قازاقستان عالىمدارىنىڭ ءار بەسىنشى جاريالانىمى الەمنىڭ عىلىمي جۋرنالدارىنا ەنەدى
قازىرگى ۋاقىتتا عىلىمي زەرتتەۋلەرمەن جانە ازىرلەمەلەرمەن 22،4 مىڭ عالىم اينالىسادى. بۇل تۋرالى «قازاقستان عىلىمىن دامىتۋدىڭ وزەكتى ماسەلەلەرى» سەكسياسىندا ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
«قازاقستان جاريالانىمدىق بەلسەندىلىكتىڭ ءوسۋى بويىنشا كوش باستاپ تۇر. Scopus دەرەكتەر بازاسىندا قازاقستاندىق عالىمداردىڭ جاريالانىمدارى 2011 جىلمەن سالىستىرعاندا 34،5 ەسە، Web of Science دەرەكتەر بازاسىندا 59 ەسە ءوستى»، - دەيدى اسحات ايماعامبەتوۆ.
ول سوڭعى بەس جىل ىشىندە قازاقستاندىق عالىمداردىڭ ءاربىر بەسىنشى جاريالانىمى الەمنىڭ عىلىمي جۋرنالدارىنا ەنگەنىن ايتتى.
«2019 جىلى 7 قازاقستاندىق عالىم ءوزىنىڭ پاندىك سالاسىنداعى الەمدەگى ەڭ دايەكسوز جۇمىستارىنىڭ 1%-ىنا ەندى»، - دەيدى ول.
ءبىلىم مەن عىلىمدى دامىتۋدىڭ جاڭا مەملەكەتتىك باعدارلاماسى عالىمداردىڭ شىعارماشىلىق الەۋەتىن ىسكە اسىرۋ ءۇشىن قولايلى ورتانى نىعايتۋعا، مىقتى عىلىمي مەكتەپتەردى ساقتاۋعا جانە قازاقستاندىق عالىمداردىڭ جاڭا توبىن قالىپتاستىرۋعا باعىتتالعان شارالار كەشەنىن قامتيدى.
You Might Also Like
-
ۇلتتىق بيوتەحنولوگيا ورتالىعى كوروناۆيرۋس بويىنشا ەكسپرەسس دياگنوستيكالىق جۇيەسىن جاسادى. بۇل تۋرالى «قازاقستان عىلىمىن دامىتۋدىڭ وزەكتى ماسەلەلەرى» سەكسياسىندا ۇلتتىق بيوتەحنولوگيا ورت...
