قۇرباندىققا شالىناتىن مال تۇرلەرى جانە ەرەكشەلىكتەرى
1. قوي، ەشكى، سيىر جانە تۇيەنى قۇرباندىققا شالۋعا بولادى. باسقا جانۋارلاردان قۇرباندىق شالۋعا بولمايدى.
2. ۇرعاشى مال دا، ەركەك مال دا قۇرباندىققا جارايدى. قويدىڭ ەركەگىن جانە ءتۇسىنىڭ اعى قاراسىنان كوپ بولعانىن، ال ەشكىنىڭ ۇرعاشىسىن سويۋ ساۋاپتى بولادى. باعالارى بىردەي بولسا، قوي سويۋ سيىر سويۋدان دا ساۋاپتىراق.
3. ءجۇنى قىرقىلعان قويدى قۇرباندىققا شالۋ جانە قۇرباندىق ءۇشىن ساتىپ الۋ ماكرۋح بولادى.
4. قوي-ەشكى ءبىر، سيىر ەكى، تۇيە بەس جاستان اسقان بولۋى كەرەك. التى ايدان اسقان قوزى ءىرى بولسا، قۇرباندىققا شالۋعا بولادى.
5. ءبىر كوزى سوقىر، اقساق بولىپ جۇرە المايتىن، تىستەرىنىڭ جارتىسى جوق، قۇلاعىنىڭ نەمەسە قۇيرىعىنىڭ باسىم بولىگى جوق، ءبىر اياعى شولاق نەمەسە ولەيىن دەپ تۇرعان اۋرۋ مالدى قۇرباندىققا سويۋعا بولمايدى.
6. كيىك سەكىلدى ەتىن جەۋگە بولاتىن جابايى جانۋارلاردى قۇرباندىققا شالۋعا بولمايدى. جابايى وگىز (بۋيۆول)، جابايى تۇيە (لاما) جانە جابايى قويدى دا قۇرباندىققا شالۋعا بولمايدى. شاعىلىسقان (بۋدان) بولسا، ماسەلەن جابايى قوشقار مەن ءۇي قويى شاعىلىسسا، تۋعان ءتولى قۇرباندىققا جارايدى. ال، كەرىسىنشە جاعدايدا، ياعني تەكە كيىكپەن شاعىلىسسا، تۋىلعان ءتولى قۇرباندىققا جارامايدى، ويتكەنى ۇكىم بويىنشا اناسىنا قارالادى. اناسى ءۇي جانۋارى بولسا، قۇرباندىققا بولادى.
7. اتالىق بەزدەرى (جۇمىرتقالارى) كىشكەنتاي، انالىعى بۋاز، جۇندەرى تۇلەپ كەتكەن مالدى قۇرباندىققا شالۋ ماكرۋح بولادى.
8. مۇرنى نەمەسە ءتىلى كەسىلگەن نەمەسە كوپ مولشەرى جوق بولعان مالدى قۇرباندىققا شالۋعا بولمايدى.
9. قوي-ەشكىدە ءبىر، سيىردا ەكى ەمشەگى كەسىلگەن بولسا، قۇرباندىققا جارامايدى، ءبىراق بالاسىن ەمىزە الاتىن بولسا جارايدى.
10. ەكى قۇلاعى كەسىلگەن، بىرەۋى تۇبىنەن كەسىلگەن، قۇيرىعى كەسىلگەن، ءبىر نەمەسە ەكى قۇلاعى جوق بولعان مال قۇرباندىققا جارامايدى.
11. ءبىر مۇشەسى سۇيەگىنىڭ ءبىرىنشى بۋىنىنا دەيىن، مىسالىعا اياعى تىزەسىنە دەيىن سىنعان (جۇلىنعان) مالدى قۇرباندىققا شالۋعا بولمايدى.
12. قۇرباندىققا شالىناتىن وگىزگە ءمىنۋ نەمەسە وعان سوقا قوسىپ جەر جىرتۋ ماكرۋح بولادى.
قۇرباندىق مالداعى كەمشىلىكتەر
قۇرباندىق شالۋعا كەدەرگى بولمايتىن كەمشىلىكتەردىڭ بىرنەشەۋى مىنالار:
1. ءمۇيىزى سىنىق نەمەسە ءمۇيىزى جوق مالدى قۇرباندىققا شالۋعا بولادى.
2. قۇلاعىنىڭ باسىم بولىگى كەسىلىپ سالبىراپ تۇرسا، ماكرۋح بولۋىمەن قاتار، رۇقسات بولادى. جارتىسىنان از بولىگى كەسىلگەن بولسا، قۇرباندىققا شالۋعا بولادى. قۇلاعى ەنىنەن نەمەسە بويىنان جىرىق بولسا، قۇرباندىققا جارايدى. قۇلاقتىڭ جىرتىق بولۋى ءتانزيھان ماكرۋح بولادى. مۇرىننىڭ ۇكىمى دە قۇلاق سەكىلدى. قوتىرى بار، پىشتىرىلگەن مالدى دا قۇرباندىققا شالۋ رۇقسات. پىشتىرىلگەن مال پىشتىرىلمەگەن مالدان جاقسى، ويتكەنى ونداي قوشقارلار سەمىز جانە ەتتەرى ءدامدى بولادى. پايعامبارىمىز پىشتىرىلگەن قوشقاردى قۇرباندىققا شالعان.
3. قۇلاعى، قۇيرىعى كىشكەنتاي بولىپ تۋعان مال قۇرباندىققا جارايدى. قۇيرىعى كەسىلمەگەن بولسا، مەرينوس قويدى دا قۇرباندىققا شالۋعا بولادى.
4. ۇرعاشى مالمەن شاعىلىسا المايتىن، جىنىستىق مۇشەسى كەسىلگەن مال قۇرباندىققا جارايدى. گەرمافروديت (ەكى جىنىستى) مالمەن قۇرباندىق شالماۋ كەرەك.
5. ءوزى ءشوپ جەي الاتىنداي جىندى بولعان، وتاردان بولىنبەيتىن مالدى قۇرباندىققا شالۋعا بولادى. وتاردان ءبولىنىپ، ءوزى ءشوپ جەي المايتىنداي دارەجەدە جىندى مالدى قۇرباندىققا شالۋعا بولمايدى.
6. ءبىر كوزىندە كورۋىنە كەدەرگى بولمايتىن پەردەسى بار مالدى قۇرباندىققا شالۋ رۇقسات.
7. قۇرباندىق مالدى سوياتىن جەرگە الىپ كەلە جاتقاندا تەبىنىپ، جۇلقىنىپ، ءبىر اياعى سىنىپ كەيىن سويىلسا رۇقسات بولادى.
8. تىستەرىنىڭ باسىم بولىگى بار بولسا ماكرۋح بولۋىمەن قاتار رۇقسات بولادى.
9. قوتىرى بار مالدى قۇرباندىق شالۋ رۇقسات.
10. مەرينوس قويلاردىڭ كىشكەنتايىندا قۇيرىقتارىن كەسىپ تاستايدى. كەسىلمەسە مەرينوستى دا قۇرباندىققا شالۋعا بولادى.
مال سويعاندا ماكرۋح بولاتىن نارسەلەر
1. قۇرباندىق مالدى سوياتىن جەرگە سۇيرەتىپ اپارۋ، سەبەپسىز جابىرلەۋ.
2. پىشاقتى مالدى جاتقىزعاننان كەيىن قايراۋ جانە بىرەۋىن ەكىنشىسىنىڭ كوز الدىندا سويۋ ماكرۋح بولادى.
3. دەنەسى سۋي باستاماي تۇرىپ، ياعني تىپىرشۋى توقتاماي تۇرىپ باسىن كەسىپ الۋ ماكرۋح بولادى.
4. مال تولىعىمەن ءولىپ، تىپىرشۋى توقتاماي تۇرىپ جۇلىنىن كەسىپ باسىن الىپ تاستاۋ جانە تەرىسىن سىپىرا باستاۋ ماكرۋح بولادى.
5. قامىس، تاس سەكىلدى وتكىر زاتتارمەن سويۋ، وتپەس پىشاقپەن سويۋعا تىرىسۋ ماكرۋح بولادى.
6. تۋاتىن كەزى جاقىن قالعان مالدى سويۋ ماكرۋح بولادى.
7. ۇرلانعان، تارتىپ الىنعان پىشاقپەن سويۋ دا ماكرۋح بولادى.
You Might Also Like
-
تاكاپپارلىق – ءوزىن باسقالاردان جوعارى دەپ ساناۋ دەگەن ءسوز. حاديس شاريفتە: «تاكاپپارلىق – وزىنىكى قاتە بولسا دا مويىنداماۋ، باسقالاردى وزىنەن تومەن دەپ ساناۋ» دەلىنگەن. (ءمۇسليم)
-
فۋتبولدان ءبىزدىن ۇلتتىق قۇرامامىز تاريحي جەتىستىككە جەتتى، 2021 جىلى وتكەن ەۋرو-2020 تۋرنيرىندە جارتىلاي-فينالعا جەتكەن دانيا ۇلتتىق قۇراماسىن، استانادا 3:2 ەسەبىمەن جەڭدى. بۇل شىنىمەن دە قازاق فۋت...
