قالامگەرلەر سايىسىنىڭ كەزەكتى ۇزدىك تۋىندىسى
شىعارماشىل جاستاردىڭ ونەرىن قولداۋ ماقساتىندا باستالعان قالامگەرلەر سايىسىنىڭ كەزەكتى جەڭىمپازى انىقتالدى.
قازان ايىنداعى ءۇشىنشى ۇزدىك دەپ تانىلعان تۋىندىنىڭ اۆتورى – ابزال التىي ەسىمدى قاتىسۋشى. ونىڭ «ۇيقىسىز ۇيقى» دەپ اتالاتىن ولەڭى بارلىق شىعارمالار اراسىنان توپ جاردى. ايتا كەتەيىك، اۆتور بايقاۋعا بىرنەشە شىعارما ۇسىنىپ وتىر.
ۇزدىك دەپ تانىلعان تۋىندىنى نازارلارىڭىزعا ۇسىنامىز:
ۇيقىسىز ۇيقى
سانا وياۋ، كوڭىلدەگى كۇي تۇمان
زەر سالامىن سۇرەڭسىز مىنا سيقىما
وتكەن-كەتكەن ساتتەگى ويعا شىرمالىپ
وياۋ جاتىپ، كەتەمىن تەرەڭ ۇيقىعا
قيالداپ جاتىپ بويىما سىيماي كۇش دەگەن
ارماننىڭ جۇتام جەمىسىن ءالى پىسپەگەن
ءورشىتىپ الىپ ءوزىمدى تاپپاي وڭىمنەن
وياۋ جاتىپ، كەي كەزدە قاتتى ءتۇس كورەم
ءشول دالانىڭ شاڭعا ۇلاسقان شاعى ۇناپ
جەلگە مىنگەن، جازىقتىڭ قۇمدى باعى ۇناپ
ساعاتتاردىڭ كەيدە ءتىلىن تۇسىنبەي
ۇيىقتاپ ءجۇرىپ، ۇيىقتاپ كەتەم تاعى دا
ورالا الماي الەمنەن وزگە شىن كەزگە
ول جاقتا باسقا،وتەتىندەي كۇن لەزدە
ىشتەن ەستىلگەن ۇرەيلى ءوز داۋىسىمنان
وياۋ ءجۇرىپ،ويانىپ كەتەم ءبىر كەزدە
تۇسىنىكسىز...تاڭعى التى...نە جازام؟
مىنا تۇندە بولمايتىنداي كەيدە ازان
ءوڭ مەن ءتۇستىڭ اراسىندا سەندەلتىپ
ويپىرىم اي مەنىڭ ءومىرىم نەتكەن بەيمازا!
(اۆتوردىڭ ورفوگرافياسى مەن پۋنكتۋاسياسى ساقتالعان)
جەڭىمپازدى قۇتتىقتايمىز!
سىيلىقتى الۋ ءۇشىن bilimland.kz سايتىمەن بايلانىسۋىڭىزدى سۇرايمىز!
ەسكە سالايىق، bilim-all.kz جانە bilimland.kz سايتتارى جاس قالامگەرلەر اراسىندا سايىس جاريالاعان بولاتىن. بارلىق تالاپتارمەن قالامگەرلەر سايىسى سىلتەمەسى ارقىلى تانىسا الاسىز.
You Might Also Like
-
ءتىل-ادام بالاسى پايدا بولعاننان بەرى قولدانىستا جۇرگەن، بىزگە زاماناۋي وزگەرىپ كەلگەن اسىل قازىنا. ءتىلسىز ءبىر كۇندى ەلەستەتۋ مۇمكىن ەمەس. سەبەبى، بۇل ءبىزدىڭ ومىرىمىزگە ابدەن ارالاسىپ كەتكەن، ءبىزدىڭ...
-
ق ر ءبىلىم جانە عىلىم ءمينيسترى اسحات ايماعامبەتوۆ سۇحباتى الەۋمەتتىك جەلىدە كەڭىنەن تاراعان كوكشەتاۋلىق مۇعالىممەن كەزدەسۋ بولعانىن ايتتى.
