InfoHub Logo

جەمىستەرگە جاپسىرىلعان كىشىگىرىم جاپسىرمالاردى بايقاعان بولارسىز؟ وندا ۇسىنۋشىلاردىڭ لوگوتيپىمەن قاتار، بىرنەشە ساننان تۇراتىن PLU-كود (Price-Look Up) كورسەتىلگەن. بەلگىلى بولعانداي، وندىرۋشىلەردىڭ جەمىستى تاڭبالاعانداعى ماقساتى – وزدەرىن تانىستىرۋ عانا ەمەس، تۇتىنۋشىلارعا ماڭىزدى اقپارات بەرۋ.

جاپسىرماداعى ساندار نەنى بىلدىرەدى؟ وندا قانداي اقپارات جاسىرىلىعان؟ بۇل سۇراقتاردىڭ جاۋابىن bilim-all.kz بەرەدى.

3 نەمەسە 4 ساندارىنان باستالاتىن 4 تاڭبالى كود

ەگەر جاپسىرمادا تەك 4 سان كورسەتىلسە، ول جەمىس نە كوكونىستى وسىرگەندە اگروتەحنولوگيالار بارىنشا قولدانىلعان. ولاردىڭ قاتارىندا تىڭايتقىشتار مەن پەستيسيدتەر دە بار.

8 سانىنان باستالاتىن 5 تاڭبالى كود

مۇنداي جەمىستەردى وسىرگەندە گەندىك ينجەنەريا تەحنولوگيالارى قولدانىلادى. ياعني ول – قانشاما داۋ تۋدىرعان گەندىك موديفيكاسيالانعان ونىمدەر. جۇرگىزىلگەن زەرتتەۋ جۇمىستارىنىڭ بارىسىندا كوبىنەسە قاۋىن، بانان، پاپاييا سىندى جەمىستەر گەندىك موديفيكاسيالاۋعا ۇشىرايتىنى انىقتالعان.

9 سانىنان باستالاتىن 5 تاڭبالى كود

ەگەر 9 سانىنان باستالاتىن 5 تاڭبالى كودتى بايقاساڭىز، ول جەمىستىڭ فەرمەرلىك ادىسپەن وسىرىلگەندىگىن اڭعارتادى. ياعني ولاردى وسىرۋدە ەشقانداي حيميالىق تىڭايتقىشتار قولدانىلمايدى. مۇنداي ءونىم تابيعي بولىپ تابىلادى.

ەگەر جەمىستە PLU-كود بولماسا

شىنى كەرەك، كوبىمىز ەشقانداي جاپسىرماسىز جەمىستى الۋعا تىرىسامىز. ءبىزدىڭ ويىمىزشا، ول – ءقاۋىپسىز. الايدا بۇل رەتتە جاپسىرمالى جەمىستى تاڭداعانىڭىز ءجون. سەبەبى شەت ەلدەردەن اكەلىنگەن جەمىستەردە مىندەتتى تۇردە قاعاز جاپسىرما بولۋى ءتيىس. ال بولماعان جاعدايدا، جەمىستەر جاپسىرمادان «تازالانعان» بولۋى مۇمكىن.

 

---