قازاقستانداعى سايلاۋ جايلى شەتەلدىك ب ا ق نە دەيدى؟
ەۋروپالىق جانە حالىقارالىق بۇقارالىق اقپارات قۇرالدارى قازاقستانداعى پرەزيدەنت سايلاۋى جايلى اقپارات تاراتۋدا. سولاردىڭ كەيبىرىنە توقتالىپ وتسەك.
العاشقىلاردىڭ ءبىرى بولىپ پىكىر بىلدىرگەن Euronews "قازاقستانداعى سايلاۋ: نارازىلىق كورسەتۋشىلەر ۇستالىپ، بيلىك پارتياسى سايلاۋدى قولدان جاساۋدا" دەپ ماقالا جاريالادى. باسىلىمنىڭ جازۋىنشا، بيلىك پارتياسىمەن بىرگە سايلاۋعا قاتىسقان پارتيالاردىڭ بارلىعى – "نۇر وتانمەن" دوس، اۋىز جالاسقان پارتيالار. سوندىقتان بيلىك پارتياسىنىڭ باسىم داۋىسپەن جەڭىسكە جەتەتىنىنى ايدان انىق ەدى.
"ماسەلەن، ۇلتتىق سوسيال-دەموكراتيالىق پارتياسى (قازاقستان حالىق پارتياسى) ءوزىن وپپوزيسيالىق پارتيا دەپ اتاعانىمەن، سايلاۋ كۇنى ەشقانداي نارازىلىق ۇيىمداستىرعان جوق"، - دەپ جازادى.
سونداي-اق، باسىلىم ەلوردا مەن الماتى قالاسىندا نارازىلىققا شىعىپ، ۇستالعان ازاماتتار جايلى دا ايتىپ، ق ر ىشكى ىستەر ءمينيسترىنىڭ ورىنباسارى ارىستانعاني زاپپاروۆتىڭ ولاردى ەش ايىپتاۋسىز بوساتىپ جىبەرگەنىن جازدى.
Voanews باسىلىمى "بيلىك پارتياسى باسىم داۋىسقا يە" اتتى ماقالاسىندا "بيلىك پارتياسى – "نۇر وتاننىڭ" ساياسي رەفورمالاردى وتكىزەمىز دەگەن ۋادەسىنە قاراماي، اۆتوريتارلىق رەجىمدى ودان ءارى كۇشەيتۋ ءۇشىن قولدان سايلاۋ ۇيىمداستىردى" دەپ باعا بەرەدى.
"قازاقستاندا ەكزيت-پولل بيلىك پارتياسى تاراپىنان قاتاڭ باقىلاۋدا. بۇل ەلدە بىردە-بىر رەت ءادىل ءارى دەموكراتيالىق تالاپتارعا ساي سايلاۋ بولعان ەمەس. ال پرەزيدەنت قاسىم-جومارت توقايەۆ ساياسي رەفورمالار باستايمىز دەپ ۋادە بەرگەنىمەن، بۇرىنعى ليدەر نۇرسۇلتان نازاربايەۆ بۇعان كەدەرگى جاساۋدا. 80 جاستاعى نازاربايەۆ 800 مىڭدىق مۇشەسى بار "نۇر وتان" پارتياسى ارقىلى بيلىك تۇتقاسىن ۇستاپ وتىر"، - دەپ جازادى باسىلىم.
جۋلدىزاي سماگۋلوۆا
You Might Also Like
-
مەنىڭ قىمباتتى اتامنىڭ «اينالايىن» دەپ ەركەلەتكەن ءسوزى ەسىمنەن كەتەر ەمەس. قولىما قالام الدىم، وعان سەبەپ مەنىڭ ول كىسىگە دەگەن ساعىنىشىم. سۇم اجال اسقار تاۋداي اتامدى قاس-قاعىم ساتتە ا...
-
ا. اريسلانوۆا، ا. Cادىكوۆا، ا. شايمەنوۆا
