InfoHub Logo

2016 جىلى ەلدىڭ جوعارعى وقۋ ورىندارىندا 477،1 مىڭ ستۋدەنت ءبىلىم السا، سونىڭ 336،8 مىڭى (70،6%) اقىلى وقىعان. بۇل وتكەن جىلعىمەن سالىستىرعاندا 6،5% ارتىق، دەپ جازادى «ەگەمەن قازاقستان» finprom.kz سايتىنا سىلتەمە جاساپ.

وتكەن جىلدارى اقىلى وقيتىن ستۋدەنتتەر سانى جالپى ستۋدەنتتەر سانىمەن بىرگە ازايعان. وعان ەلدەگى دەموگرافيالىق جاعداي سەبەپ. ياعني، 19-24 جاس ارالىعىنداعى جاستاردىڭ سانى الدىڭعى جىلدارى از بولاعىن انىق.

اقىلى وقىعان ستۋدەنتتەردىڭ تەك 1 پايىزى عانا كومپانيالار ەسەبىنەن ءبىلىم العان. قالعاندارى وزدەرى تولەگەن. اقىلى ءبىلىم الاتىنداردىڭ باسىم كوپشىلىگى (29%) ءبىلىم بەرۋ سالاسىندا بولسا، 19،8%-ى الەۋمەتتىك عىلىمدار، ەكونوميكا مەن بيزنەس، ال 16،7%-ى تەحنيكالىق ماماندىقتار، تاعى 14،1%-ى زاڭگەرلىك.

ال گرانت بويىنشا ءبىلىم العانداردىڭ كوپشىلىگى 37،7%-ى تەحنيكالىق سالالار، 20،5%-ى دەنساۋلىق ساقتاۋ جانە الەۋمەتتىك قامسىزداندىرۋ، تاعى 17،5%-ى ءبىلىم بەرۋ سالاسىنا تيەسىلى.

گرانتقا تۇسە الماعان ستۋدەنتتەر ق ر ءبعم-نىڭ «قارجى ورتالىعى» اق كەپىلدىگىمەن مەملەكەتتىك ءبىلىم بەرۋ نەسيەسىن كەپىلدەندىرۋ باعدارلاماسى بويىنشا نەسيە راسىمدەي الادى. وعان وقۋدىڭ بارلىق فورماسى بويىنشا نەسيە راسىمدەلەدى.

ءبىلىم بەرۋ نەسيەسىن ەلدەگى بەس بانك: سبەربانك، نۇربانك، حالىق بانكى، Forte جانە Tengri بانكتەرى ۇسىنادى. دەگەنمەن، ءقازىر حالىق بانك بۇل قىزمەتتى ۋاقىتشا توقتاتسا، ForteBank تيەك تۇرار رىسقۇلوۆ اتىنداعى قازەۋ-مەن عانا جۇمىس ىستەيدى.

سبەربانكتىڭ نەسيەسىن جابۋعا بەرىلەتىن ماكسيمالدى مەرزىمى 144 اي، قالعان بانكتەردىكى 120 اي.

بۇلاردىڭ ۇشەۋى ماكسيمالدى قارجى كولەمىن اتادى. Tengri Bank 6 ملن تەڭگەگە دەيىن نەسيە بەرسە، نۇربانك 5 ملن تەڭگە، ال ForteBank 3 ملن تەڭگەگە دەيىن نەسيە ۇسىنادى. سبەربانك بولسا، وقۋدىڭ 100 پايىزىن تولەۋگە كەلىسەدى. ال حالىق بانك تەك وقۋ اقىسىنىڭ 70 پايىزىن كوتەرەدى.

---