قازاق وتباسىندا اكەنىڭ ورنى قانداي بولعان؟ ءقازىر قانداي؟
وتاعاسى" دەگەن اتقا لايىق ەر ازاماتتار ازايعان، وتباسىنداعى اكەنىڭ ءرولى تومەندەگەن. ويتكەنى ونىڭ وتباسىنداعى ورنىن تابىسى انىقتايتىن بولدى.
بالا بويىنداعى جاقسىلى-جاماندى قاسيەتتەرىن بايقاسا، قازاق ونى ەڭ ءبىرىنشى اكە مەن اتا تاربيەسىنەن كورەدى، تەگىنە تارتقان دەيدى. "اكەسى سونداي ادام ەدى، اتاسى جاقسى ادام، كورگەندى بالا" دەپ ەر ادام تاربيەسىن اۋىزعا الادى. ويتكەنى اكەسىنىڭ بالاسىنا قالدىرعان ەڭ ۇلكەن مۇراسى – ونىڭ جاقسى تاربيەسى. ال اكە مەكتەبىنەن وتكەن بالا سول مۇراعا قيانات جاساماۋعا تىرىسقان.
بالاسى 14-15 جاسقا كەلگەندە اتقا مىنگىزىپ، الىستاعى اۋزى دۋالى اقساقال قارتتارعا سالەم بەرىپ كەل دەپ جىبەرەتىن ءداستۇردىڭ ۇمىت قالعانى وكىنىشتى. بىرىنشىدەن، بالانى سىنعا سالىپ، ەكىنشىدەن، كوپتى كورگەن كونەكوز، كوكىرەگى قازىنالى قارتتاردىڭ اڭگىمەسىنە قانىعۋدىڭ بەرەرى مول ەدى.
تاريحتا بولعان جايلاردى، بابالار ەرلىگىن جىرلاپ، شەجىرەنى تارقاتا ايتاتىن دانا قاريالار قازاقتىڭ ماڭدايىنا بىتكەن كەڭ دە دارحان دالانىڭ قاسيەتىن سەزىندىرىپ، بابالاردىڭ ەرلىگى مەن كورەگەن ساياساتىنىڭ ارقاسىندا ونىڭ ۇرپاقتان ۇرپاققا مۇرا بولىپ قالعانىن بالا جۇرەگىنە جەتكىزە بىلگەن ەدى.
سوندىقتان ءداستۇرلى قازاق قوعامىندا تاربيە العان قازاق بالاسىنىڭ اكەگە دەگەن قۇرمەتى ەرەكشە بولاتىن. جۇزىنەن مەيىرىم توگىلىپ تۇرماعانمەن، قاس-قاباعىنان ءبارىن ءتۇسىنىپ وسكەن بالا اكە قاھارىنان سەسكەنىپ جۇرەتىن. اكە تاربيەسى – دەگەن وسى.
اۋەل ايشەرىم
You Might Also Like
-
بارلىق ونەردىڭ ىشىندەگى ءبىز ءۇشىن ەڭ ماڭىزدىسى – كينو. بۇل ونەر ماڭىزى كۇن وتكەن سايىن ۇدەي تۇسۋدە. ويتكەنى، الەمدىك ىقپال ءۇشىن كۇرەس جاڭا عاسىردا جاڭا سيپاتقا يە بولدى. جەر-جاھاندى...
-
قازاق قوعامىندا سوناۋ ىقىلىم زامانداردا بەسىككە بولەۋ جانە بەسىك جىرىن ايتۋ سىندى داستۇرلەردىڭ بولعانىنا دالەلدەر كوپ. ەڭلىك-كەبەك جىرىندا بەسىك قۇدا تۋرالى، قوبىلاندى جىرىندا "التىننان بەسىك ...
