قازاق مەملەكەتتىلىگى
القااعاش نەگىزگى مەكتەبى
ورىنداعان: زەيكەنوۆا سانيا
تەكسەرگەن: شايجانوۆ رينات مايدان ۇلى
XXI عاسىردىڭ باسىنداعى الەمدە جاقسى قارقىنمەن دامىپ كەلە جاتقان جاس مەملەكەتتىڭ ءبىرى – قازاقستان.
قازاقستان – ول قازاق ەلى دەگەندى بىلدىرەدى. وسى رەسپۋبليكانىڭ نەگىزگى تۇرعىلىقتى حالقى قازاقتاردىڭ انا ءتىلى - تۇركى ءتىلىنىڭ قىپشاق توبىنا جاتادى. ولاردىڭ ءدىنى – مۇسىلمان سۋنيتتەر، مادەنيەتى يسلامنىڭ نەگىزىندە قالىپتاسقان. قازاقتاردىڭ ءتىلى، ءناسىلى، ءداستۇرى جانە مەنتاليتەتى شىعىستىق. قازاقتىڭ، نەمەسە قازاقستان جەر كولەمى جونىنەن الەمدە توعىزىنشى ورىن الادى، نەگىزىنەن ازيا قۇرلىعىندا ورنالاسقان. قازاق ۇلتى مەن ونىڭ تاريحي قالىپتاسقان جەرىن وتارشىل پاتشا ۇكىمەتى مەن كەڭەستەر وداعى مويىنداعان. تاۋەلسىز قازاقستان رەسپۋبليكاسى قازاق حالقى مەن ونىڭ انا ءتىلىنىڭ، جانە تاريحي قالىپتاسقان جەرىنىڭ نەگىزىندە قۇرىلدى. تاۋەلسىز ەلدىڭ مەملەكەتتىك ءتىلى بولىپ قازاق ءتىلى زاڭداستىرىلدى. قازاقستاندا قازاقتاردان باسقا وتكەن عاسىردا ءارتۇرلى سەبەپتەرمەن كوشىپ نە جەر اۋىپ كەلگەن وسى رەسپۋبليكانى ءوز وتانى سانايتىن ونداعان باسقا ۇلت وكىلدەرى (دياسپورالار) تۇرادى. رەسپۋبليكاداعى بارلىق ۇلت وكىلدەرى تاتۋلىعىنىڭ نەگىزى – قازاقتاردىڭ كەڭ پەيىل تابيعي بولمىسى مەن ۇستاناتىن دىنىندە. سەبەبى، مۇسىلمان ءدىنى ادامداردى ءدىنى مەن تىلىنە، نەمەسە ناسىلىنە بولمەي، بارلىعىن اعايىن دەپ قارايتىن بىردەن-بىر الەمدىك ءدىن.
قازاقستان رەسپۋبليكاسى پرەزيدەنت - پارلامەنت باسقاراتىن زايىرلى جانە ازاماتتىق قوعام بولىپ قالىپتاسۋدا. ەل تۇرعىندارى نەگىزىنەن، رەسمي تىركەلگەن مۇسىلمان جانە پراۆوسلاۆيالىق حريستيان ءدىنىن ۇستانادى.
قازاقستاننىڭ جاقىن ۋاقىتتاعى ماقساتى الەمدەگى دامىعان العاشقى ەلۋ ەلدىڭ قاتارىنا كىرۋ.
تاريحقا كوز جۇگىرتەتىن بولساق سوڭعى 25 جىل ىشىندە جەتىستىكتەرگە جەتكەنىمىزدى كورەمىز. «ادامدى قانداي ءىس باستاعانىنا قاراپ باعالۋ كەرەك ...» دەيدى اباي. وسى جەتىستىكتەرىمىزگە تۇڭعىش پرەزيدەنت ن.نازاربايەۆتىڭ ەڭبەگى وتە زور.
تاۋەلسىزدىك كەزىندە جەتكەن نەگىزگى جەتىستىكتەرى دەپ مىنالاردى اتاۋعا بولادى:
ەلدىڭ شەكاراسى بەكىتىلدى. وزىمىزدىك ۇلتتىق تەڭگەمىز، مەملەكەتتىك رامىزدەرىمىز بار. كونستيتۋسياسى قابىلداندى. «قازاقستان-2030» ستراتەگياسى ىسكە اسۋدا.
You Might Also Like
-
بۇگىندە كوپتەگەن ادامدار سالاۋاتتى ءومىر سالتىن ۇستانباعاندىقتان ءتۇرلى دەڭگەيدەگى اۋىرۋلارعا ۇشىراپ جاتىر. اتاپ ايتساق، ارتىق سالماق، وتىرىپ جۇمىس جاسايتىن جۇمىستار ناتيجەسىندەگى ءتۇرلى اۋرۋلار. ۇزاق...
