InfoHub Logo

قازىرگى ءبىزدىڭ زامانىمىز – قازاقستاننىڭ كوركەيۋى ءۇشىن وقۋشىلاردىڭ تالانتى مەن قابىلەتىن اشىپ، ولاردى وقىتۋ بارىسىندا  دامىتۋ وتە ماڭىزدى. قازىرگى كەزدە جاڭا تەحنولوگيانى مەڭگەرۋدە ۇستازدار ءۇشىن وزەكتى ماسەلە بۇل- جان-جاقتى دامىعان، تاربيەلى، ءبىلىمدى، شىعارماشىل،  ىزدەنىمپاز، قوعامدا ءوز ورىنى بار تۇلعا قالىپتاستىرۋ.

ەلباسىمىز ن.ءا. نازاربايەۆ جولداۋىندا ايقانداي: «بولاشاقتا وركەنيەتتى دامىعان ەلدەردىڭ قاتارىنا ەنۋ ءۇشىن زامان تالابىنا ساي ءبىلىم قاجەت. قازاقستاندى دامىعان 50 ەلدىڭ قاتارىنا جەتكىزەتىن، تەرەزەسىن تەڭ ەتەتىن – ءبىلىم». سوندىقتان، قازىرگى دامۋ كەزەڭى ءبىلىم بەرۋ جۇيەسىنىڭ الدىندا وقىتۋ ءۇردىسىنىڭ تەحنولوگيالاندىرۋ ماسەلەسىن قويىپ وتىر. وقىتۋدىڭ ءارتۇرلى تەحنولوگيالارى ساراپتالىپ، جاڭاشىل پەداگوگتاردىڭ ءىس – تاجىريبەسى زەرتتەلىپ، مەكتەپ ومىرىنە ەنۋدە.

كەمبريدجدىك وقىتۋدىڭ ءادىس-تاسىلىنىڭ نەگىزگى مىندەتى- مۇعالىمدەرگە پەدوگوگيكالىق تاجىريبەلەرىن جەتىلدىرۋ مەن باعالاۋعا كومەكتەسۋ. سوندىقتان وقىتۋ مەن وقۋدىڭ قازىرگى زاماناعى ادىستەرى ءمۇعالىمنىڭ كۇندەلىكتى تاجىريبەسى جانە كاسىبي مانماتىنمەن ءوزارا بايلانىستا قاراستىرىلادى. /مۇعالىمدەرگە ارنالعان نۇسقاۋلىق 12-بەت/

قازىرگى ءمۇعالىم:

پەداگوگيكالىق ۇردىستە جۇيەلى جۇمىس جۇرگىزە الاتىن؛

پەداگوگيكالىق وزگەرىستەرگە تەز توسەلەتىن؛

جاڭاشا ويلاۋ جۇيەسىن مەڭگەرە الاتىن؛

وقۋشىلارمەن ورتاق ءتىل تابىسا الاتىن؛

وقۋشىلاردىڭ ويىن ەركىن تىڭداي بىلەتىن؛

ءبىلىمدى، ىسكەر، شەبەر بولۋ كەرەك؛

سونداي-اق  قازىرگى زامان تالابى اقپاراتتىق –كوممۋنيكاتيۆتىك تەحنولوگيا.   قازىرگى كەزدە جاڭا تەحنولوگيانى مەڭگەرگەن  ۇستازدار ءۇشىن وقۋشىلارعا ءبىلىم بەرۋ بارىسىندا وسى اقپاراتتىق –كوممۋنيكاتيۆتىك تەحنولوگيانىڭ پايداسى وتە زور.  اتالمىش ءادىس – تاسىلدە وقىتۋ مەن وقۋدا اقپاراتتىق- كوممۋنيكاسيالىق تەحنولوگيالاردى (اكت) پايدالاۋ  ءتاسىلى ينفورماتيكا پانىمەن  تىكەلەي بايلانىستا.

اقپاراتتىق –كوممۋنيكاتيۆتىك تەحنولوگيا  ەلەكتروندىق ەسەپتەۋىش تەحنيكاسىمەن جۇمىس ىستەۋگە، وقۋ بارىسىندا كومپيۋتەردى پايدالانۋعا، مودەلدەۋگە، ەلەكتروندىق وقۋلىقتاردى، ينتەراكتيۆتى تاقتانى قولدانۋعا، ينتەرنەتتە جۇمىس ىستەۋگە، ينفورماتيكا ءپانىنىڭ ءرولى ەرەكشە . اقپاراتتىق ادىستەمەلىك ماتەريالدار كوممۋنيكاتيۆتىك بايلانىس قۇرالدارىن پايدالانۋ ارقىلى ءبىلىم بەرۋدى جەتىلدىرۋدى كوزدەيدى.

اقپاراتتىق – كوممۋنيكاتيۆتىك تەحنولوگيالاردىڭ كەلەشەك ۇرپاقتىڭ جان-جاقتى ءبىلىم الۋىنا، ىسكەر ءارى تالانتتى، شىعارماشىلىعى مول، ەركىن دامۋىنا جول اشاتىن پەداگوگيكالىق، پسيحولوگيالىق جاعداي جاساۋ ءۇشىن دە تيگىزەر پايداسى اسا مول.

وسى يننوۆاسيالىق تەحنولوگيانى پايدالانۋ بارىسىندا ينفورماتيكا پانىنەن وقۋشىلار سىني تۇرعىسىندا ويلاۋ ءادىسى ءمۇعالىم قىزمەتىندە ۇيىمداستىرا وتىرىپ، وقۋشىلاردى جەكە، توپپەن جۇمىس جاساۋ نەگىزىندە ءبىلىم الۋىمەن ۇشتاسادى. بۇل ادىستەردىڭ ەرەكشەلىگى وقۋ ادىسىندە قولدانىلادى.  وسى تەحنولوگيانى پايدالۋ بارىسىندا وقۋشىلاردىڭ پانگە دەگەن قىزىعۋشىلىقتارى  وزگەرىپ ، ءوز بەتىنشە ىزدەنىپ، سىني تۇرعىدان  ويلاۋ قابىلەتتەرىنىڭ ارتقانى بايقالادى.

اقپاراتتىق - كوممۋنيكاتيۆتىك تەحنولوگيانى پايدالانۋدىڭ ءمانى كومپيۋتەرلىك تەحنيكانىڭ مۇمكىندىكتەرىن بالانىڭ جەكە تۇلعاسىن دامىتۋ پروبلەماسىنىڭ ماڭىنا توپتاسقان ديداكتيكالىق - ادىستەمەلىك پروبلەمالىق مىندەتتەردى شەشۋگە باعىندىرۋ بولىپ تابىلاتىنداي. سونداي-اق پەداگوگتىڭ كومپيۋتەرلىك ساۋاتتىلىعى اقپاراتتىق - كوممۋنيكاتيۆتىك تەحنولوگيانى پايدالانۋداعى جەكە تاجىريبەسىن تۇجىرىمداۋ ەسەبىنەن ساپالى تۇردە ارتادى.

قازىرگى زامان تالابىنا ساي ادامداردىڭ مالىمەت الماسۋىنا، قارىم-قاتىناسىنا اقپاراتتىق-كوممۋنيكاسيالىق تەحنولوگيالاردىڭ كەڭىنەن قولدانىسقا ەنىپ، جىلدام دامىپ كەلە جاتقان كەزەڭىندە اقپاراتتىق قوعامدى قالىپتاستىرۋ قاجەتتى شارتقا اينالىپ وتىر. وسى ورايدا كەلەشەك قوعامىمىزدىڭ مۇشەلەرى – جاستاردىڭ بويىندا اقپاراتتىق مادەنيەتتى قالىپتاستىرۋ قوعامنىڭ الدىندا تۇرعان ەڭ باستى مىندەت.

جاڭا پەداگوگيكالىق تەحنولوگيانىڭ ەرەكشەلىكتەرى – ءوسىپ كەلە جاتقان جەكە تۇلعانى جان –جاقتى دامىتۋ. يننوۆاسيالىق ءبىلىمدى دامىتۋ، وزگەرىس ەنگىزۋ، جاڭا پەداگوگيكالىق يدەيالار مەن جاڭالىقتاردى ومىرگە اكەلۋ. بۇرىنعى وقۋشى تەك تىڭداۋشى، ورىنداۋشى بولسا، وسى تەحنولوگيالاردى  پايدالانۋ بارىسىندا   قازىرگى وقۋشى – وزدىگىنەن ءبىلىم ىزدەيتىن جەكە تۇلعا،  دۇنيەتانىم قابىلەتى جوعارى، دارىندى، ونەرپاز، ىزدەمپاز، تالاپتى، ءوز الدىنا ماقسات قويا بىلەتىن تۇلعا ەكەندىگىن بايقاۋعا بولادى.

---