InfoHub Logo

ساباقتىڭ تاقىرىبى: قادىر مىرزا ءالي «كۇز»
ساباقتىڭ ماقساتى: بىلىمدىلىك. وقۋشىلاردى مانەرلەپ وقۋعا ۇيرەتۋ، ولەڭدەگى نەگىزگى ويدى انىقتاي بىلۋگە، تۇسىنگەنىن جۇيەلى تۇردە بايانداي بىلۋگە ۇيرەتۋ.
دامىتۋشىلىق. وقۋشىنىڭ تانىم بەلسەندىلىگىن ارتتىرۋ، شىعارماشىلىق قيالىن جۇيەلەۋ، بايلانىستىرىپ سويلەۋ داعدىسىن جەتىلدىرۋ.
تاربيەلىلىك. ادامگەرشىلىككە، تابيعاتتى ايالاۋعا، قامقورلىق جاساۋعا ۇيرەتۋ.
ساباقتىڭ ءتيپى: جاڭا ساباق
ساباقتىڭ ءتۇرى: ساياحات ساباق
ساباقتىڭ ءادىسى: كورسەتۋ، سۇراق - جاۋاپ، ءوز بەتىمەن جۇمىس
ءپانارالىق بايلانىس: دۇنيەتانۋ، ماتەماتيكا، قازاق ءتىلى
ساباقتىڭ كورنەكىلىگى: INSERT ستراتەگياسى، ۆەنن دياگرامماسى، ينتەراكتيۆتى تاقتا،
سلايدتار

ساباقتىڭ بارىسى: I. ۇيىمداستىرۋ ءبولىمى.
وقۋشىلار نازارىن ساباققا اۋدارتۋ.
اقىل - ويىن دانانىڭ،
انا تىلدەن الامىز.
انا ءتىلىم ارداقتى،
اق سۇتىندەي انامنىڭ - دەپ اقىن اعالارىمىز جىرلاعانداي ءقازىر بىزگە انا ءتىلى ساباعى. ءبىزدىڭ بۇگىنگى ساباعىمىز ەرەكشە بولىپ وتەدى. سەبەبى، ءبىز ءقازىر «ءبىلىم» كەمەسىمەن جۇزە وتىرىپ، «انا ءتىلى» تەڭىزىنە ساياحاتقا شىعامىز.

II. نەگىزگى ءبولىم.
تاقتادان «انا ءتىلى»تەڭىزى مەن ونداعى ارالداردى تانىستىرۋ.
- ساياحاتقا شىعۋعا دايىنبىز با؟ ەندەشە ءبارىمىز بىرگە ۇرانىمىزدى ايتايىق.
ءبىز اقىلدى بالامىز،
ەڭبەكسۇيگىش بولامىز.
«ءبىلىم» اتتى كەمەمەن،
ساياحاتقا شىعامىز.
الداعى ارالداردان ءوتىپ، ولاردىڭ قۇپيا سىرىن اشۋىمىز كەرەك.
1 - ارال -«بىلگىرلەر»ارالىنىڭ تاپسىرماسى - ءۇي تاپسىرماسى.
وقۋشىلاردان «قانجىعالى بوگەنباي» ءماتىنىنىڭ مازمۇنىن سۇراۋ. ءۇي تاپسىرماسىن قورىتۋ بارىسىندا INSERT ستراتەگياسىن قولدانۋ.
1. قابانبايدىڭ شىن اتى
2.«اعاشتا بيىكتىكتى ايتساڭ قاراعايدى ايت،
جىگىتتىك ەرلىكتى ايتساڭ، بوگەنبايدى ايت»- دەپ بوگەنبايعا مىنەزدەمە بەرگەن جىراۋ
3. بۇقار جىراۋ«قۇلاعانعا ۇقسايدى، قازاقتىڭ قامال قورعانى»دەپ كىمدى جوقتادى؟
«بىلگىرلەر» ارالىنىڭ قۇپيا سىرى -«بەس قارۋ» سۋرەتى. وقۋشىلار 5 قارۋدى اتايدى.
2 - ارال -«العىرلار». تاپسىرماسى - سيقىرلى سانداردى اشىپ، جاسىرىنعان ءسوزدى تابۋ. 7، 9، 6 ساندارىنىڭ كۆادراتىن تابۋ ارقىلى «كۇز» ءسوزىن شىعارۋ.
وقۋشىلاردان كۇز تۋرالى بىلەتىن ولەڭدەرىن، كۇزدەگى تابيعات قۇبىلىستارىن، كۇزگى ەڭبەك تۇرلەرىن، كۇزگى مەرەكەلەردى سۇراۋ.
«العىرلار»ارالىنىڭ قۇپيا سىرى -«جاسىل جاپىراق - سارى جاپىراق» وقۋشىلار سۋرەتكە قاراپ، وزدەرى قورىتىندى جاسايدى. ساياحاتتى جالعاستىرا وتىرىپ، سەرگىپ
الۋ.
جاڭىلتپاش
كوك بازاردا كۇزدە ءبارى بار،
بارىپ، بارىڭ ءبارىن ال

جۇمباقتار
ارلى - بەرلى قاقپانى،
تەربەتىپ - اق جاتقانى.
/جەل/
قاناتسىز قۇس ماڭىپ بارادى.
كوزىنەن جاس تامىپ بارادى.
/جاڭبىر/
تىعىلىپ كوكتە قارا قۇس،
اعىلىپ ۇشىپ بارادى.
قاعىپ - قاعىپ قاناتىن،
كۇننىڭ كوزىن جابادى.
/بۇلت/
3 - ارال -«تاپقىرلار»ارالى. ونىڭ تاپسىرماسى -«كۇز»ولەڭىن وقۋ.
- جىلدارعا شولۋ ارقىلى اۆتور جونىندە تۇسىنىك بەرۋ
- ءمۇعالىمنىڭ ولەڭدى مانەرلەپ وقۋى
- وقۋشىلارعا ولەڭدى ىشتەي وقىتۋ
- داۋىستاپ، تىزبەكتەي وقىتۋ
- تاپسىرمالار مەن سۇراقتاردى ورىنداۋ
-«ۆەنن»دياگرامماسى ارقىلى كۇز بەن جاز مەزگىلدەرىن سالىستىرۋ
«تاپقىرلار»ارالىنىڭ قۇپيا سىرى - «بوقىراۋ» ءسوزى. بوقىراۋ سوزىنە تۇسىنىك بەرۋ.
4 - ارال -«جۇيرىكتەر»ارالى.
تاپسىرماسى: 1 - قاتار -«كۇز»تۋرالى ماقالدار جازۋ
2 - قاتار -«كۇز»تاقىرىبىنا شىعارما جازۋ
3 - قاتار -«كۇز»تاقىرىبىنا ولەڭ شىعارۋ
«جۇيرىكتەر» ارالىنىڭ قۇپيا سىرى -«سابانتوي»ءسوزى. سابانتوي سوزىنە تۇسىنىك بەرۋ.
وقۋشىلارعا ساياحاتتىڭ اياقتالعانىن حابارلاۋ، ساياحات نەسىمەن ۇناعانىن سۇراۋ.

III. ءۇي تاپسىرماسىن بەرۋ.
ق. مىرزا ءاليدىڭ «كۇز» ولەڭىن جاتتاۋ.
IV. وقۋشىلاردى باعالاۋ.

V. قورىتىندىلاۋ. «كۇز»سوزىنە توپتاستىرۋ قۇرۋ.
انا ءتىلىڭ - ارىڭ بۇل،
ۇياتىڭ بوپ تۇر بەتتە.
وزگە ءتىلدىڭ ءبارىن ءبىل،
ءوز ءتىلىڭدى قۇرمەتتە!- دەپ
قادىر مىرزا ءالي اتامىز ايتقانداي انا ءتىلىمىزدى قۇرمەتتەپ، قاستەرلەپ جۇرەيىك بالالار!