InfoHub Logo

ەسسە جانە ولەڭ-جىر بايقاۋىنىڭ كەزەكتى جەڭىمپازى انىقتالدى. ايتا كەتەيىك، وسى جولعى ۇزدىك تۋىندى قازان ايىن قورىتىندىلاپ وتىر. قازان ايىندا ءار اپتانىڭ قورىتىندىسى بويىنشا ۇزدىك دەپ تانىلعاندار: جومارت قالمۇراتوۆ، نۇرسۇلتان قوجاعۇل، ابزال التىي. ال وسى ايدىڭ سوڭعى جەڭىمپازى – گۇلدانا بەكبولات ەسىمدى ارۋ!

سەگىزىنشى اپتا قورىتىندىسى بويىنشا ۇزدىك دەپ تانىلعان تۋىندىنى نازارلارىڭىزعا ۇسىنامىز:

جاستىق جىرى

كور كەۋدەنى ەتەر دەيسىڭ كىم ۇلگى،
تىڭداتپاققا ۇمتىلساڭ دا ءۇنىڭدى؟
بۇل زاماندا وقىعاندار- كوشباسشى،
وزاتىن دا، ءار دودادا- ءبىلىمدى!

"جاستىق شاق" دەپ جۇرمە تەككە، بوزبالا،
عۇمىر ءبىر رەت بەرىلەتىن از عانا.
بولاشاققا ءۇنىڭ جەتسىن ۇلگى ەتەر،
ماقتانىپ ايت، تاريحىڭدى قوزعا دا.

بوي جەتكەن قىز، بوس اۋرەگە قۇنىقپا،
لايلانادى سەن ارقىلى تۇنىق تا.
ۇرپاعىڭا سانا بەر دەپ سۇراساڭ،
اتا-باباڭ، ءداستۇرىڭدى ۇلىقتا.

ەرمە قۇربىم، ارزان سوزگە ەلەڭدەپ،
جەتكىزەدى ماقساتىڭا- ءور ەڭبەك.
ماعجان بابام ايتپادىما اۋەلدە،
ءبىز جايىندا "مەن جاستارعا سەنەم" دەپ؟

وقى. ۇمتىل. ىزدەن. العا باس قادام،
ءبىلىم ىزدەپ وزۋدى ويلا باسقادان.
وزگە ەلمەن تەرەزەنى تەڭ ۇستاپ،
سەن ارقىلى شىرقالماي ما، اسقاق ءان؟

الاڭداتسا "نە بولماق" دەپ ەرتەڭىڭ،
بويىڭىزدى جەڭبەۋ كەرەك كەلتە مۇڭ.
وتباسىنان باستاۋ الماق
وتان دا، قامىن ويلا، وسىپ-ونەر ولكەنىڭ.

بولۋ ءۇشىن بىزدە بولەك جەر، تاڭبام،
ءار بابامنان تەكتىلىكپەن تەر تامعان.
ەلدىگىمدى ايقىندايتىن الەمگە،
قىمبات ماڭگى، ءانۇران، تۋ، ەلتاڭبام!

قالاي دامىپ، وسەم دەسەڭ ەركىڭدە،
كومەك قولىن سوزبايدى ەكەن، ەل كىمگە؟
وقيمىن دەپ ۇمتىلعاندار شەت قالماي،
ءبىلىم الىپ جۇرگەن جوق پا، "سەرپىندە"؟

شەت ەلدە دە ىزدەنۋدى قالاساق،
مۇمكىندىكتى بەرىپ قويعان "بولاشاق".
وزگەلەردەن باسەكەدە وزباققا،
جاس ورەندەر، دارا ءجۇرىپ، دارا شاپ.

كەلەشەككە كورسەتۋگە ماڭگى ۇلگى،
ەلىمىزدى تالايلارعا تاڭ قىلدى.
"دوستىق جىلىن" جاريالاپ ەلباسى،
تاريح بولىپ "جاڭا ەسىم" جاڭعىردى.

مۇمكىندىكتى قۇر جىبەرىپ، تاستاۋعا،
بولماس ءسىرا، يگى ءبىر ءىس اشپاۋعا.
"جاستار جىلى" اتالىنعان "ون توعىز"،
مىڭ-مىڭداعان جاقسىلىققا باستاۋدا.

ءاربىر قازاق، ارداقتى ەدىڭ، ەڭسەلىم،
قايىسپايتىن، قيىندىق تا كەلسە مىڭ.
كەۋدە كەرىپ ماقتانىشپەن ارتا الام،
"ماڭگىلىك ەل" جاستارىنا مەن سەنىم!

(اۆتوردىڭ ورفوگرافياسى مەن پۋنكتۋاسياسى ساقتالعان)

جەڭىمپازدى قۇتتىقتايمىز!

سىيلىقتى الۋ ءۇشىن bilimland.kz سايتىمەن بايلانىسۋىڭىزدى سۇرايمىز!

ەسكە سالايىق، bilim-all.kz جانە bilimland.kz سايتتارى جاس قالامگەرلەر اراسىندا سايىس جاريالاعان بولاتىن. بارلىق تالاپتارمەن قالامگەرلەر سايىسى سىلتەمەسى ارقىلى تانىسا الاسىز.

---