قازاقستان 2021-2022 وقۋ جىلىندا 12 جىلدىق ءبىلىم جۇيەسىنە تولىق كوشەدى
قازاقستان 2021-2022 وقۋ جىلىندا 12 جىلدىق ءبىلىم جۇيەسىنە تولىق كوشەدى. بۇل جايىندا ءماجىلىس دەپۋتاتتارىنىڭ رەسمي ساۋالىنا جاۋاپ بەرگەن بۇرىنعى ءبىلىم جانە عىلىم ءمينيسترى كۇلاش ءشامشيدينوۆا ايتتى.
«رەسپۋبليكادا 2016 جىلدان باستاپ 1، 2، 3، 4، 5، 6، 7 جانە 8 سىنىپتاردا «نازاربايەۆ» زياتكەرلىك مەكتەپتەرى تاجىريبەسىنە سايكەس ازىرلەنگەن ورتا ءبىلىم بەرۋدىڭ جاڭارتىلعان مازمۇنى ەنگىزىلدى. 2019-2020 وقۋ جىلىندا جاڭارتىلعان ءبىلىم بەرۋ مازمۇنىنا 4، 9 جانە 10 سىنىپتار، ال 2020-2021 وقۋ جىلىندا 11 سىنىپ كوشەتىن بولادى. 2021 جىلى ءبىلىم بەرۋدىڭ جاڭارتىلعان مازمۇنى تولىقتاي ەنگىزىلگەننەن كەيىن 12-جىلدىق ءبىلىم بەرۋگە كەزەڭ-كەزەڭىمەن كوشۋ جوسپارلانعان»، - دەپ اتاپ وتەدى ول.
ونىڭ اتاپ وتۋىنشە، 12-جىلدىق ءبىلىم بەرۋگە كوشۋ قۇرىلىمى باستاۋىش مەكتەپتەردە وقۋ مەرزىمىنىڭ 1 جىلعا (1-5 سىنىپتار) ۇلعايۋى، نەگىزگى ورتا جانە جالپى ورتا ءبىلىم بەرۋ مەرزىمدەرىنىڭ ساقتالۋى ەسەبىنەن قامتاماسىز ەتىلەدى. قازىرگى ۋاقىتتا 12 جىلدىق ءبىلىم بەرۋگە كوشۋدىڭ اتالعان قۇرىلىمى قازاقستانداعى ءبىلىم مەن عىلىمدى دامىتۋ مەملەكەتتىك باعدارلاماسىنىڭ جوباسىنا ەنگىزىلگەن.
«12-جىلدىق ءبىلىم بەرۋدى ەنگىزۋ 2021-2022 وقۋ جىلىنا جوسپارلانىپ وتىر. قازاقستانداعى ءبىلىم مەن عىلىمدى دامىتۋ مەملەكەتتىك باعدارلاماسى بەكىتىلگەننەن كەيىن مەملەكەتتىك جالپىعا مىندەتتى ءبىلىم ستاندارتتارى مەن وقۋ جوسپارلارىنا ءتيىستى وزگەرتۋلەر ەنگىزىلەدى»، - دەدى ك.ءشامشيدينوۆا.
You Might Also Like
-
كونە زاماندا، جۇرت ءبىر پاتەردەن ەكىنشى پاتەرگە كوشەردە، زاتتاردى تاسۋ ءۇشىن كەيدە جەرگىلىكتى تۇرمەنىڭ تۇتقىندارىن جالدايتىن.
-
بiرiنەن سوڭ بiرi زىمىراپ، iركەس-تiركەس وتە شىققان سول بiر-ەكi كۇن شىنىندا دا، وزگە كۇندەردەن بولەك، ەستە قالارداي ەرەكشە ەدi. ودان كەيiنگi مىناۋ سۋى تارتىلعان دارياداي اقىرىن جىلجىپ اعىپ جاتقان جىل...
