InfoHub Logo

ءتىل-ادام بالاسى پايدا بولعاننان بەرى قولدانىستا جۇرگەن، بىزگە زاماناۋي وزگەرىپ كەلگەن اسىل قازىنا. ءتىلسىز ءبىر كۇندى ەلەستەتۋ مۇمكىن ەمەس. سەبەبى، بۇل ءبىزدىڭ ومىرىمىزگە ابدەن ارالاسىپ كەتكەن، ءبىزدىڭ بايلانىسۋ قۇرالىمىز. مەن قازاق ۇرپاعى بولعاندىقتان ءتىل اراسىنان قازاق ءتىلى مەن ءۇشىن الەمدەگى ەڭ كۇردەلى ءارى ادەمى سوزدەرىمەن ايتارىن تۇسپالداپ ايتاتىن ەرەكشە ءتىل. قازاق ءتىلىنىڭ كۇردەلى،ادەمى،تۇسپالداعىش بولعانى سونشالىق قازاقتاردىڭ ءوزى قازاقشا بۇلبۇلداي سايراي المايدى. 

ءبىز قازىرگى كەزدەن تىلگە اسا قاتتى نازار اۋدارامىز. سەبەبى ءقازىر ءبىلىم مەن عىلىمنىڭ ابدەن دامىپ، شەگىنەن اسىپ كەتىپ تۇرعان زاماندا ءومىر ءسۇرىپ جاتىرمىز. بۇل ۇلكەن مارتەبە. قازاقستان رەسپۋبليكاسى دا زامانىمىزعا ساي ءۇش ءتىل مەڭگەرىلىپ جاتىر. ياعني، قازاقستانداعى ءار بالا ءوز زامانىنا ساي ءبىلىمدى دەۋگە بولادى. ءبىراق، "وزگە ءتىلدىڭ ءبارىن ءبىل، ءوز ءتىلىڭدى قۇرمەتتە" دەگەن-دى. وسىنى ەستەن تىسا شىعارماۋ مىندەت. 

الەم تانيتىن ەل بولىپ، بىرىگۋ ءۇشىن ءوز تىلىمىزدە سايراپ تۇرۋ قاجەت. كوپ جىلدار بويى ەستە ساقتالىپ، انا ءتىلىن ەرەكشە سۇيگەن پاتريوتتاردىڭ، اتا-بابامىزدىڭ، اتالارىمىزدىڭ ناسيحاتى، شەجىرەسى، كىتاپتارى ءقازىر ساقتاۋلى. ولار ءار قازاق قالالارى مەن اۋىلدارىنىڭ مەمكتەبى مەن كىتاپحانالارىنىڭ التىن تورىنەن ورىن الىپ، بولاشاعى جارقىن ەلدىڭ ۇرپاقتارى سول كىتاپتان ءبىلىم الۋدا. 

كەزىندە ءتىل ازاتتىعى ءۇشىن كۇرەسكەندەرى دە قانشاما. ماعجان، ءسابيت ت. ب. پاتريوتتارىنىڭ ارقاسىندا ەركىن تىلدە سويلەيمىز. ءبىراق، ءبىز ءالى كۇرەسىپ جۇرگەن ءتارىزدىمىز. سەبەبى، قازاق ءتىلىمىزدى بىلمەي تۇرىپ، قازاقستاندا تۇرۋىمىز قيىن بولادى-اۋ. تۇسپالداماي توقسان اۋىز ءسوزدىڭ توبىقتاي ءتۇيىنىن ايتار بولسام ءبىز قانشا جەردەن قانداي زاماندا ءومىر سۇرسەك تە ءوز ءتىلىمىزدىڭ ءقادىرىن ءتۇسىنۋىمىز كەرەك. قانداي ەل بولسا دا ەڭ ءبىرىنشى سىنالاتىنى حالقىنىڭ انا ءتىلىن قانشالىقتى قۇرمەتتەۋى. سەبەبى، سىرت كەلگەن ادام نەمەسە باسقا تىلدە سويلەيتىن ادام "بۇل ەلدىڭ ادامدارى ناعىز پاتريوت ەكەن عوي. بۇنداي پاتريوت ەلدە تۇرىپ وزگە تىلدە سايراسام ولار جامان كوزقاراستا قالار"-دەگەندەي ويلاپ، ولار دا قازاقشا سايراپ كەتپەسىنە كىم كەپىل؟

---