قازاقستاندىق IT-كوماندا جەتى دۇركىن الەم چەمپيونىن ارتقا تاستاپ، ۇزدىك اتاندى
ەل تاريحىندا العاش رەت حالىقارالىق اقپاراتتىق تەحنولوگيالار ۋنيۆەرسيتەتىنىڭ ءىT كومانداسى جەتى دۇركىن الەم چەمپيوندارىن ارتقا تاستاپ، حالىقارالىق دارەجەدە ۇزدىكتەر قاتارىنان كورىندى. بۇل تۋرالى ق ر ءبىلىم جانە عىلىم مينيسترلىگى حابارلايدى.
2 جەلتوقساندا سانكت-پەتەربۋرگ، بارناۋل، الماتى، تبيليسي قالالارىندا ءبىر ۋاقىتتا Northern Eurasia (سولتۇستىك ەۆرازيا) وڭىرىندەگى ستۋدەنتتىك كوماندالار اراسىندا باعدارلامالاۋ بويىنشا حالىقارالىق وليمپيادانىڭ قورىتىندى كەزەڭى ءوتتى. فينالعا تمد ەلدەرىنەن 318 كوماندا قاتىستى. قۇرامىنا تەمىرلان ساتىلحانوۆ، اباي بايمۇقانوۆا، ايبار قۋانىشباي كىرگەن حالىقارالىق اقپاراتتىق تەحنولوگيالار ۋنيۆەرسيتەتىنىڭ كومانداسى 13 ەسەپتىڭ 8ء-ىن شىعارىپ، تمد ەلدەرى اراسىندا جۇلدەلى 4 ورىندى، قازاقستان بويىنشا 1 ورىندى يەلەنىپ، التىن مەدالعا قول جەتكىزدى. ەندىگى كەزەكتە قازاقستاندىق كوماندا 2019 جىلعى ءساۋىر ايىندا وتەتىن الەمدىك فينالعا قاتىسادى.
«بۇل - ۋنيۆەرسيتەتىمىزدىڭ بيىلعى ەڭ ۇلكەن جەڭىسى. ءبىز مۇنداي كورسەتكىشكە 6 جىل كولەمىندە قول جەتكىزە الماپ ەدىك. ەندىگى كەزەكتە ەل تاريحىندا العاش رەت الەمدىك چەمپيوناتتا ۇزدىكتەر قاتارىنان كورىنەمىز دەگەن ءۇمىت بار بىزدە. بۇل جولى حالىقارالىق اقپاراتتىق تەحنولوگيالار ۋنيۆەرسيتەتىنىڭ ستۋدەنتتىك IT كومانداسى جەتى دۇركىن الەم چەمپيونى سانكت-پەتەربۋرگ قالاسىنداعى ۇلتتىق زەرتتەۋ اقپاراتتىق تەحنولوگيالار، مەحانيكا جانە وپتيكا ۋنيۆەرسيتەتىنەن (يتمو) وزىپ، حالىقارالىق دارەجەدە ۇزدىكتەر قاتارىنان كورىندى. بۇل - وتە جاقسى كورسەتكىش» - دەيدى حالىقارالىق اقپاراتتىق تەحنولوگيالار ۋنيۆەرسيتەتىنىڭ رەكتورى دامير شىنىبەكوۆ.
قورىتىندى جەكپە-جەكتە 7 ەسەپتى شىعارعان قبتۋ كومانداسى دا جاقسى ونەر كورسەتىپ، تمد ەلدەرى بويىنشا 14-ورىندى يەلەندى. ولار قازاقستان بويىنشا 2-ورىندا تۇراقتادى. ال، 4 ەسەپتى شەشكەن نازاربايەۆ ۋنيۆەرسيتەتىنىڭ كومانداسى تمد ەلدەرى بويىنشا 81-ورىندى، قازاقستان بويىنشا 3-ورىندى يەلەندى.
جەڭىمپاز كوماندانىڭ كورسەتكىشتەرى تمد وڭىرىندە سوڭعى 5 جىلداعى ەڭ ۇزدىك دەپ تانىلىپ وتىر. جوو جەڭىسى - قازاقستان ءۇشىن ۇلكەن جەتىستىك، ويتكەنى ەل تاريحىندا ءبىر دە ءبىر كوماندا سولتۇستىك ەۋرازيا وڭىرىندە مۇنداي كورسەتكىشكە قول جەتكىزبەگەن. ايتا كەتەيىك، وليمپيادالىق قوزعالىس قازاقستاندا 2000 جىلدارى باستالعان.
You Might Also Like
-
تۇركىستان — بابالارىمىزدىڭ كونە قالاسى. ول قاراتاۋ مەن سىرداريا وزەندەرىنىڭ ورتاسىندا، ۇلى جىبەك جولىنىڭ بويىندا ورنالاسقان. ەجەلگى قالاعا تىرناداي تىزىلگەن قوڭىراۋلى كەرۋەندەر باتىستان دا، ش...
-
تاستانبەكوۆ قۇمان نۇرماعان ۇلى (10 ناۋرىزدا 1945 جىلى، قازاق كسر الماتى وبلىسى سارقانت اۋدانى، ەكىاشا اۋىلى — 17 جەلتوقساندا 2017 جىلى قازاقستان الماتى) — كينو جانە تەاتر اكتەرى، قازاقست...
