InfoHub Logo

قۇسايىن دەگەن بولىس ەل ارالاپ ءجۇرىپ قاپان كەدەيدىڭ ۇيىنە كەلەدى. قاپان الدىنان شىعىپ، بولىسقا سالەم بەرىپ، اتىنان ءتۇسىرىپ الادى. سوندا بولىس:

— قۋىم، بۇگىن ارام ەت جەگىزەر مە ەكەنسىڭ؟ — دەيدى.

قاپان:

— مىرزا، ارام دەمەي-اق، بۇيىرعان ادال استى الدىڭا تارتامىز.

قوناق جايعاسقان سوڭ قاپان سوياتىن مالدىڭ رەتىن تابا الماي، قاتتى قينالادى. وزىندەگى جالعىز اتى مەن سيىرى ۇرلىقپەن كەلگەن مال. «قوي، ناعىز ادال مال وسى بولار» دەپ، بولىستىڭ قۇلا جورعاسىن جايراتىپ تاستايدى. ونى سەزگەن بولىسەكەڭ جوق.

قاپان:

— قولدان وسىرگەن ادال مال. باتا قىلىپ، تاماق الىڭىز، — دەيدى ءوتىنىپ.

ەرتەڭىندە بولىسقا ءوزىنىڭ قاراقۇلا اتىن ەرتتەپ قويادى. قۇسايىن اتتانباقشى بولىپ سىرتقا شىقسا، بوتەن ات ەرتتەۋلى تۇر. قاپاننىڭ تاقىرعا وتىرعىزعانىن سوندا بارىپ ءبىلدى. «قاپ، سەنى مە؟» دەپ بولىس تىستەنىپ اتتانادى.

---