InfoHub Logo

ساباقتىڭ ماقساتى: قاعازدان جالاۋشا جاساۋ تۋرالى مالىمەت بەرۋ.
بىلىمدىلىك: وقۋشىلاردىڭ بۇرىننان العان ءبىلىم، بىلىك، داعدى ماشىقتارىنا سۇيەنە وتىرىپ، قاعازدان جالاۋشا جاساۋ تاسىلدەرىن ۇيرەتۋ
دامىتۋشىلىق: شىدامدىلىعىن، ۇقىپتىلىعىن، جۇمىس ورنىن دۇرىس ۇيىمداستىرۋ شەبەرلىگىن قالىپتاستىرۋ جانە قاۋىپسىزدىك ەرەجەلەرىن ساقتاۋعا، قۇرالدارمەن جۇمىس جاساۋعا يكەمدىلىگىن دامىتۋ
تاربيەلىك: وقۋشىعا ەڭبەكتى ءوز بەتىنشە جاساۋعا شىعارماشىلىق باعىتقا تاربيەلەۋ
ساباقتىڭ ءتۇرى: جاڭا ساباق
ساباقتىڭ ءادىسى: ءتۇسىندىرۋ، سۇراق جاۋاپ، ىزدەنىس، پراكتيكالىق ارەكەت، سىن تۇرعىسىنان ويلاۋ
ساباقتىڭ كورنەكىلىگى: سلايدتار، ءسوزجۇمباق، وقۋلىق، جالاۋشا تۇرلەرى، قاۋىپسىزدىك ەرەجەسى، سۋرەتتەر، سىزبالار.
ءپانارالىق بايلانىس: ءتىل ساباعى، ماتەماتيكا، مۋزىكا، بەينەلەۋ
ساباقتىڭ بارىسى: ۇيىمداستىرۋ ءبولىمى:

پسيحولوگيالىق دايىندىق
گۇل وسىرسەڭ تەرلەپ،
مۇنىڭ اتى ەڭبەك.
كەستە تىكسەڭ زەرلەپ،
مۇنىڭ اتى ەڭبەك.
قيىندىقتىڭ ءبارىن،
ەڭبەك قانا جەڭبەك.
- بۇگىنگى ەڭبەك ساباعىنا قانداي قاجەتتى قۇرال - جابدىقتاردى پايدالانامىز؟ (سلايد كورسەتۋ)
ولاي بولسا، وسى قۇرال - جابدىقتاردى پايدالانۋ ءۇشىن، وتكەن تاقىرىپتار بويىنشا ەسكە تۇسىرەمىز.
قايتالاۋ - ءبىلىم اناسى

1. قاعازدى نەدەن جاسايدى؟
قاعاز اعاشتان، قامىستان، ساباننان ەسكى قاعازدى زاتتى وڭدەۋ ارقىلى جاسالادى. وسىلاردىڭ ىشىندە قاعاز جاساۋ ءۇشىن كوپ اعاش پايدالانادى. ول ءۇشىن ارنايى قۇرالمەن ۇگىندىگە اينالدىرادى. وعان سۋ قوسىپ شىلايدى. ودان كەيىن وسى قوسپانى تۇز قىشقىلى نەمەسە ارنايى اعارتقىشپەن اعارتىپ، ۇگىندىنى ابدەن مايدالايدى. ەندى قاعاز مىقتى بولىپ ءارى جازعان كەزدە سيا جايىلىپ كەتپەس ءۇشىن جەلىم قوسادى. ءسويتىپ قوسپا ابدەن دايىن بولعاندا ارنايى قۇرال ارقىلى ءارتۇرلى قالىڭداتادى، جۇقالايدى، كەپتىرەدى. ەكى بەتىن ۇككىشتەن وتكىزىپ، تازالاپ، ابدەن تەگىستەيدى. ءارتۇرلى كولەمدى وراما جاسايدى نەمەسە ءارتۇرلى پىشىندە كەسىپ تۇتىنۋشىعا جولدايدى.
2. قاعازدىڭ قانداي تۇرلەرىن بىلەسىڭ؟ ولاردى نە ءۇشىن قولدانادى؟
جازۋعا ارنالعان قاعازدار، سۋرەت سالۋعا ارنالعان قاعازدار، اق قاعازدار، وراۋعا ارنالعان قاعازدار، ءتۇرلى - ءتۇستى قاعازدار، قاتىرما قاعازدار.
3. قاعازدىڭ قانداي قاسيەتتەرى بار؟
قاعاز - ادام قولىمەن جاسالاتىن ماتەريال. ونىڭ وزىنە ءتان قاسيەتتەرى بار. ءارتۇرلى بۇيىمدار جاساعان كەزدە ءبىز ونىڭ قاسيەتتەرىن ءبىلۋىمىز كەرەك. جىرتىلادى، بۇكتەلەدى، يىلەدى، ۋماجدالادى، جانادى، قيىلادى.
4. جاي قاعازبەن قاتىرما قاعازدىڭ قانداي ايىرماشىلىعى بار؟
جاي قاعاز جۇقا، جۇمساق بولىپ كەلەدى، قاتىرما قاعاز بەرىك بولادى. ۋماجدالمايدى.
5. قاتىرما قاعازدان جاسالاتىن بۇيىمداردى اتا.
كىتاپ مۇقابالارى، پاپكالار، ءدارى - دارمەك قوراپتارى، ازىق - تۇلىك قوراپتارى
6. جۇمىسشى سىزىقتار دەگەنىمىز نە؟
جاي جانە ءتۇرلى قاتىرما قاعازعا بەلگىلەۋ جانە ولاردى قيۋ جۇمىستارىن ورىنداۋدا قولداناتىن سىزىقتاردىڭ شارتتى بەلگىلەرى
7. قاعازدىڭ ادام ومىرىندەگى ماڭىزدىلىعى؟
ءبىز ءقازىر ومىرىمىزدە قاعازسىز ەلەستەتە المايمىز. كۇندەلىكتى ومىردە تىرشىلىگىمىزدە ەڭ كوپ قولداناتىن زاتتاردىڭ ءبىرى وسى قاعاز، داپتەر، كىتاپ، گازەت - جۋرنالدار بولىپ تابىلادى.

بالالار، بۇگىن بىزدەر تاقتاداعى ءسوزجۇمباقتى شەشسەك، قاعازدان نە جاسايتىنىمىزدى بىلەمىز.
ءسوزجۇمباق

- ەندەشە بۇگىنگى ساباعىمىزدىڭ تاقىرىبى قاعازدان جالاۋشا جاساۋ.
ءمۇعالىم: بالالار، جالاۋشانى قايدان كورىپ جۇرسىڭدەر؟
وقۋشى:
ءمۇعالىم: جالاۋشالار نەدەن جاسالادى؟
وقۋشى:
ءمۇعالىم: مەرەكە كۇندەرىندە كوشەنى، بولمەلەردى بەزەندىرۋ ءۇشىن قاعازدان، ماتادان ءارتۇرلى شاعىن جالاۋشالار دايىندالادى. جالاۋشالاردى جىپكە ءتىزىپ ءىلىپ قويادى. ول بولمەلەر مەن كوشەلەردى سانگە بولەيدى. جالاۋشالاردى قولعا ۇستاپ جۇرەدى.

قاۋىپسىزدىك ەرەجەسى:
. ەڭبەك ساباعىنا ارنالعان ۇشى دوعال قايشىنى پايدالان.
. قايشىنىڭ ۇشىن جوعارى قاراتىپ ۇستاما.
. قايشىنى اشىق كۇيىندە قالدىرما.
. ەكىنشى ادامعا قايشىنى سابى جاعىمەن ۇسىن.
. قايشىمەن قيۋ كەزىندە جۇرمە، جولداسىڭا جاقىنداما.
. جۇمىس سوڭىندا قايشىنى قابىنا سالىپ قوي.
. جەلىمدى يىسكەۋگە بولمايدى.

پراكتيكالىق ارەكەت
سەرگىتۋ ءساتى (مۋزىكا سۇيەمەلدەۋىمەن)
بالا - بالا بالاقان.
قانە قايسى جالاۋشاڭ،
جالاۋشانى قولعا الىپ.
بي بيلەيىك اينالىپ.

توپ، توپ باسايىق،
جالاۋدان كۇن جاسايىق.
جاسا، جاسا التىن كۇن،
جاسا، جاسا جارقىن كۇن.
ساباقتى بەكىتۋ
ءمۇعالىم: بۇگىنگى ساباقتا قاعازدان قانداي بۇيىم جاسادىق؟
وقۋشى: قاعازدان جالاۋشا جاسادىق.
ءمۇعالىم: جالاۋشا، شار تۋرالى ولەڭ، جاڭىلتپاش، جۇمباق سۇراۋ.
(اۋىزشا سۇرالادى)
- بالالار بۇگىنگى ساباق سەندەرگە ۇنادى ما؟
- قانداي كوڭىل - كۇيدە بولدىڭدار؟
- بالالار وتە جاقسى ەڭبەكتەندىڭدەر!
كورمە ۇيىمداستىرۋ (وقۋشىلاردىڭ جۇمىسى باعالانادى)
- ساباق اياقتالدى، ساۋ بولىڭدار!