قازاقستاندىق وقۋشىلاردىڭ ساباق كەستەسىنە تاعى ءبىر جاڭا ءپان قوسىلماق
ونسىز دا جوسپارلى پاندەر مەن قوسىمشا ۇيىرمەلەردەن ۇلگەرمەيتىن وقۋشىلارعا تاعى ءبىر جاڭا ءپان قوسىلماق دەپ حابارلايدى 31 ارنا.
«قازاقستان حالقىنىڭ سالت-داستۇرلەرى» ءپانى ازىرگە تەك وسكەمەن قالاسىنىڭ وقۋشىلارىنا وقىتىلادى. ءبىر قىزىعى وبلىس پروكۋرورلارى ۇسىنعان ءپان الدىمەن ەكى بىردەي مەكتەپتە كەيىن جەتى وقۋ ورىندارىندا ەنگىزىلمەك.
"ءبىز وسى كۋرستى ەنگىزەر الدىندا سول ساباقتاردىڭ بارلىعىن زەرتتەپ شىقتىق، سول ساباقتاردىڭ تاقىرىپتارىن انىقتاپ شىقتىق. ءبىزدىڭ ءوزىمىزدىڭ انىقتاعانىمىز ءوزىن-وزى تانۋ ساباعىن الاتىن بولساق، وسى قازاقستان حالقىنىڭ سالت-داستۇرلەرى تەك قانا 98 ساعات كولەمىندە عانا بەرىلەدى ەكەن"، - دەيدى شىعىس قازاقستان وبلىسى ءبىلىم بەرۋ باسقارماسىنىڭ جەتەكشىسى ايجان سادىقانوۆا.
20-شى قاڭتاردا عانا تۇساۋى كەسىلگەن جاڭا ءپان بەسىنشى سىنىپ وقۋشىلارىنا ەكى اپتادا ءبىر ساعاتتان وقىتىلادى ەكەن. جىلدىڭ سوڭىنا قاراي بالالار ءپان بويىنشا ەمتيحان تاپسىرادى. ەگەر كورسەتكىش جاقسى بولسا، وندا وسى ءپان وزگە وبلىس مەكتەپتەرىندە دە جۇرگىزىلەدى.
اقشا جاعىن شىعىس قازاقستان ءوڭىرىنىڭ اكىمدىگى ءوز موينىنا الىپتى. ال ءبىلىم بەرۋ باعدارلاماسىنا جاڭا ءپان ەنگىزۋدى وبلىستىق پروكۋراتۋرا قولعا العان. قۇزىرلى ورگان وكىلدەرى پيلوتتىق جوبا نەگىزگى پاندەرگە كەدەرگى كەلتىرمەيدى دەيدى.
بۇدان بىلاي مەكتەپتەردە قانداي ءپان وقىتىلۋ كەرەكتىگىن ءبىلىم جانە عىلىم مينيسترلىگى ەمەس، پروكۋرورلار شەشەتىن سياقتى.
"20-شى قاڭتاردا وسى شىعىس قازاقستان وبلىسىنداعى №43 مەكتەپتە تاربيە ساعاتى رەتىندە العاش وتكىزگەن بولاتىنبىز. الداعى ۋاقىتتا بۇل ءپان شىعىس قازاقستان وبلىسىنداعى ۇلان، گلۋبوكوە جانە وسكەمەن، سەمەي قالالارى وتكىزىلەتىن بولادى"، - دەيدى شىعىس قازاقستان وبلىسى پروكۋراتۋراسى ءبىرىنشى باسقارماسىنىڭ اعا پروكۋرورى ايدوس تۇرسىنوۆ.
You Might Also Like
-
2017-2018 وقۋ جىلىندا جوعارعى وقۋ ورنىنا ەمتيقان تاپسىراتىن تالاپكەرلەر ءۇشىن ماماندىقتار ءتىزىمىڭ جاريالاندى. ونى «زەرتتەۋشى» رەسپۋبليكالىق ءعىلىمي-بىلىم بەرۋ ورتالىعىنىڭ ديرەكتورى مىرزان...
-
اعىلشىن ءتىلى ءمۇعالىمى قازاقستان مەكتەپتەرىن توزاققا تەڭەدى.
