InfoHub Logo

ادام ءومىرى — دۇنيەنىڭ باستى قۇندىلىعى. «قازاقستان-2030» باعدارلاماسىنا سايكەس، ۇلتتىق قاۋىپسىزدىك ەلىمىزدىڭ باستى ماقساتى بولىپ تۇر. سوعان سۇيەنىپ، مەملەكەتىمىز حالقىنىڭ قاۋىپسىزدىگىن قامتاماسىز ەتۋ ءۇشىن  بارلىق شارالار جاساپ جاتىر.

ەڭ اۋەلى، قازاقستان تۇرعىندارىنىڭ باستان كەشىرگەن وقىس جاعدايلارى مەن تراگەديالارىن ەسىمىزگە تۇسىرسەك. بىرنەشە اي بۇرىن سولتۇستىك وڭىردە ورنالاسقان ەكىباستۇز قالاسىندا جىلۋ-ەلەكتر ورتالىعى ىستەن شىققانى ءمالىم. سونىڭ زاردابىن جەرگىلىكتى تۇرعىندار شەگىپ، جارىقسىز جانە جىلۋسىز قالعان. بۇل جەرگىلىكتى باسقارۋ ورگاندارىنىڭ جەو جۇمىسىن دۇرىس قاداعالاماۋىنان تۋىندادى.سونىمەن قاتار، كەزىندە قانىشەرلەر دە حالىققا مازا بەرمەي، ۇرەيلەرىن تۋدىرىپ جۇرگەن. ولار تۋرالى مالىمەتتى اليشەر ۋتيەۆتىڭ تۇسىرگەن 5:32 سەريالىنان كورۋگە بولادى. كەيبىرەۋلەرى قاماۋدان شىعىپ، بوستاندىقتا ءجۇر. ال، ادامدارعا زيانى تيمەۋ ءۇشىن ولاردى بەلگىلى ورگاندار قاتاڭ باقىلاۋدا ۇستاپ  جانە پسيحيكالىق اۋىتقۋلاردى ەمدەۋگە بارىنشا كومەكتەسۋدە. ۇشاقتاردىڭ كۇيرەۋى، ورتەنىپ كەتكەن ۇيلەر، جارىلىستار، لانكەستىك ارەكەتتەر، جول اپپاتتارى، قاراقشىلىق جانە ت.ب سياقتى ءقاۋىپتى جاعدايلار كۇندە ورىن الۋدا. سونى ەسكەرە وتىرىپ، حالىقپەن بىرگە ءقاۋىپسىز قالانى قۇرۋعا باعىتتالۋىمىز قاجەت.

ۇلتتىق قاۋىپسىزدىكتى ساقتاۋدىڭ ءبىرىنشى العىشارتى ول — ادامداردىڭ ساناسىن وياتۋ. قاراپايىم ەرەجەلەردى بىلمەي، جولعا شىعاتىن كولىكتەر مەن جاياۋ جۇرگىنشىلەر وسىنداي جول اپپاتتارىنىڭ سەبەپشىلەرى اتانادى. بەينەلەۋ كامەرالارىنىڭ ازدىعىنان كىنالىلەر مەن قىلمىسكەرلەردى انىقتاۋ كيىندىققا تۇسەدى. سوندىقتان ەرەجە بۇزعاندار جازاسىز قۇتىلىپ كەتەدى دە، ءوز قاتەلىكتەرىن ءارى قاراي جالعاستىرا بەرەدى. ەكىنشىدەن، بەلگىلى ءبىر قۇرىلىسقا بولىنگەن اقشا ءوز سوماسىن اقتامايدى. سەبەبى، ول قاراجاتتىڭ ءبارى تۇپكى ماقساتىنا پايدالانىلماعاندىقتان، ساپاسى دا سوعان ساي بولادى. «ساراڭ ەكى رەت تولەيدى» دەمەكشى، سول نىسان  تابيعات اپاتتارىنا توتەپ بەرە المايتىداي جاعدايعا ۇشىراپ، ەڭ ءبىرىنشى حالىق زارداپ شەگەدى. ۇشىنشىدەن، زاڭدى قاتاڭداتۋ كەرەك. ادام ادامنان قورقاتىن كەزگە دە جەتتىك. قىلمىسكەرلەر مەن قانىشەرلەردىڭ ارەكەتتەرىن توقتاتۋ ءۇشىن ولاردىڭ جازاسىنىڭ قانشالىقتى قاتاڭ بولاتىنىنا كوزدەرىن جەتكىزۋ وتە ماڭىزدى. ءبىراق، ەلىمىزدە ونداي زاڭدار قاراستىرىلماعان نەمەسە جەڭىلدەتىلگەن تۇردە جازالانادى. قالا تۇرعىندارىنىڭ تىنىشتىعىن ساقتاۋ ءۇشىن مەملەكەت تە وسىنداي قوعامنىڭ قالدىقتارىمەن جۇمىس جاساۋىن كۇشەيتۋ كەرەك.

قورىتىندىلاي كەلە، قاۋىپسىزدىك ەرەجەلەرىن ساقتاۋ — ءار ادامنىڭ ءوزىنىڭ ءومىرى ءۇشىن باستى مىندەتى. ال مەملەكەت قاۋىپسىزدىگى - ەل ازاماتتارىنىڭ ىشكى جانە سىرتقى قاۋىپسىزدىگىنىڭ كەپىلدىگى.

---