InfoHub Logo

قاراعاندى وبلىسىنىڭ اكىمى نۇرمۇحامبەت ابدىبەكوۆ اپپارات جيىنى بارىسىندا اۋىلداعى ءبىلىم ساپاسى مەن قولجەتىمدىلىگىن قامتاماسىز ەتۋد ءىتاپسىردى. وتىرىستىڭ نەگىزگى كۇنتارتىبى اۋىلدىق وڭىرلەردەگى ءبىلىم بەرۋدى دامىتۋ جانە تىرەك مەكتەپتەردىڭ تيىمدىلىك ماسەلەسى بولدى، دەپ حابارلادى وبلىس اكىمدىگىنىڭ باسپا ءسوز قىزمەتىنەن.

«مەكتەپتەردىڭ 46 پايىزدان استامى شاعىن جيناقتالعان ءارى باسىم بولىگى اۋىلدىق جەرلەردە. اعىمداعى وقۋ جىلىندا ولاردا 15 مىڭنان استام بالا نەمەسە جالپى وقۋشىلاردىڭ 9 پايىزى ءبىلىم الۋدا. ولارعا 4117 ۇستاز ءبىلىم بەرۋدە. 2 جالپى ءبىلىم بەرەتىن مەكتەپ، 2 بالاباقشا مەن 1 جاپسارلاس نىسان پايدالانۋعا بەرىلدى.  اۋىلداردا ورنالاسقان اپاتتى مەكتەپتەردىڭ سانى 1،5 پايىزدان 0،3 پايىزعا دەيىن قىسقاردى. وسى جىلى ۇلىتاۋ جانە جاڭاارقا اۋداندارىنا قاراستى اۋىلداردا تاعى 2 مەكتەپ قۇرىلىسى  اياقتالادى. مۇنان بولەك، 11 مەكتەپكە 458 ملن. تەڭگە سوماعا كۇردەلى، 78 مەكتەپتە 893،6 ملن. تەڭگە سوماعا اعىمدىق جوندەۋ جۇرگىزىلەدى. اۋىلدىق مەكتەپتەردىڭ 75،5 پايىزى كەڭ جولاقتى ينتەرنەتكە قوسىلعان، جوعارى ءبىلىمى بار ۇستازداردڭ سانى 78،7 پايىزعا دەيىن ۇلعايدى»، - دەدى وبلىستىق ءبىلىم بەرۋ باسقارماسىنىڭ باسشىسى اسحات ايماعامبەتوۆ.

ونىڭ اتاپ وتۋىنشە، ءۇشتىلدى ءبىلىم بەرۋدى دامىتۋدىڭ جول كارتاسىن جۇزەگە اسىرۋ اياسىندا 9 اۋىلدىق بالاباقشادا بىرنەشە تىلدە وقىتۋ قولعا الىنعان.

«دەگەنمەن، اۋىلدىق شاعىن جيناقتالعان مەكتەپتەردە ءبىرقاتار پروبلەما بار. ونىڭ ءبىرىنشىسى - وقۋشىلار سانىنىڭ از بولۋىنا بايلانىستى پەداگوگيكالىق جۇكتەمەنىڭ تومەندىگىنەن بىلىكتى كادرلاردىڭ جەتىسپەۋشىلىگى. ەكىنشىسى - ناشار ماتەريالدىق-تەحنيكالىق بازا. ءۇشىنشىسى - كەڭ جولاقتى ينتەرنەتتىڭ جوقتىعى مەن جىلدامدىعىنىڭ تومەندى.بۇل پروبلەمالاردى شەشۋ ءۇشىن ءبىلىم بەرۋ باسقارماسى ءبىرقاتار جۇمىستار جۇرگىزۋدە. اتاپ ايتقاندا، اۋداندىق اۋىلدارعا دارىندى بالالارعا ارنالعان وبلىستىق مامانداندىرىلعان مەكتەپتەردىڭ ادىستەمەلىك كومەك كورسەتۋى بەكىتىلگەن. دارىندى بالالاردى انىقتاۋ ءۇشىن جىل سايىن اۋىلدىق وقۋشىلار اراسىندا كوشپەلى پاندىك وليمپيادالار وتكىزىلەدى. جەڭىمپازدارعا وبلىستىق جانە رەسپۋبليكالىق وليمپيادالار مەن كونكۋرستارعا قاتىسۋعا دايىندىق ۇيىمداستىرىلادى. ناتيجەسىندە وبلىستىق وليمپياداعا قاتىساتىن اۋىل مەكتەپتەرى وقۋشىلارىنىڭ قاتىسۋى 20 پايىزعا، وبلىستىق تۋرعا عىلىمي جوبالارىن ۇسىنعان وقۋشىلار سانى 15 پايىزعا ءوستى»، - دەدى ول.

باياندامانى تىڭداعان نۇرمۇحامبەت ابدىبەكوۆ اۋىل اكىمدەرىنە ءبىرقاتار ناقتىلاۋشى ساۋالدار قويىپ، ودان كەيىن تاپسىرالار بەردى. تىرەك مەكتەپتەردىڭ قىزمەتىن ۇيلەستىرۋ جۇمىستارىن جالعاستىرۋدى جانە اۋىلداعى ءبىلىم ساپاسى مەن قولجەتىمدىلىگىن قامتاماسىز ەتۋ ماقساتىندا ولاردى ودان ارى دامىتۋدى تاپسىردى.

---