ءبىلىم ءمينيسترى ءمۇعالىمنىڭ داۋلى سۇحباتى تۋراسىندا: ول ۇستازبەن ءبىراز اڭگىمەلەستىك
ق ر ءبىلىم جانە عىلىم ءمينيسترى اسحات ايماعامبەتوۆ سۇحباتى الەۋمەتتىك جەلىدە كەڭىنەن تاراعان كوكشەتاۋلىق مۇعالىممەن كەزدەسۋ بولعانىن ايتتى.
«ول مۇعالىممەن كەزدەستىك، ءبىراز اڭگىمەلەستىك. جالپى، كوپ سۇراقتارىنا جاۋاپ بەردىك. نەگىزىنەن، مۇنى جۇيەلى تۇردە قاراستىرۋ كەرەك، تەك ءبىر ءمۇعالىمنىڭ ماسەلەسى ەمەس، ياعني بۇل جالپى ۇستازداردىڭ ماسەلەسى. بۇنى ەلباسى دا، مەملەكەت باسشىسى دا كوتەردى. وسى ورايدا ءتيىستى تاپسىرمالاردى بەرىلىپ، قاجەتتى قارجى ءبولىنىپ جاتىر. سوندىقتان ءبىزدىڭ الدىمىزدا جۇكتەلگەن تاپسىرمانى ءتيىمدى ورىنداۋ مىندەتى تۇر. زاڭ جوباسىن پارلامەنت قابىلدايتىن بولسا، ونى ىسكە اسىرامىز»، - دەدى مينيستر تىلشىلەر ساۋالىنا جاۋاپ بەرە وتىرىپ.
بۇدان بولەك، مينيستر پەداگوگتاردىڭ مارتەبەسىنە بايلانىستى زاڭ جوباسىندا ءبىراز ماسەلەلەر قاراستىرىلعانىن اتاپ ءوتتى.
ەسكە سالا كەتەيىك، جاقىندا ق ر ءبىلىم جانە عىلىم ءمينيسترى اسحات ايماعامبەتوۆ الەۋمەتتىك جەلىدە تاراعان كوكشەتاۋلىق ءمۇعالىمنىڭ داۋلى سۇحباتى جونىندە پىكىر بىلدىرگەن ەدى.
«دوستار! سوڭعى كۇندەرى تاريح ءپانىنىڭ ءمۇعالىمى ا.ك.احەتوۆانىڭ ۆيدەوسۇحباتى كەڭىنەن تارالىپ جاتىر. اتالعان روليكتە كوتەرىلگەن ماسەلەلەر قوعام تاراپىنان قىزۋ تالقىلانۋدا. ءدال ءقازىر بۇل ماتەريالدىڭ مازمۇنىنا قاتىستى ەشقانداي باعا بەرمەيمىن. ەڭ باستىسى، كەز كەلگەن ءمۇعالىم مەن اتا-انا ءوز پىكىرىن اشىق بىلدىرۋگە قۇقىلى ەكەنىن ءتۇسىنۋ - ماڭىزدى، ال ءبىزدىڭ مىندەتىمىز - وسى ۇسىنىستار مەن ەسكەرتۋلەردى نازارعا الۋ»، - دەپ جازدى مينيستر فەيسبۋك جەلىسىندەگى رەسمي پاراقشاسىندا.
You Might Also Like
-
قازان ايىنداعى ءۇشىنشى ۇزدىك دەپ تانىلعان تۋىندىنىڭ اۆتورى – ابزال التىي ەسىمدى قاتىسۋشى. ونىڭ «ۇيقىسىز ۇيقى» دەپ اتالاتىن ولەڭى بارلىق شىعارمالار اراسىنان توپ جاردى. ايتا كەتەيىك،...
-
تۋعان جەر-تۇڭعان شەجىرە "تۋعان ەلدىڭ ءتۇتىنى كۇيەسىز" دەيدى عوي؟ استە، سۇڭقار دا قياسىن،تورعاي دا ۇياسىن اڭسايتىنى بەلگىلى عوي. سەبەبى سول تابيعاتتىڭ زاڭى وسى. عۇمىر-داريامىزدا ولشەۋسىز...
