سۋ سۇراسا ءسۇت بەرگەن، ايران بەرگەن،
قارتايىپ قالىپسىڭ-اۋ، قايران جەڭگەم!
قارعانىڭ ۆالەتىندەي ەدىرەيىپ،
قاسىڭا مىنا بىرەۋ قايدان كەلگەن؟
اپىراي، سۋىق ەدى سۇرقى نەدەن؟!
ادامعا قارايدى عوي سىرتىمەنەن.
جول كورسەتكىش ساقشىنىڭ تاياعىنداي،
قيمىلىندى باعىپ تۇر مۇرتىمەنەن.
جەڭەشە-اۋ، ەسىڭدە مە ءبىزدىڭ اعاي؟
سىيلاسىپ وتىرار ەك ءبىز قۇداداي.
قاندى بالاق سوعىستى قارعىس اتسىن،
قايران جەڭگەم، شىرقىندى بۇزدى قالاي
كۇلكىڭ قايدا كۇمىستەي سىڭعىرلاعان؟
ءجۇزىڭ نەگە ىمىرتتاي ءتۇنجىراعان؟
بۇعالىققا تۇرمايتىن اساۋ ەدىڭ،
سەنى اكەلىپ تەلىگەن كىم مىناعان؟
ءوزىڭ بولساڭ، تىم اعات ويلانعانسىڭ،
باقىت ەمەس، باسىڭا قايعى العانسىڭ،
جان ەدىن عوي جانىنىڭ تالعامى بار،
قارا مۇرتقا قالايشا بايلانعانسىڭ؟!
ەل-جۇرتىڭ قاراۋشى ەدى ماقتان ەتىپ.
كيىپ اپ اياعىڭا سالتاما ەتىك،
تالايلاردان كەتۋشى ەڭ اتتاپ ەتىپ،
تالايلاردى ءجۇرۋشى ەڭ تاپتاپ ەتىپ...
قارتايىپ قالىپسىڭ-اۋ، قايران جەڭگەم!
قايعىعا مويىماۋشى ەڭ.
قايدان كەلگەن؟!
ساعىنىپ ءجۇرسىڭ بە الدە، ءقادىرلىم-اي،
باياعى جاستىعىڭدى مايداندا ولگەن؟..

---