ۇلى تۇرىك قاعاناتى
ءامىر تەمىر 34 جاسىندا ءبالح بيلەۋشىسى بولدى. شىڭعىس حاننىڭ ۇرپاعىنان بولعان ءبىر قىزعا ۇيلەنگەنى ءۇشىن گۋرگان (حاننىڭ كۇيەۋ بالاسى) اتاعىمەن تانىلدى. وتباسىلىق ابىرويىن ارتتىردى. جۇرتتىڭ ءوزىن شىڭعىس حاننىڭ ءىزباسارى دەپ تانىعانى ءۇشىن، بۇكىل تۇركىستانعا (ورتا ازياعا) بيلەۋشى بولىپ ۇلى تۇرىك حاندىعىنىڭ تاعىنا وتىردى. سونىمەن قاتار شىڭعىس حاننىڭ ورىنسىز جويىپ تالقانداعان قالالارىن قالپىنا كەلتىردى. باسىندا قولداۋ كورسەتكەن التىن وردا حانى توقتامىس وعان قيانات ەتكەن كەزدە بارىپ مەملەكەتىن قۇلاتتى، بۇل تاريحشىلاردىڭ ايتۋىنشا ءامىر تەمىردىڭ ەڭ ۇلكەن قاتەلىگى بولدى. وسىنىڭ ارقاسىندا ورىستار بۇل جەرلەرگە جايىلىپ ۇلكەن مەملەكەت قۇرا الدى.
ءامىر تەمىر كەيىن انادولىعا باردى. الدىنان قاشا جونەلگەن ەكى باسقارۋشى يىلدىرىم سۇلتان ءبايازيدتى پانالاپ، پاديشاحتى ءامىر تەمىرگە قارسى ايداپ سالدى. ەسكى انادولىنىڭ اتاقتى ادامدارى دا ءامىر تەمىرگە بارىپ، ونى پاديشاحقا قارسى قويدى. پاديشاح ۆيزانتيا، ترابزون، التىن وردا، مىسىر جانە ءۇندىستان مەملەكەتتەرىن بيلەپ وتىرعان ءامىر تەمىردى جەتە باعالامادى. ونىڭ ەلشىلەرىن سۋىق قارسى الدى. الايدا تەمىر تەك انادولىنىڭ باعىنىشتىلىعىنا عانا قول جەتكىزىپ بارا جاتقان ەدى. ابىزدار مەن ۋازىرلەر پاديشاحقا بەيبىتشىلىك قۇرۋدى كەڭەس بەردى. ءبىراق ەۋروپانى تىك تۇرعىزعان سۇلتان بايازيد ارتىنان سوققىلايتىن ادام ەمەس ەدى. ءامىر تەمىردىڭ 6000 كم جول جۇرگەن 300 مىڭدىق اسكەرىندە ءارتۇرلى ادام بار ەدى. انكارا ماڭايىندا تاريحتاعى ەڭ ۇلكەن سوعىس مايداندارىنىڭ ءبىرى ورىن الدى. وسمان اسكەرلەرى ءسونشاامىر تەمىر اسكەرلەرى مەن ءپىل جاساقتارىنا قارسى تۇرا المادى، ءتۇپ تارمىرىمەن جويىلىپ تا كەتپەدى. نيكوپولدا جەڭگەن اسكەردىڭ بۇل جەڭىلىسى ەۋروپاداعى باسقارۋشىلارعا ۇرەي اكەلەدى. ەلشىلەر جىبەرىپ سىيلىقتار بەرەدى دە، ءامىر تەمىرگە دوستىق قارىم-قاتىناستار ۇسىنادى. ماملۇك سۇلتانى اتاقتى تاريحشى قازى يبن حالدۋندى تەمىرگە جىبەرىپ مىسىرعا كىرمەۋى ءۇشىن سۇراندى.
You Might Also Like
-
ادام ءومىرى — دۇنيەنىڭ باستى قۇندىلىعى. «قازاقستان-2030» باعدارلاماسىنا سايكەس، ۇلتتىق قاۋىپسىزدىك ەلىمىزدىڭ باستى ماقساتى بولىپ تۇر. سوعان سۇيەنىپ، مەملەكەتىمىز حالقىنىڭ ءقاۋىپسىزد...
