قاراعاندىدا مەكتەپكە قابىلداۋدىڭ جاڭا ەلەكتروندىق جۇيەسى ىسكە قوسىلادى
قاراعاندىلىقتار ەندى بالالاردى مەكتەپكە ونلاين رەجىمىندە ورنالاستىرا الادى. جاڭاشىلدىق اتا-انالاردىڭ ۋاقىتىن ۇنەمدەۋگە جانە سىبايلاس جەمقورلىققا جول بەرمەۋگە كومەكتەسەدى.
1 ماۋسىمنان باستاپ ءبىرىنشى سىنىپقا قابىلداۋ جانە مەكتەپتەن مەكتەپكە اۋىسۋعا ءوتىنىشتى http://school.kargoo.gov.kz/ru/ پورتالى بويىنشا بەرۋگە بولادى. قىزمەت ساعات 9.00-دەن باستاپ قولجەتىمدى.
ءوتىنىشتى دۇرىس رەسىمدەۋ ءۇشىن بالانىڭ ەلەكتروندىق فوتوسۋرەتى، ونىڭ تۋۋ تۋرالى كۋالىگىنىڭ سكان نۇسقاسى جانە بالانىڭ دەنساۋلىق پاسپورتىنىڭ سكانەرلەنگەن 1، 17 جانە 18ء-شى ءۇش بەتى قاجەت. ءوتىنىش بەرۋشى قۇجاتتاردىڭ قاراۋعا قابىلدانعانى تۋرالى سمس-حابارلاما الادى.
بالاسى ءبىرىنشى سىنىپقا باراتىن اتا-انالارعا ءونلاين-وتىنىمدى قالاي دۇرىس راسىمدەۋ كەرەكتىگى تۋرالى جالپى قالالىق اتا-انالار جينالىسىندا باياندالادى. ول 18 مامىر كۇنى ساعات 11.00-دە قاراعاندى قالاسىنىڭ بارلىق مەكتەپتەرىندە وتەدى. اتا-انالار بالانى ءبىرىنشى سىنىپقا قابىلداۋ تۋرالى ءوتىنىشتى قالاي دۇرىس بەرۋىن سىناپ كورۋى ءۇشىن بۇل كۇنى جۇيە تەستىلىك رەجىمدە جۇمىس ىستەيتىن بولادى. الايدا سول كۇنى كەشكە بارلىق تەست وتىنىشتەرى جويىلادى، سەبەبى مەكتەپكە رەسمي قابىلداۋ ءالى اشىلمايدى.
ءبىرىنشى كەزەكتە تىركەلگەن مەكەنجايى بويىنشا تاڭدالعان مەكتەپكە جاتاتىن بالالار قابىلدانادى. ال بالالارىن باسقا اۋداندا ورنالاسقان مەكتەپكە بەرگىسى كەلەتىندەر ءۇشىن كۆوتالىق ورىندار قاراستىرىلعان. ول ورىندا 1 تامىزدان كەيىن بولىنەدى. بۇل رەتتە گيمنازيا مەن ليسەيلەردىڭ بالامەن اڭگىمەلەسۋ جانە تەستىلەۋ وتكىزۋگە قۇقىعى بار.
جاڭا جۇيە ءبىر سىنىپتا 25 بالادان ارتىق قابىلدانبايتىنداي ەتىلىپ قۇرىلعان. ال ەگەر سىنىپ ينكليۋزيۆتى بولسا، وندا ءبىر سىنىپتاعى ورىن سانى ودان دا از بولۋى مۇمكىن.
— بۇل جۇيەدە اتا-انالار قالانىڭ بارلىق مەكتەپتەرىنىڭ ءتىزىمىن كورىپ، ولاردىڭ رەيتينگتەرىن دە سالىستىرا الادى. سونىمەن قاتار، اتا-انالار وسى جىلى ءبىرىنشى سىنىپ وقۋشىلارىن قابىلدايتىن بارلىق پەداگوگتاردى كورەدى. ءار ءمۇعالىم ءۇشىن ونىڭ ماراپاتتارى، ساناتتارى جانە جەتىستىكتەر ءتىزىمى بار دوسە بولادى. دەگەنمەن، ەگەر قابىلداۋ قۇجاتتارىنىڭ تىزىمىندە قانداي دا ءبىر قۇجات جەتىسپەسە، مەكتەپ ول بالانى قابىلداماۋعا قۇقىلى ەكەنىن ەسكەرگەن ءجون، - دەپ ءتۇسىندىردى قاراعاندى قالاسىنىڭ ءبىلىم ءبولىمىنىڭ جالپى جانە ورتا ءبىلىم بەرۋ سەكتورىنىڭ مەڭگەرۋشىسى ناتاليا گولوۆينا.
ەلەكتروندىق جۇيەدە مەملەكەتتىك-جەكەشەلىك ارىپتەستىك جۇيەسى بويىنشا جۇمىس ىستەيتىن جەكە مەكتەپتەر دە پايدا بولادى.
— ءقازىر قالادا بەس جەكە مەنشىك مەكتەپ جۇمىس ىستەيدى. مامىر ايىنىڭ سوڭىندا ءبىز مەملەكەتتىك ءبىلىم بەرۋ تاپسىرىسىن ورنالاستىرۋعا بايقاۋ وتكىزەمىز. ونىڭ سوماسى 15 780 تەڭگەنى قۇرايدى. وقۋ قۇنىنىڭ قالعان بولىگىن اتا-انالار تولەيدى، — دەدى قاراعاندى قالاسى اكىمىنىڭ ورىنباسارى يرينا ليۋبارسكايا.
وتىنىشتەردى ەلەكتروندى تۇردە قابىلداۋدىڭ سوڭعى مەرزىمى — 29 تامىز، ساعات 18: 30. ءونلاين-وتىنىم بەرە الماعاندار وقۋ ورنىنىڭ كەڭسەسىنە جۇگىنۋى ءتيىس.
جاقىن ارادا 50- 78- 81 ءنومىر بويىنشا بالالاردى مەكتەپكە قابىلداۋ ماسەلەلەرى بويىنشا «جەدەل جەلى» جۇمىس ىستەي باستايدى.
You Might Also Like
-
پارسى پاتشاسى داريي ءى دە ءبىزدىڭ زامانىمىزدان بۇرىنعى 519 جىلى ساقتارعا جورىق جاساعان. بۇل جورىقتا داريي I شوشاق بورىكتى ساقتاردى (تيگراحاۋدالاردى) جەڭىپ، ولاردىڭ قولباسشىسى سكۋنحانى قولعا تۇسىرەدى....
