InfoHub Logo

شىعىس قازاقستان وبلىسى، سەمەي قالاسى،
«№34 جالپى ورتا ءبىلىم بەرەتىن مەكتەپ» كمم،
جوعارى ساناتتى ماتەماتيكا ءپانىنىڭ ءمۇعالىمى
ماساكبايەۆا سايرا سابىرحانوۆنا

1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنتى كۇنى مەملەكەتتىك مەرەكەگە ارنالعان تاربيە ساعاتى
ساباقتىڭ تاقىرىبى: قازاقستان رەسپۋبليكاسىنىڭ تۇڭعىش پرەزيدەنتى ن.ءا. نازاربايەۆتىڭ ەرەكشە تۇلعالىق بولمىسى
ساباقتىڭ ماقساتى:
بىلىمدىلىك: قازاقستان رەسپۋبليكاسىنىڭ تۇڭعىش پرەزيدەنتى ن.ءا. نازاربايەۆتىڭ ءومىرى مەن قىزمەتى جايلى بىلىمدەرىن ودان ءارى تولىقتىرۋ وقۋشىلاردىڭ بويىندا ۇلتتىق رۋحتى، پاتريوتتىق سەزىمدەردى ۇيالاتۋ. بولاشاقتا وتانىمىز قازاقستاندى وركەندەتۋگە ءبىلىمدى، بىلىكتى ادامدار كەرەك ەكەنىن اڭعارتۋ.
دامىتۋشىلىق: وقۋشىلاردىڭ سويلەۋ مادەنيەتىن، ءوز ويىن ورتاعا سالۋ داعدىلارىن جەتىلدىرۋ.
تاربيەلىك: رۋحاني-ادامگەرشىلىككە تاربيەلەۋ، جالپى ادامي قاسيەتتەرگە يە بولاتىن تۇلعا قالىپتاستىرۋ. ەلىمىزدىڭ بولاشاعى جاس وسپىرىمدەردىڭ وتان الدىنداعى بورىشىن وتەۋگە تاربيەلەۋ.
تاربيە ساعاتىنىڭ ءتۇرى: تانىم ساعاتى

ساباقتىڭ كورنەكىلىگى: «ەل تاڭداعان پرەزيدەنت» جانە «قازاقستاننىڭ تۇڭعىش پرەزيدەنتىنىڭ ەرەكشە تۇلعالىق بولمىسى» اتتى ستەندتەر، عالامتوردان بەينە تاسپا، پرەزيدەنتتىڭ ماڭىزدى دايەكسوزدەرى جازىلعان كىتاپشالار، ساباقتىڭ مازمۇنىن بەينەلەيتىن سلايدتار، تاراتپا ماتەريالدارى. كىتاپتار كورمەسى، شارلار، لەنتالار.

ساباقتىڭ بارىسى:
ۇيىمداستىرۋ كەزەڭى: سىنىپ بولمەسى مەرەكەگە ارنالىپ بەزەندىرىلەدى. ن.ءا. نازاربايەۆتىڭ «ەلىم مەنىڭ» ءانى ويناپ تۇرادى. وقۋشىلار، تاربيە ساعاتىنا شاقىرىلعان قوناقتاردى قارسى الادى، ودان كەيىن ءۇش توپقا ءبولىنىپ وتىرادى.
ارنايى شاقىرىلعان قوناقتار:
جاس وتان جاستار قاناتىنىڭ جوبا ۇيلەستىرۋشىسى
قازاق گۋمانيتارلىق زاڭ ۋنيۆەرسيتەتىنىڭ ، جاس وتان جاستار قاناتىنىڭ جەتەكشىسى «№34 جالپى ورتا ءبىلىم بەرەتىن مەكتەپ» كمم ، وقۋ ءىسىنىڭ مەڭگەرۋشىلەرى: ورازبەكوۆ ەستاي نيازبەك ۇلى، اققوجينا رىسكۋل ماۋلەت قىزى. 9، 10 سىنىپ وقۋشىلارى. باستاۋىش سىنىپ وقۋشىسى نۇرىم ساعىمعالي

ءمۇعالىمنىڭ كىرىسپە ءسوزى: قۇرمەتتى، وقۋشىلار! قازاقستان رەسپۋبليكاسى پارلامەنتى قابىلداعان زاڭعا سايكەس 1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنتى كۇنى – مەملەكەتتىك مەرەكە رەتىندە بەلگىلەندى. بىلتىر پارلامەنت 1991 جىلعى 1 جەلتوقساندا وتكەن تۇڭعىش پرەزيدەنتتىڭ سايلاۋىنا قاتىستى وسىنداي شەشىم قابىلداعان بولاتىن. قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ مەملەكەتتىڭ بىرلىگىن، كونستيتۋسياسىن، ادام مەن ادامزاتتىڭ قۇقىقتارىن جانە بوستاندىقتارىن قورعاۋدى قامتاماسىز ەتكەن جاڭا تاۋەلسىز مەملەكەتتىڭ نەگىزىن قالاۋشى بولىپ تابىلادى.

وسىعان وراي، قابىلدانعان زاڭ مەملەكەتىمىزدىڭ ازاماتتارىنىڭ وتانشىلدىق رۋحىن ارتتىرا تۇسەتىن بولادى. وسى مەرەكەگە وراي ۇيىمداستىرىلىپ وتىرعان، «قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆتىڭ ەرەكشە تۇلعالىق بولمىسى» اتتى تاربيە ساعاتىن قوش كەلدىڭىزدەر
1-وقۋشى:
باتىرلىققا ۋىزىنان جارىعان،
ەر تۇركىنى جالاۋىنان تانىعان.
ءوزى باتىر، ءوزى ءانشى حالىققا،
جاراسادى جىگەر بەرەر ءانۇران.
قازاقستان رەسپۋبليكاسىنىڭ ءان ۇرانى ورىندالادى.
ءمۇعالىم: تاۋەلسىز ەل بولۋ، تۇڭعىش پرەزيدەنتتىڭ سايلانۋى، وسى تۇلعانىڭ ارقاسىندا قازاقستاننىڭ بۇكىل الەمگە تانىلۋى، شاشىلىپ كەتكەن قانداس باۋىرلارىمىزدىڭ تاريحي وتانىنا شوعىرلانا باستاۋى، استانا قالاسىنىڭ ساۋلەتتەنە ءتۇسۋى – ءبارى، تاۋەلسىزدىگىمىزدىڭ ءار كۇنى ەمەس، ءار ساعاتى جاڭالىققا، يگى ىستەرگە ۇلاسىپ جاتقانىنىڭ ايقىن دالەلى.

قازاق ەلىنىڭ جارقىن بولاشاعى، حالىقتارىنىڭ بىرلىگى جانە بەيبىت ءومىرى پرەزيدەنتىمىز نۇرسۇلتان ءابىش ۇلى نازاربايەۆتىڭ قولىندا. تاۋەلسىزدىكتىڭ العاشقى جەتىستىگى –حالقىمىز ءوز تاڭداۋىمەن ەل پرەزيدەنتىن سايلادى. ءسويتىپ وعان ۇلكەن سەنىم ارتتى، مىندەت جۇكتەدى. «رۋحى كۇشتى ەل – الىنبايتىن قامال» دەيدى حالىق ناقىلى. حالىق ءۇشىن قىزمەت ەتۋدى باقىت سانايتىن ەلباسىمىز تۇرعاندا قازاقستان كەلەشەكتە دامىعان، وركەنيەتتى ەل بولارىنا كامىل سەنەمىز. ءبىز، مەن جانە مەنىڭ شاكىرتتەرىم 10 «ۆ» سىنىپ وقۋشىلارى پرەزيدەنتىمىزدىڭ ءار باستاعان ءىسىن قولدايمىز، وتانىمىزدىڭ ءوسىپ وركەندەۋىنە ءوز ۇلەسىمىزدى قوسامىز دەپ نىق سەنىممەن ايتا الامىن. بۇگىنگى ءبىزدىڭ ساباعىمىز ءۇش توپتىڭ سايىسى تۇرىندە وتپەك. قانە بالالار سەندەردە ءوز بىلىمدەرىڭدى سىناپ كورىڭدەر.

ىسكە ءسات!
ءى كەزەڭ: (ءۇي تاپسىرماسى) بۇل كەزەڭدە، قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆتىڭ ەرەكشە تۇلعالىق بولمىسىن سيپاتتاۋ بويىنشا سايىسادى
1- توپ: قازاقستان رەسپۋبليكاسىنىڭ پرەزيدەنتىنىڭ – ءومىر بايانى
2-توپ: قازاقستان رەسپۋبليكاسىنىڭ پرەزيدەنتىنىڭ - مەملەكەت باسشىسىنىڭ قىزمەتىنىڭ كولەمى، بيلىك رامىزدەرى
3-توپ: قازاقستان رەسپۋبليكاسىنىڭ پرەزيدەنتىنىڭ - ەرەكشە تۇلعالىق بولمىسى
كىتاپ كورمەسىن جارنامالاۋ
ءى ءبولىم. ەگەمەندى ەلدىڭ ەلباسى
ءىى ءبولىم. الەمدى مويىنداتقان تاريحي تۇلعا
ۇيىمداستىرعان: كىتاپحانا مەڭگەرۋشىسى، ماساليموۆا سامال سۇلتانوۆنا
ءىى كەزەڭ: بۇل كەزەڭدە، قوعامدىق-ساياسي ءومىردىڭ، ەكونوميكا مەن مادەنيەتتىڭ جانە حالىقتىڭ ءسالت-داستۇرىنىڭ ماڭىزدى باعىتتارى بويىنشا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ مەيلىنشە ەڭ ماڭىزدى دايەكسوزدەرىن جاتقا ايتىپ سايىسادى
ءىىى كەزەڭ: ن.ءا. نازاربايەۆتىڭ ءومىرى مەن قىزمەتىنە بايلانىستى قۇرىلعان ءسوزجۇمباقتى شەشىپ سايىسادى.
ءسوز جۇمباق

1. ن.ءا.نازاربايەۆتىڭ اۆتورلىق ءانى
2. استانادا، قازاقستان پرەزيدەنتىنىڭ سۋرەتى مەن سىزباسى نەگىزىندە سالىنعان كەشەن
3. ن.ءا.نازاربايەۆتىڭ كىتابى
4. ەل باسىنىڭ ماماندىعى
5. ن.ءا.نازاربايەۆ جوعارعى وقۋ ورنىندا وقىعان قالا
6. قازاقستان پرەزيدەنتىنىڭ ءسۇيىپ تىڭدايتىن ءانى
7. قازاقستان پرەزيدەنتىنىڭ بيلىك ءرامىزى
8. نۇرسۇلتان بىتىرگەن ورتا مەكتەپ قايدا ورنالاسقان
9. ن.ءا.نازاربايەۆ باسقاراتىن حالىقتىق-دەموكراتيالىق پارتيا
ءىV كەزەڭ: رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆتىڭ ەسىمىمەن بايلانىستى اندەردى ايتىپ جانە ولەڭ وقىپ سايىسادى.
ورازبەكوۆ ەستاي نيازبەك ۇلى، اققوجينا رىسكۋل ماۋلەت قىزى ەلباسىنىڭ ۇناتاتىن اندەرىنىڭ ءبىرىن ورىندادى، حالىق ءانى «ساۋلەماي». نۇرىم، نۇرسۇلتان ءابىش ۇلى نازاربايەۆتىڭ «ەلىم مەنىڭ» ءانىن ورىندادى
V كەزەڭ: قورىتىندى.
1. عالامتوردان ن.ءا. نازاربايەۆتىڭ سۇحباتىنان ءۇزىندى تاماشالاۋ تاۋەلسىدىكتىڭ 20 جىلدىعى قارساڭىندا، حابار اگەنتتىگى.
2.ءار توپ بۇگىنگى ساباق تۋرالى وي تۇيەدى.
3. وقۋشىلار پىكىرى، تىلەگى.

4.ءمۇعالىمنىڭ قورىتىندى ءسوزى: مىنە ءبىزدىڭ ءبىلىم سايىسى دا مارەسىنە جەتتى، دەگەنمەن بۇگىنگى ساباققا قاتىسقان توپتاردىڭ ۇشەۋىن دە جەڭىمپاز دەپ جاريالاعىم كەلىپ تۇر، سەبەبى وسنداي اتاۋلى كۇندە، ۇلكەن مەرەكەنى اتاپ وتۋگە اتسالىسقان وقۋشىلاردىڭ بارلىعى دا جەڭىسكە جەتتى. قىمباتتى وقۋشىلار! بۇگىنگى مەرەكە قۇتتى بولسىن، وسى ساباقتان ەسكەرتكىش رەتىندە، ەلباسىمىزدىڭ قۇندى پىكىرلەرى مەن دايەكسوزدەرى جيناقتالعان مىنا كىتاپشالاردى سەندەرگە تارتۋ ەتپەكپىن. ءار مەرەكەنىڭ وزىندىك داستۇرلەرى بىرتىندەپ قالىپتاسادى عوي، مەرەكەلەردە كىتاپ سىيلاۋ ءداستۇرى جالعاسىن تاپسىن دەگىم كەلەدى.
سەندەردەن بولاشاقتا ەلىن سۇيگەن، حالقى ءۇشىن قىزمەت جاسايتىن ازاماتتار شىعادى دەپ ۇمىتتەنەمىن.