InfoHub Logo

ۇلتتىق قاۋىپسىزدىك كوميتەتىنىڭ وكىلدەرى بايلانىس جەلىلەرىنىڭ جۇمىسى مەن ينتەرنەت-رەسۋرستارىن شەكتەۋگە قاتىستى تۇسىنىكتەمە بەردى.

2016 جىلعى 22 جەلتوقسانداعى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەكسترەميزمگە جانە تەرروريزمگە قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭى مەن «بايلانىس تۋرالى» زاڭنىڭ 41-1 بابى، كەلەسى مازمۇنداعى 1-2 تارماعىمەن تولىقتىرىلدى؛

«كەيىنگە قالدىرۋعا بولمايتىن جانە اۋىر جانە اسا اۋىر قىلمىستاردىڭ، سونداي-اق قىلمىستىق توپ دايىندايتىن جانە جاسايتىن قىلمىستاردىڭ جاسالۋىنا اكەپ سوعۋى مۇمكىن جاعدايلاردا قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ ءتوراعاسى، ونىڭ ورىنباسارلارى نەمەسە قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ اۋماقتىق ورگاندارىنىڭ باستىقتارى نە ولاردى الماستىراتىن ادامدار كەيىننەن بايلانىس سالاسىنداعى ۋاكىلەتتى ورگاندى جانە قازاقستان رەسپۋبليكاسىنىڭ باس پروكۋراتۋراسىن جيىرما ءتورت ساعات ىشىندە حاباردار ەتە وتىرىپ، جەدەل-ىزدەستىرۋ قىزمەتىنىڭ بارلىق سۋبەكتىلەرىنىڭ مۇددەسىن ءۇشىن بايلانىس جەلىلەرىنىڭ جانە (نەمەسە) قۇرالدارىنىڭ جۇمىسىن، بايلانىس قىزمەتتەرىنىڭ كورسەتىلۋىن، ينتەرنەت-رەسۋرستارعا جانە (نەمەسە) ولاردا ورنالاستىرىلعان اقپاراتقا قول جەتكىزۋدى توقتاتا تۇرۋعا قۇقىلى.

بايلانىس جەلىلەرىنىڭ جانە (نەمەسە) قۇرالدارىنىڭ جۇمىسىن، بايلانىس قىزمەتتەرىنىڭ كورسەتىلۋىن، ينتەرنەت-رەسۋرستارعا جانە (نەمەسە) ولاردا ورنالاستىرىلعان اقپاراتقا قول جەتكىزۋدى توقتاتا تۇرۋ ءتارتىبى قازاقستان رەسپۋبليكاسىنىڭ باس پروكۋراتۋراسىمەن كەلىسۋ بويىنشا جەدەل-ىزدەستىرۋ قىزمەتى سۋبەكتىلەرى مەن بايلانىس سالاسىنداعى ۋاكىلەتتى ورگاننىڭ بىرلەسكەن نورماتيۆتىك قۇقىقتىق اكتىسىندە ايقىندالادى»؛

بۇدان وزگە كورسەتىلگەن باپتىڭ 1) تارماقشاسى، 3-تارماعى كەلەسىدەي وزگەرتىلدى:

«1) ۋاكىلەتتى ورگاننان نەمەسە قازاقستان رەسپۋبليكاسىنىڭ ۇلتتىق قاۋىپسىزدىك ورگاندارىنان وسى باپتىڭ 1، 1-1 جانە 1-2-تارماقتارىندا كورسەتىلگەن نۇسقامانى نەمەسە شەشىمدى ورىنداۋ جونىندە شارالار قولدانۋ تۋرالى تالاپتى العاننان كەيىن ونى بايلانىس جەلىلەرىنىڭ جانە (نەمەسە) قۇرالدارىنىڭ جۇمىسىن، بايلانىس قىزمەتتەرىنىڭ كورسەتىلۋىن، ينتەرنەت-رەسۋرستارعا جانە (نەمەسە) ولاردا ورنالاستىرىلعان اقپاراتقا قول جەتكىزۋدى ۋاقىتشا توقتاتا تۇرۋ جولىمەن ءۇش ساعاتتان اسپايتىن ۋاقىت ىشىندە ورىنداۋعا مىندەتتى؛».

قازىرگى كەزدە زاڭنامادا كورسەتىلگەن وزگەرتۋلەرگە كەيبىر سۋبەكتىلەر تاراپىنان تەرىس تۇسىنىك بەرۋ بايقالۋدا. وسى ورايدا قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى ءبىرشاما تۇسىنىكتەمەلەر بەرۋدى قاجەت دەپ تاپتى.

اتاپ ايتقاندا، جوعارىدا كورسەتىلگەن قۇقىق نورماسى وڭىرلىك ينتەرنەت-سەرۆيستەرى مەن بايلانىس جەلىلەرىن جاپپاي توقتاتۋدى كوزدەمەيدى. سەبەبى قولدانىستاعى زاڭنامادا باس پروكۋرور مەن بايلانىس سالاسىنداعى ۋاكىلەتتى ورگانعا انتيتەررورلىق وپەراسيا جۇرگىزۋ بارىسىندا، قوعامدىق ءتارتىپ پەن ب ا ق سالاسىنداعى وزگە دە زاڭنامالاردى بۇزۋشىلىق تۋىنداعان جاعدايدا جەلىلەر مەن بايلانىس قۇرالدارىن پايدالانۋدى شەكتەۋ ءۇشىن قۇقىقتىق نەگىز قاراستىرىلعان («تەرروريزمگە قارسى ءىس-قيمىل تۋرالى» جانە «بايلانىس تۋرالى» قازاقستان رەسپۋبليكاسىنىڭ زاڭدارى)

سونىمەن بىرگە ۇلتتىق قاۋىپسىزدىك ورگاندارى تاراپىنان بايلانىس قىزمەتىن توقتاتۋ تۋرالى شەشىم اۋىر جانە اسا اۋىر قىلمىس جاساۋعا سوقتىرۋى مۇمكىن سىبايلاستارىن اقپاراتتاندىرۋ جانە ىس-ارەكەتىن ۇيلەستىرۋگە جول بەرمەۋ ماقساتىندا ناقتى ابونەنتتەرگە قاتىستى قابىلداناتىن بولادى.

«جەلىلەر مەن بايلانىس قۇرالدارى قىزمەتىن توقتاتۋ قازاقستان رەسپۋبليكاسىنىڭ باس پروكۋراتۋراسىمەن كەلىسىلگەن جەدەل-ىزدەستىرۋ قىزمەتى سۋبەكتىلەرى مەن بايلانىس سالاسىنداعى ۋاكىلەتتى ورگاننىڭ بىرلەسكەن بۇيرىعى نەگىزىندە ءتيىستى وپەراتورلارمەن ىسكە اسىرىلاتىن بولادى»،-دەلىنگەن ق ر ءۇقق-نىڭ باسپا ءسوز قىزمەتى تاراتقان مالىمەتتەردە.

---