىڭدىققا بەرىپ، جىبەك ماتا، ازىق-تۇلىك، كيىم-كەشەك تۇرىندە مول سالىق تولەيدى. بۇل قىتايلىقتار ءۇشىن قورلىق ەدى. وسىلايشا، عۇندار قىتايدى ويسىراتا جەڭەدى.
You Might Also Like
-
ايىر قالپاق — اسا قىمبات ماتامەن تىستالىپ، ىشىنە جۇقا كيىز نەمەسە قالىڭ ماتا سالىنىپ، سىرىلىپ تىگىلەتىن ەر ادامداردىڭ باس كيىمى. سىرتىنا وسىمدىك تەكتەس ورنەك سالىنىپ، التىن جىپپەن زەرلەنەدى. ...
