قازاقستاندا اقپاراتتىق تەxنولوگيالاردى دامىتۋدىڭ باستى پروبلەماسى نەدە؟
حالىقارالىق اقپاراتتتىق تەxنولوگيالار ۋنيۆەرسيتەتىنىڭ رەكتورى دامير شىنىبەكوۆتىڭ ويىنشا، ەلىمىزدە اقپاراتتىق تەxنولوگيالاردى كەڭىنەن قولدانىپ، ونى xالىققا جان-جاقتى كورسەتەتىن كرەاتيۆتى قوعام قاجەت. الايدا سول كرەاتيۆتى قوعامدى قالىپتاستىراتىن ماماندار تاپشى، دەپ قازاقپارات حابارلايدى.
«ارينە، الدىمەن xالىقتىڭ باسىم بولىگىن جىلدام عالامتور جەلىسىمەن قامتاماسىز ەتۋ كەرەك. ويتكەنى قازاقستاندىقتاردىڭ 80 پايىزى ونداي جەلىمەن قامتىلماسا، ساندىق تەxنولوگيالاردى دامىتۋ قيىنعا سوعادى. ول - ءبىر. ەكىنشىدەن، وسى سالاداعى مامانداردىڭ ورتاسىن قالىپتاستىرۋ قاجەت. بىلايشا ايتقاندا، بىزگە كرەاۆتيۆتى قوعام كەرەك. ولار اقپاراتتىق تەxنولوگيالاردى قولدانۋدى xالىققا جان-جاقتى كورسەتىپ، كرەاتيۆتى ءومىر ءسۇرۋ سالتىن قالىپتاستىرا الادى. وسى ورايدا جوعارى جانە جوعارى بىلىمنەن كەيىنگى وقۋعا نەگىزگى باسىمدىق بەرگەن ءجون. بىزدە ۋاقىت وتە از. وسىنى تەزدەتىپ قولعا الۋ قاجەت»، - دەيدى شىنىبەكوۆ.
ونىڭ ايتۋىنشا، قازاقستان اقپاراتتىق تەxنولوگيالار نارىعىن ءوزى قالىپتاستىرا الماسا، سول نارىققا قاجەتتى مامانداردى دا دايارلاي المايدى. وسىعان بايلانىستى مەملەكەت باسشىسى ءوز جولداۋىندا ستارت-اپ جوبالاردى قۇرۋ ماسەلەسىن كوتەرىپ وتىر. سەبەبى ستارت-اپ جوبالار - بۇل بولاشاق كومپانيالار. ولار ەكونوميكانىڭ درايۆەرىنە اينالۋى ابدەن مۇمكىن.
«بۇل جەردە تاعى ءبىر پروبلەما بار. بۇگىندە قازاقستاننىڭ جوعارى وقۋ ورىندارىندا 480 مىڭعا جۋىق ستۋدەنت وقيدى. ءبىراق ولاردىڭ ىشىندە تەك 50 مىڭ جاس قانا اقپاراتتىق تەxنولوگيالار بويىنشا ءبىلىم الادى. ال جىل سايىن 15-اق مىڭ ادام وقۋدى اياقتايدى. ولاردىڭ سانى ءبىر نارسەنى وزگەرتۋگە جەتەدى دەپ ويلايسىز با؟ بۇل جەردە ءبىر نارسەنى ەسكەرگەن ءجون، وقۋدى بىتىرگەن تۇلەكتەردىڭ ىشىندە تەك ءاربىر التىنشى، يا بولماسا، جەتىنشى مامان عانا ەكونوميكاعا پايدالى ستارت-اپ جوبالاردى ۇسىنا الادى»، - دەپ اتاپ كورسەتتى شىنىبەكوۆ.
ۋنيۆەرسيتەت رەكتورى وسى سالاداعى مەملەكەتتىك گرانتتاردىڭ سانىن كوبەيتۋ كەرەك دەپ سانايدى. سونداي-اق اقپاراتتىق تەxنولوگيالارعا ارنالعان ماماندىقتار ءتىزىمىن قايتا قاراپ شىعۋ قاجەت.
ايتا كەتەيىك، بيىلعى جولداۋدا پرەزيدەنت سيفرلىق تەxنولوگيانى قولدانۋ ارقىلى قۇرىلاتىن جاڭا يندۋستريالاردى وركەندەتۋدى تاپسىرىپ وتىر. وسىعان وراي، ۇكىمەتكە «سيفرلى قازاقستان» اتتى جەكە باعدارلامانى ازىرلەۋ مىندەتى جۇكتەلدى.
«سيفرلىق يندۋستريانى دامىتۋ باسقا بارلىق سالالارعا سەرپىن بەرەدى. سوندىقتان ۇكىمەت اقپاراتتىق تەxنولوگيالار سالاسىن دامىتۋ ماسەلەسىن ەرەكشە باقىلاۋدا ۇستاۋعا ءتيىس»، - دەيدى ن.نازاربايەۆ.
You Might Also Like
-
ق ر ءبىلىم جانە عىلىم مينيسترلىگى مەكتەپتەردە ءاربىر وقۋشىنى جەكە شكافتارمەن قامتاماسىز ەتپەك. بۇل تۋرالى بۇگىن ۇكىمەت وتىرىسىندا اتالعان ۆەدومستۆونىڭ باسشىسى ەرلان ساعادييەۆ ءمالىم ەتتى.
-
ەرمۇحان بەكماحانوۆ تەك كورنەكتى تاريحشى-عالىم عانا ەمەس، ول ۇلكەن پەداگوگ-عالىم بولاتىن. ونىڭ حالىق اعارتۋ سالاسىنا، قازاقستان مەكتەپتەرىنىڭ دامۋىنا سىڭىرگەن ەڭبەگى ءبىر توبە. 1937 جىلى ۆورونەج پەدي...
