InfoHub Logo

قازاقستاندا مەكتەپ باعدارلاماسىنا سايلاۋ قۇقىعى نەگىزدەرى كۋرسىن ەنگىزۋ جوسپارلانۋدا. بۇل جايىندا ق ر ورتالىق سايلاۋ كوميسسياسىنىڭ مۇشەسى ءسابيلا مۇستافينا ءمالىم ەتتى.

«سايلاۋشىلاردى ەلەكتورالدى وقىتۋ ءبىلىم بەرۋدىڭ ورتا، كاسىبي، تەحنيكالىق، جوعارى جانە جوعارى وقۋ ورنىنان كەيىنگى ءبىلىم سىندى بارلىق دەڭگەيلەرىندە ۇزدىكسىز پروسەسس بولۋى ءتيىس»، - دەدى ول ورتالىق سايلاۋ كوميسسياسىنىڭ اشىق وتىرىسى بارىسنىدا.

ونىڭ اتاپ وتۋىنشە، ورتا مەكتەپتەردىڭ جوعارى سىنىپتارىنىڭ وقۋ باعدارلاماسىنا جانە جوعارى وقۋ ورىندارىنىڭ باعدارلاماسىنا سايلاۋ قۇقىعى نەگىزدەرى تۋرالى كۋرس ەنگىزۋ  ق ر ءبىلىم جانە عىلىم مينيسترلىگى باسشىلىمەن، استاناداعى مەكتەپتەردىڭ، كوللەدجدەر جانە جوعارى وقۋ ورىندارىنىڭ وكىلدەرىمەن بىرگە الدىن الا قاراستىرىلعان.

«مەكتەپتەردىڭ 9-11 سىنىپتارى ءۇشىن «ادام. قوعام. قۇقىق» ءپانىنىڭ وقۋ باعدارلاماسىن قايتا قاراۋ ۋاعدالاستىعىنا قول جەتكىزىلدى. وقىتۋدىڭ ويىن ءتۇرىن جۇرگىزۋ ەسەبىنەن سايلاۋ قۇقىعى كۋرسىنىڭ كولەمىن 1 ساعاتتان 2 ساعاتقا دەيىن ۇلعايتۋ كەرەك. مۇنان بولەك، وليمپيادالار، بايقاۋلار مەن پىكىرتالاستار ۇيىمداستىرعان ءجون. بۇل رەتتە ورتالىق سايلاۋ كوميسسياسى وقىتۋدىڭ مۇنداي تۇرىنە ادىستەمەلىك قولداۋ كورسەتىپ وتىرادى. كوللەدجدەردىڭ 1-2 كۋرسىندا وقۋشىلار ءۇشىن قۇقىق نەگىزدەرى، ساياساتتانۋ جانە الەۋمەتتانۋ نەگىزدەرى، قازاقستان تاريحى پاندەرىنىڭ وقۋ باعدارلاماسىندا سايلاۋ قۇقىعى مەن ەلەكتورالدى پروسەسس بويىنشا كۋرستاردى ۇلعايتۋ قاجەت»، - دەدى مۇستافينا. 

 

---