تاماشا ەدى جازعى ورمان
قۇستار سايراپ، ءماز بولعان.
كولشىكتەردە، سۋلاردا،
ۇيرەك ۇشىپ، قاز قونعان.
شىبىن-شىركەي قاعا ما،
شورشىپ سۋدان اق شاباق؟!
تاز تىرنا وتىر جاعادا،
سىڭار اياق، اق قاباق.
ەلىك ەرتىپ لاعىن،
ەڭكەيەدى سۋاتقا.
ەلەندەتىپ قۇلاعىن،
تىنشىمايدى ءبىراقتا.
كوكقۇتاندار كولبەڭدەپ،
كوتەرلە المايدى.
جالعىز-جالعىز ەربەڭدەپ،
كوك قوياندار زاۋلايدى.
مۇزداي سۋىن اتقىلاپ،
اق باستاۋلار قايناعان.
تانا-تورپاق شاپقىلاپ،
وقىرانىپ، ويناعان.
...تاماشا ەدى جازعى ورمان:
تاماشالاپ، ءماز بولعام،
قايران قاراسازىم-اي!
ۇيرەك ۇشىپ، قاز قونعان!..

---