InfoHub Logo

سولتۇستىك قازاقستان وبلىسى، شال اقىن اۋدانى
سەرگەيەۆكا قالاسى، قازاق ورتا مەكتەبى كمم
10 سىنىپ وقۋشىسى، قازاقستاندىق جاس پاتريوتتار اكادەمياسىنىڭ مۇشەسى
ساتىبالدييەۆا ايدا تالاپوۆنا
جەتەكشىسى: مۋكاتايەۆا گۋلميرا شاريپوۆنا

وتباسى – ءار جەكە تۇلعانىڭ وسىپ-ونەر، تاربيە مەن مەيىرىم ءنارىن الاتىن ىستىق تا ءقادىرلى، التىن ۇياسى. ءار ادامنىڭ ومىرىندە، جۇرەگىندە «وتباسى» دەگەن ىستىق ءسوز  ۇلكەن ءرول اتقارادى. سەبەبى ءار ادامنىڭ  ومىرىندەگى ەڭ قۋانىشتى دا قىزىق داۋرەنى وتباسىندا وتەدى. وتباسى مەن ءۇشىن باعا جەتپەس قازىنا. وتباسىما دەگەن ماحابباتىمدى سوزبەن جەتكىزۋ مۇمكىن ەمەس. وتباسىم - اسقار تاۋداي اكەم، اسىل جاندى، قۇشاعى جىلى انام، ۇنەمى مەنىڭ قاسىمدا جۇرەتىن قامقورشىم، ءىنىم – اسلان جانە مەن. مەن وتباسىمدى ەرەكشە باعالايمىن، وتباسىممەن ماقتانامىن. وتباسىمىزدىڭ  قامقورشىمىز، تىرەگىمىز، جۇرەگىمىز ول – اسقار تاۋداي اكەمىز. اكەمنىڭ قىزمەتى جالعىز وتباسىن اسىراۋمەن، قامقور بولۋمەن شەكتەلمەيدى. مەنىڭ جان اكەمنىڭ قىزمەتى اۋىر، ءارى جاۋاپتى جۇمىس. سەبەبى اكەشىم – شال اقىن اۋدانىنىڭ ءىىب جەرگىلىكتى پوليسيا باستىعى بولىپ قىزمەت ەتەدى. شەنى مايور. دامىلسىز قىزمەت ەتىپ جۇرسە دە ەشقاشان اكەمنىڭ شارشاپ جۇرگەن كەزىن كورمەگەنمىن. سەبەبى، اكەم ۇنەمى ءوزىنىڭ اتقارىپ جۇرگەن قىزمەتىن ەرەكشە باعالاپ، جاقسى كورەتىنى جايلى ايتىپ وتىرادى. بىزگە دە ۇنەمى «ۇلىم، قىزىم، بولاشاقتا وزدەرىڭ جۇرەكتەرىڭمەن قالاعان جۇمىسقا تۇرىڭدىر، سەبەبى، ءوزىڭنىڭ ىستەپ جاتقان ىسىڭنەن شارشاماۋ – ول قىزمەتىڭە دەگەن ماحابباتىڭ»، - دەيدى. سول كەزدە اتاقتى، دانا ادامداردىڭ ايتقان مىنا ءسوزى ويىما كەلەدى. «ءوزىڭ ءسۇيىپ ىستەگەن جۇمىسىڭدى ىستەسەڭ، ومىرىڭدە جۇمىس ىستەمەگەنمەن تەڭ» دەگەن ءسوزى ورالادى. سول كەزدە ويلايمىن، شىنىمەن دە مەنىڭ اكەم ءوزىنىڭ جۇرەك قالاۋىمەن وسى جۇمىستى قالاعان، سوندىقتان دا جۇمىسىنان دا شارشامايدى، جۇمىستان سوڭ دا بىزگە قامقور بولىپ، ۇنەمى ءبىزدىڭ قاسىمىزدا جۇرەدى. سونداي تاربيەنى  ءوزىنىڭ ىستىق جۇرەگىمەن، انالىق سەزىمىن بىزگە بەرىپ، ءبىزدى باعىپ – قاعىپ، ايالاپ وتىرعان اناشىم بولسا، مەكتەپتە شاكىرت تاربيەلەپ وتىر. شاكىرت تاربيەلەپ قانشاما تۇلەكتەرىن ۇشىرىپ جۇرگەن انامنىڭ دا قىزمەتى قيىن. الايدا بالانىڭ ءتىلىن تاۋىپ، تىلدەسۋ، جاقسى تاربيە بەرۋدىڭ ءوزى ءبىر ۇلكەن عانيبەت-دەيدى انام. قازاقستاننىڭ ەرتەڭگى بولاشاعى ءۇشىن تىرىسىپ، اق پاراق بەتىنە سىزۋ سىزعانداي بالانىڭ كىرشىكسىز ساناسىنا العاشقى ادامگەرشىلىك، مەيىرىمدىلىك نۇرىن سەۋىپ، ءبىلىم، ونەر نارىمەن سۋسىنداتۋدا. ءار بالانىڭ جۇرەگىنە ورىن تاۋىپ، ادام ەتىپ شىعارىپ، جول سىلتەپ، وقۋشىم دەپ مويىماعان انام راسىمەن باتىر انا. قازىردە انامنىڭ شاكىرتتەرى دە ۇلكەن–ۇلكەن قىزمەت ەتىپ ءجۇر، ءبىرازى انامنىڭ ايتۋىنشا ءمۇعالىم دەگەن قىزىعى مەن قيىنشىلىعى قاتار جۇرەتىن ماماندىقتى تاڭداعان ەكەن.  اتا-انامىز بوس ۋاقىتىندا  قاسىمىزدان تابىلۋعا تىرىسادى. وتباسىمەن وتكەن ءاربىر ءساتىم مەن ءۇشىن ۇلكەن قۋانىش. ولاي دەيتىن سەبەبىم: بىرگە وتكەن ۋاقىتتار اسەرلى دە،ەستە قالارلىقتاي. ءۇي شارۋاسىنداعى ىستەگەن ءاربىر ىسىمىزگە ۇلكەن باعىت-باعدار بەرەتىن اتا-انالارىمىز. ولار جۇمىستان كەلگەن ساتتە ولاردى قۋانتىپ،تاڭعالدىرۋعا تىرىسامىن. ءىنىم اسلانعا ساباق وقۋىنا كومەكتەسەمىن. ول بوس ۋاقىتىندا كوبىرەك سپورتپەن اينالىسقاندى ۇناتادى. ونىڭ اۋدان، وبلىس كولەمىندە فۋتبول سپورتىنىڭ جەڭىستەرى بولسا، «قازاقشا كۇرەستەن» رەسپۋبليكالىق جارىس وتكەن پاۆلودار جانە استانا كولەمىندە جۇلدەلى جەڭىستەرى دە بار. مەن ءۇي شارۋاسىن ءبىتىرىپ، ءتاتتى تاعامدارمەن داستارحان جايىپ، جاقسى كوڭىل-كۇيمەن قارسى الامىن. «مەنىڭ قولقاناتىم»، «مەنىڭ اقىلشىم» دەپ اتا-انام ماڭدايىمنان يىسكەپ، كۇلىپ كىرەدى. ءاربىر ىستەگەن ىستەرىمە ريزا بولادى. ولار مەنىڭ وقۋداعى، مەكتەپتەگى قوعامدىق جۇمىستاعى جەتىستىكتەرمەسۇيسىنىپ، قۋانىپ وتىرادى. وتباسىمنىڭ ءاربىر مۇشەسىنەن قوعامعا ءوز ۇلەستەرىن تيگىزىپ جاتقانىن كورە الامىن.  مەنىڭ وتباسىم - مەنىڭ ماقتانىشىم!

---