InfoHub Logo

جىل سايىن قازاقستاندا جۇمىسسىزدىق دەڭگەيى جاستار اراسىندا وزەكتى پروبلەماعا اينالىپ جاتقانى ءسوزسىز راس.جۇمىسسىزدىق دەڭگەيى كەدەيشىلىك دەڭگەيىن ارتتىرىپ قانا قويماي،سونىمەن قاتار پسيحولوگيالىق سوققى بولىپ ءتيىپ جاتاتىنىن دا اشىق ايتساق بولادى.ال جۇمىسسىزدىق دەڭگەيىن تومەندەتۋ،مەملەكەتپەن الداعى جىلدارعا ەلدىڭ الەۋمەتتىك-ەكونوميكالىق دامۋىنىڭ بولجامدارى جاسالىپ،سوعان قول جەتكىزۋ ماقساتىندا ءتيىمدى شارالاردى ءارى قاراي جۇزەگە اسىرۋ دەپ بىلەمىن.ەلىمىزدىڭ ەڭبەك نارىعىندا، اتاپ ايتقاندا جاڭا جۇمىس ورىندارىن قۇرۋ، جاستاردى جۇمىسپەن قامتۋ، جاستاردىڭ جۇمىسسىزدىق دەڭگەيىن تومەندەتۋ سياقتى الەۋمەتتىك-ەكونوميكالىق ماسەلەلەردى شەشۋدە جانە جەتىلدىرۋدە شاعىن جانە ورتا بيزنەس پەن ىسكەرلىك بەلسەندىكتى قولداۋ بويىنشا جۇمىستاردى جالعاستىرۋدىڭ ماڭىزى زور.ءوزىمىز ايتا جۇرگەندەي،ەلىمىزدىڭ  بولاشاعى جاستاردىڭ قولىندا، ال جاستار ءبىلىمىنىڭ ساپاسى ۇستازداردىڭ قولىندا. سوندىقتان ەڭبەك نارىعىنىڭ سۇرانىسى مەن تالاپتارىنا ساي ماماندار دايىنداۋ، ولاردىڭ بىلىكتىلىگىن ارتتىرۋ، جۇمىسپەن قامتۋ سياقتى ماسەلەلەر مەملەكەتىمىزدىڭ العا قويعان باستى مىندەتتەرىنىڭ ءبىرى. مەنىڭ ويىمشا،بۇل تۇرعىدا جاستاردى ايىپتاۋ ەمەس،جۇمىسقا دەگەن قۇلشىنىسى مۇلدەم جوق دەپ ايتۋعا دا كەلمەيدى.ماسەلە،جۇمىس جaسaۋ تاجىريبەنىڭ ازدىعى، جالاقىنىڭ تومەن بولۋى، تۇرعىلىقتى ورنالاساتىن جەرلەرى بولماۋى مەن قاتار باسەكەلەستىكتىڭ تومەن بولۋىنان زارداپ شەگۋدە.جوعارىدا ايتىلعان سەبەپتەردەن بولەك،ساراپشىلار تاعى دا ءبىرقاتار ماسەلەلەردى اتاپ ءوتتى:جاستاردىڭ ىسكەرلىك قارىم-قاتىناس ورناتا الماۋى،تانىستىقتىڭ جوقتىعى،ەڭبەك نارىعى مەن جۇمىس ىزدەۋ ادىستەرى تۋرالى اقپاراتتىڭ ازدىعى.

ال، مەملەكەت ازاماتتاردىڭ جۇمىسپەن ناتيجەلى ءارى ەركىن تاڭداۋ ارقىلى قالىپتاسۋىنا جاردەمدەسۋ ساياساتىنىڭ جۇرگىزىلۋىن قامتاماسىز ەتەدى. وسىعان وراي، مەملەكەت جۇمىسسىزدىقتاعى الەۋمەتتىك قورعاۋدىڭ مىناداي تۇرلەرىن اتاپ كورسەتەدى:

 • جۇمىسقا ورنالاسۋعا جاردەمدەسۋ؛

 • جۇمىسسىزدار ءۇشىن كاسىبي دايارلاۋ، بىلىكتىلىكتى ارتتىرۋ، قايتا دايارلاۋ جانە قوعامدىق جۇمىستاردى ۇيىمداستىرۋ؛

 • قوعامدىق جۇمىستاردا ىستەيتىن جۇمىسسىزدار ەڭبەگىنە اقى تولەۋ؛

 • تابىسى از ازاماتتارعا جاتاتىن جۇمىسسىزدارعا اتاۋلى الەۋمەتتىك كومەك كورسەتۋ؛

 • قازاقستان رەسپۋبليكاسىندا جۇمىسسىزدىققا قارسى الەۋمەتتىك ساياساتتى جەتىلدىرۋ ءۇشىن 2011– 2020 جىلدارعا ارنالعان جۇمىسپەن قامتۋ باعدارلاماسى قابىلداندى؛

 • بۇل باعدارلامانىڭ نەگىزگى باعىتتارى ەكونوميكا سالالارىندا جاڭا جۇمىس ورىندارىن قۇرۋ بولىپ تابىلادى؛

 • جۇمىس كۇشىنە سۇرانىس پەن ۇسىنىس تەڭگەرىمدىلىگى جونىندەگى شارالار جۇرگىزۋ؛

 • حالىقتى الەۋمەتتىك   قولداۋعا   مۇقتاج    نىسانالى   توپتاردىڭ   جۇمىسپەن   قامتىلۋىن ۇيىمداستىرۋ؛

 • قوسىمشا جۇمىس ورىندارىن قۇراتىن شاعىن جانە ورتا كاسىپكەرلىكتى قولداۋ مەن دامىتۋ؛

 • جۇمىسپەن قامتۋدىڭ وڭىرلىك ماسەلەلەرىن شەشۋدە جەرگىلىكتى اتقارۋشى ورگانداردىڭ ءرولى جونىندەگى شارالار قابىلداۋ؛

 • ءبىلىم بەرۋ ۇيىمدارىنىڭ تۇلەكتەرىن جۇمىسپەن قامتۋعا جاردەمدەسۋ جانە ت.ب.

كاسيمبەك جانەل

---