InfoHub Logo

ۇلتتىق بيوتەحنولوگيا ورتالىعى كوروناۆيرۋس بويىنشا ەكسپرەسس دياگنوستيكالىق جۇيەسىن جاسادى. بۇل تۋرالى «قازاقستان عىلىمىن دامىتۋدىڭ وزەكتى ماسەلەلەرى» سەكسياسىندا ۇلتتىق بيوتەحنولوگيا ورتالىعىنىڭ باس ديرەكتورى ەرلان رامانقۇلوۆ ايتتى.

«كوروناۆيرۋس سياقتى جاڭا ينفەكسيا پايدا بولعان كەزدەگى باستى پروبلەما - ساتىلاتىن دياگنوستيكالىق جۇيەنىڭ جوق بولۋى. ۇلتتىق بيوتەحنولوگيا ورتالىعىندا ق ر ءبىلىم جانە عىلىم مينيسترلىگى دياگنوستيكا جاساۋ باعىتىندا زەرتتەۋ جۇمىستارىن جۇرگىزەدى. ءبىز ءبىر اپتا ىشىندە دياگنوستيكالىق تەست-جۇيەسىن جاسادىق. ق ر دەنساۋلىق ساقتاۋ مينيسترلىگىنىڭ باسشىلىق ەتۋىمەن كوروناۆيرۋستى ينفەكسيا بولۋى مۇمكىن دەگەن ناۋقاستاردان سىناما الىپ، دياگنوستيكا جاساۋدامىز»، - دەيدى ەرلان رامانقۇلوۆ.

ول دياگنوستيكا جاساۋ ءۇشىن ءبىر كۇن كەتەتىنىن ايتتى.

«دياگنوستيكا قورىتىندىسىن جاريالاۋعا قۇقىعىم جوق. جالپى ەلىمىزدە اۋرۋ بەلگىلەرى بارلار وتكەن اپتادا پايدا بولدى. ددسۇ كوروناۆيرۋس ينفەكسياسى تۋرالى اقپاراتتى شامامەن ون كۇن بۇرىن تاراتتى. ءبىز ماسەلە نەگە قاتىستى ەكەنىن ءتۇسىنىپ، دياگنوستيكا جاسايتىن جۇيەنى جاساۋمەن اينالىسا باستاعانىمىزعا ءبىر جارىم اپتا بولدى. ءبىز جىلدام جۇمىس ىستەدىك. بۇل قازاقستاندا دا عىلىم بار ەكەنىن جانە ول ناقتى ناتيجە كورسەتەتىنىن بىلدىرەدى»، - دەدى ول.

ورتالىق ديرەكتورى دياگنوستيكا جاسايتىن جۇيەنىڭ ەكسپەريمەنتتى نۇسقاسىن جاساعاندارىن ايتتى.

«دياگنوستيكا جاسايتىن جۇيەنى جاساۋدى ق ر ءبىلىم جانە عىلىم مينيسترلىگى قارجىلاندىردى. دياگنوستيكا جاسايتىن جۇيە جاسالدى جانە وعان الماتىداعى ورتالىق رەفەنەنس-زەرتحانادا ساراپتاما جاسالىپ جاتىر. ەگەر ادامعا ءتان ينفەكسيا ەكەنى انىقتالسا - مۇنىمەن ق ر دەنساۋلىق ساقتاۋ مينيسترلىگى جۇمىس ىستەيدى. ناتيجەسى قالاي بولعانى تۋرالى دا تەك سول مينيسترلىك ايتا الادى»، - دەدى ورتالىق ديرەكتورى.

---